سؤال لأهل الخبرة عن الفرق بين argument في الآيلتس ...

وعليكم السلام ورحمة الله وبركاته ..

بالنسبه للانواع الـ Essays الاكاديمية .. اربع انواع ثابته وهي :
1. Argumentative / Persuasive (المناقشه و الاقناع )
2. Descriptive (الوصف )
3. Narrative (تأليف قصه )
4. Comparative (المقارنة)
-------------------------------------------
1. Argumentative / Persuasive
هذا النوع من الاكثر الانواع استخداما في الايلتس بشكل خاص وفي الجامعات بشكل عام ..
طبعا الموضوع لابد يحتوى على جانبين .. جانب "مع" وجانب "ضد"..
ودائما تدعمين كل فقره بأمثله وحقائق موثقه .. دون التحيز الى جانب معين ..
غالبا بهذا النوع من المواضيع .. ماتدرجين رأيك بالموضوع .. فقط تعتمدين على الحقائق والامثله ..
واحيانا تضعين رأيك الشخصي مع دعمك بالامثله والحقائق المعهوده .. ولكن هذا فقط في حالة أن الـ Essays يتطلب الى مثل ماتقولين اثبات الحقائق!
أهم شي ان القارئ اذا قرأ الموضوع .. يقتنع بكلامك .. فكل تركيزك هو (كيف أقنع القارئ؟) ..!

2. Descriptive (الوصف )
هذا النوع بالغالب يكون فقط للوصف .. وتستخدمين الامثله الواقعيه واي معلومات تملكينها سواء صحيحه او خاطئه ..
فقط لوصف حدث معين او مثلا تكتبين عن شخصية شخص معين وتصفين تعامله وما الى ذلك من امور ..
عادة هذا النوع يحتاج الى تسلسل بالافكار .. حتى القارئ مايفقد تركيزه وقت القرائه ..


3. Narrative
النوع هذا مثل مانسميه بالعربي " التعبير الحر"..
بمعنى أنك تكتبين اي قصه سواء لك او لغيرك .. ولك حرية الكتابه فيها ..
وكلما كانت القصه سلسه ومتصله ببعضها .. كلما كانت افضل ..
القارئ هنا يبحث عن شي يعجبه بالقصه .. أما بالاسلوب او بالاحساس !

4. Comparative
طبعا المقارنه معروفه .. إنك تقارنين بين جانبين معينه ..
وهذا يعني انك راح تكتبين اما عن اوجهه الشبهه او الاختلاف !
ومن الممكن أنك تكتبين باوجهه الشبهه والاختلافات مع بعض .. ولكن الافضل انك تركزين اما شبهه او اختلاف ..
تكتبين واحد منها افضل .. لان اذا كتبتي بالجانبين .. راح يصير الموضوع طويل وبنفس الوقت متفكك ! ماراح يكون فيه سلسلة افكار متصله ببعضها !



أما بالنسبه لمفهوميتك على النقاط اللي كتبتيها ...
فهذي كلها تجي بالـ Argumentative

وبالنسبه للـ To what Extent .. فهي تأخذ بالمعنى المجازي "ما صحة ..." وليس اللغوي .. !
وهذا يعني أن مطلوب منك أنك تثبتين صحة هالأمر .. إما تكونين مقتنعه بصحته .. أو تقتنعين بعدم صحته ..
وبالحالتين لابد أن تكتبين الاسباب اللي خلتك تقنتعين بهالامر ..
فماهو شرط أنك تكونين مقتنعه تماما بالموضوع او غير مقتنعه تماما !
ولكن الأمر الاهم أنك تعطين رأيك بالموضوع من جميع الجوانب ..
كمثل أنك تقولين ( أنا اتفق معك بالكلام .. ولكن ! .... كذا وكذا وكذا ..)


أخيرا ...
أنواع المقالات كثيره .. ولكن لابد أنك تحفظين اللي كتبت لك .. ولاتهتمين لبقية الاسماء ..
اللي اعطيتك هي الانواع الاساسيه .. وفيه كم نوع بعد بس هذا مايستخدمونه كثير ..
فيه عندك بعد الـ Critical.. المقال النقدي .. بس هذا ماراح تستخدمينه الا نادرا جدا !
بس اعطيتك اسمه كمعلومه عابره ..
فقط ركزي واحفظي الانواع الرئيسيه اللي اعطيتك .. واعرفي بقية الانواع تندرج تحتها !
وطبعا مستقبلا اي موضوع يمر عليك .. بس تشوفين النقاط الاساسيه فيه واي نوع من الانواع اللي فوق ينطبق عليها ..!
وبكذا يصير تتعرفين عليها بشكل اسرع وافضل وتعرفين اللي لك واللي عليك .. ولا تطيحين بمتاهات انتي غنيه عنها ! ..



راح اعطيك موقعين راح يفيدونك بالنسبه للمقالات ..

الاول راح يكون فيه نوع المقالات الرئيسيه وشرح مختصر ومفهوم لطريقتها ...
اما الثاني راح يكون فيه جميع انواع المقالات المعروفه والمتداوله بشكل كبير ..
وفيه كل مقال وشرح تفصيلي عن طريقته ..


الموقع الأول: Writing Essays

الموقع الثاني: Essay Info :: Essay Types


هذا والله اعلم ..,

اخوك محمد