هل في امكانية تغير الفيزة من F2 الى F1

انا لحد الان ماسافرت مازلت بالسعودية

وانا بروح للجامعة بدون لغة مخلصها وعندي ورقة I-20 الخاصة فيني

زوجتي الآن اللي هي F2 تحتاج I-20 ؟ واذا ماتحتاج هل لازم يكون اسمها في I-20 حقي ؟ لآن حاليا اسمها مو مسجل بورقتي مجرد اسمي

عشان تتطلع اف تو لازم يكون عندها ايتوني مرافق تكلم معهدك او جامعتك يرسلوه
ونصيحة من الآن طلع لها أف ون وريح دماغك لان يحتاج وقت تحولها من امريكا طالما انت لسا في السعودية طلع لها من الآن وارتاح

بالتوفيق

انا انصحك نفس كلام الاخت محاسبة المستقبل،،

اذا قدرت تطلع لزوجتك فيزا اف ون من السعودية ومن البداية افضل لك ولها بكثييييير وراح ترتاحون من كل هالتعب..!

لان اذا غيرتها في امريكا راح يترتب عليك التالي:

تاخير في المعاملة وممكن تاخذ في اقل تقدير ٣ اشهر

تدفع فلوس زايدة مالها معنى وهي ٥٠٠ دولار تقريبا

اذا طلعت برا امريكا راح تنلغي عليك الفيزا وماترجع امريكا فيها ..! يعني لازم بس توصل السعودية تسوي ل زوجتك موعد تغير فيزتها..


بما ان لو طلعت لها من البداية اف ون ماتحتاج الا ضمان مالي لها وراح تاخذ فيزة اف ون وخمس سنوات كمان

طبعا اذا تبي تطلع لها اف ون من البداية تصدر لها ضمان مالي خاص فيها واذا راحت المقابلة تاخذ كل الاوراق المطلوبة مثل الايتوني الخاص فيها ( تطلعه من المعهد) والقبول وووو ، المهم اهم شي ان زوجتك في المقابلة تقول لهم ان هي رايحة تدرس على حسابها الخاص في امريكا..! اذا قالت بروح مع زوجي او شي مثل كذا راح يعطونها اف تو لانها مرافقه لك.. افحرص كل الحرص انها تقول طالعه ادرس ع حسابي الخاص

طبعا اذا طلعت لها اف ون معناتها انها طالبة تدرس دوام كامل،، يعني مثلك ..! اذا زوجتك ماتبي تدرس دوام كامل لاتوهقون انفسكم بالدوام الكامل لان اذا هي اف ون وصار غياب كثير او عدم مبالاة بالدوام راح تتمشكلون مع الامقريشن..

اتمنى اني افدتك وربي يوفقكم

موفق

والله يالغالي متشكر لك جداً على ردودك السريعة والمفيدة

وانا فعلا كنت ابي F-1 لزوجتي لكن هي بمرحلة معهد ولغة ولو حملت ولا تعبت اكيد راح تسحب على الدوام وندخل في اشكالية مع ربعنا الأميقريشن

عشان كذا فكرت اخليها F-2 لفترة اللغة لحد ماتدخل جامعة وتحصل قبول وقتها نحولها F-1 وتلتزم هذا كان تفكيري

وما أدري عن خبراتكم هل صحيح التفكير ولا قاعد ادور حول نفسي

الف شكر لك