هل تعاني المرأة المسلمة المنقبة ( التي تغطي وجهها ) في دراستها الجامعية في أمريكا ؟

بدون الدخول للنقاش في الجانب الشرعي، ما راح أتكلم عنه؛ لأن موضوعك ما يسأل عن الشرع، ولا يؤخذ الشرع أصلا من هنا، ورغم أنه سيأتي أعضاء يقودون النقاش إلى الجانب الشرعي
لكن:
لو أنت لبست ثوب وشماغ وتداوم في الجامعة، هل ستعاني؟

وجهة نظري 80% لا تعاني من المضايقات ، لكن احيانا يجيك ناس من الشارع ، ماراح يقدرون يآذونها جسديا ،لكن يجي كلام منهم " شتائم لا اكثر" .

يا طيب

يالغالي

أنا ما أدري

أنا لسآ للحين ما ابتعثت ... واحتمال أني راح أبتعث .. وأنا سألت هذا السؤال عشآن أعرف بس لا أكثر ولا أقل



فـ أتمنى تكون الأجابات واضحة عشآن استفيد ويستفيد غيري من الطلاب والطالبات الي ناوين أنهم يبتعثون


بس هذا كل الموضوع

^_^



بالنسبة إلى سؤال عن لبس الثوب والشمآغ .. ما أدري والله مثل ما قلت أنا لسآ ما أبتعثت وما أعرف


وشكرا

^_^

أها طيب بالجآمعة نفسها .. أو بالمعهد هل يضايقونها ؟ هل يمنعونها من الدراسة ؟

أو أذا كانت طالبة دكتوراة هل يرفض مشرفها لهذا السبب ؟


وشكرا

ما الفرق بين الثوب والحجاب ؟؟ وهل الثوب واجب شرعي ؟؟

اخوي مضايقات جسدية اتوقع نادر تحصل , لكن اكيد راح تلاقي مضايقات نفسية نظرات استهجانية او استهزاء لان هنا صعب تلاقي وحدة مغطية وجهها . انا اتكلم عن مدينتي برأيي الحجاب الكامل استر للمرأة و عفتها لكن ما يمنع ان تكشف وجهها مع تغطية الشعر و الرقبة لان المجتمع هنا غير مجتمعنا في المملكة و مثل ما ذكروا الاخوان ما نبغى نحول النقاش لديني لانه لا انا و لا غيري مختص بهذه الامور لكن على حد علمي تغطية الوجه غير الزامية في مثل حال المبتعثين و الله اعلم !
لا احد يجي يقلي من وين تفتي على كيفك هذه وجهة نظري و المسلمين حول العالم اغلبهم ما يغطون عندنا موضوع تغطية الوجه عادة اجتماعية اكثر منها دينية ....

لا ما راح تعاني إن شاء الله، بس أهم شيء تطنش كثيير، لأن المرأة المنتقبة غير مألوف لكن لن تجد مضايقات حقيقية لهذا السبب

سهل الله أمركم

عن نفسي لابسه عباياات ملونه ساتره وطرحه ولثمه موباين الا عيوني نزلت مطار واشنطن مالقيت الا كل احترام قعدت اسبوع وسافرت ع ولايتي الكل محترمني ومالقيت اي مضايقات

رعام الله وحرسك..
اختي وش اسم ولايتك؟
وهل شفتي في ولايتك حريم لابسات اسود ونقاب اسود؟وهل البس بهالون طبيعي؟