انا طالب هندسة كهربائية في جامعة الملك عبدالعزيز وابغى اكمل دراستي ابتعاث في امريكا

وش تبي تدرس
وغير كذا خلصت بكالريوس ولا لا ولا ناوي تفصل من الجامعة وتدرس بكالرويوس
شوف المتطلبات حقت اللغة
كيف المعدل كويس
اذا قدمت وانتهيت بيكون لازم ترسل اوراقك
وهم ماراح يرسلون اي قبول اي i-20 الا بضمان مالي او شهادة بنكية ما ادري عاد كيف نظامهم انت اسالهم وشوف

بالتوفيق لك
اي شي تبية انا حاضر

يعطيك العافية انا في السنة الثالثة واحسن نفسي مني فاهم شيء في الجامعة ومعدلي فوق (4.75) وابغى اتعلم فقعت افكر قلت ماينفع الا تطلع برة احسلك مادام انت تبغى تتعلم.

بس المشكلة انا مني عارف ايش اجراءات الدراسة في الخارج (علما انا لم اطلع خارج السعودية ابدا)
وشكرا
ييdu'd;

اكل العنب حبه حبه
اول شئ قدم على الجامعة الي تبغها وجامعات اخرى وكمل الاجراءت وان شاء الله يوفقك

اخوي اذا معدلك 4.75 او اكثر و في السنة الثالثة وجهة نظري كمل خلاص ما بقي شي كلها سنتين و تتخرج و اطلع بعثة ادرس ماستر وتعلم على كيفك ,
اما سالفة انك تحس انك منتا فاهم شي في الهندسة الكهربائية ترى طبيعي جدا انا نفس تخصصك غالبا اول ثلاث سنين تكرف انجلش و رياضيات و ما تاخذ الا مبادئ الكهرباء لكن على اخر سنتين راح تتعمق و تفهم زبدة الكهرباء خاصة اذا كان تخصصك قوى ( Power ) ترى عادي جدا اذا منتا فاهم , لان معدلك يعكس انك شخص فاهم جدا في الرياضيات و هذا المطلوب في هذه المرحلة , على فكرة المفروض المهندس الكهربائي ياخذ دبلوم رياضيات بعد ما يتخرج ^___^
الزبدة , تعوذ من ابليس وكمل ترى ما بقى لك شي و لاتخاف ملحق على الشي العملي الان افهم نظريات و امشي و الله يوفقك ^_*

بما ان معدلك ممناز كمل الجامعة و خلص منها و قدم على الاعادة و كمل ماستر برا

بتعيش ملك و انت برا

اما اذا اخترت انك تترك الدراسة بتضيع منك ثلاث سنوات + قلق المكافئة الي ما تكفي + تأخر الزواج (على بال ما تخلص بعد ست سنوات و تحصل وظيفة و تجمع فلوس يكون بدأ الشيب في راسك)

على فكرة ، طبيعي أنك في السنة الثالثة و تحس أنك ما انت فاهم و ايش راح تسوي بالهندسة الكهربائية أو ايش الموضوع كله هذا بالضبط . تراي مريت فيها هذي الحالة أيام الدراسة في نفس التخصص ، و للأسف ارتكبت أخطاء غبية و سخيفة نتيجة لهذه الحالة .
أنت بس أهم شي ، تحافظ على معدلك ، بل و تزيد من حماسك و مثابرتك ، و تسأل أستاذ المادة عن كل ما يدور في ذهنك و خاطرك ، لا بد من ضمن قائمة الأساتذة عندك من يتفهم و يجيبك و يشفي غليلك

يعطيك العافية ياشباب بس لو تعرفوا بس مستوى التعليم الهندسة في جامعة الملك عبدالعزيز ترى والله تعبان والدكاترة تحسهم بس يبغوا يفرضوا سيطرتهم عليك وهم مستواهم تعبان في الشرح والتعامل فهذا الي انا خايف منو اني بعد سنتين اتخرج وانا مني فاهم شيء.
الشيء الثاني من معاناتي عشان افهم المواد اروح ادور في جامعات برة واتفرج يوتوب والله اتعب في الحصول على المعلومة.

شكرا على ردكم وانا بستخير والي كاتبه ربي حيصير.

يالطيب لاتغلط غلطتي... انصحك تكمل الباكالوريوس بعدين تعال ماستر هنا...لاتظن ان المدرسين هنا يشرحون لك كل شي اغلبهم ماستتفيد منه غير تعلم نفسك بنفسك واسئلتهم ماهي على قد شرحهمم لاهين بالابحاث...اضمن شهادة اولا
وبعدين من ناحيه المعادله والله صعبه جدا

راي انك تكمل وبعدها تدور على وظيفة و تكمل ماجستير بعدها حتى و انت بتشتغل وللمعلومية ترا حتى في امريكا في دكاترة سيئييييييييين نفس الي في جامعة عبدالعزيز اذا ما كان اسواء من اخلاق من تعامل من شرح .......................حافظ على معدلك و خليك جنب اهلك اريح لان الغربة كربة والله اذا انقطعت عنك المكافاة من الملحقية بسبب تااااافه تعيش في قلق و كوابيس لا يعلمها الا الله

و في الاخير اذا اصريت على رايك صلي استخارة و ربك يختار لك مافيه خيرا لك
تحياتي