كورس المعهد الصيفي مكتوب 6 اسابيع والخريف مكتوب 15 اسبوع احتاج افهم تواريخهم وافضلها؟

وعليكم السلام ورحمة الله وبركاتة ... طيب ممكن تنزل الرابط علشان نخدمك فيه باذن الله

وعليكم السلام ,
شوف يالطيب دوام الجامعات تختلف من جامعة الى ثانية واحيانا حتى دوام المعهد يختلف عن دوام الجامعة اللي هو فيها يعني تقدر تقول ان المعهد له معاملة خاصة
واذا تبغى تشوف مواعيد الدوام لسنة كاملة ادخل على موقع الجامعة ودور على Academic Calendar ويطلع لك التقويم الدراسي كامل للاجازات والحضور
وما انصحك تأجل دراستك بس لانه بدايتها بتكون في السمر وبالمناسبة بداية السنة الدراسية بكون في جينيوري يعني بعد سمسترين 8 اشهر ومن ناحية التسجيل
فلا تخاف صدقني المعهد يبغاك اكثر من ما تبغاه واذا وصلت هناك باذن الله كلم الادارة عن المدة اللي ودك تدرس فيها والامور سهالات ,, بالتوفيق

اتفقك معاك

واختيار موفق لجامعة سانت كلاود بالتوفيق

عادي
دايم كورسات الصيف تصير أقل مدة من الباقي
لأنه يصادف إجازة الصيف

نفس الشي بمعهدي

موفق ❤❤❤

في معهدي الصيف يكون 7اسابيع بعدين اجازة الى بداية فصل الخريف يعني الصيف فقط one module
أما الخريف فهو two module كل واحد فيهم يكون تقريبا 7 اسابيع يعني لوتقدر تاجل وتبدا في الخريف افضل لان هالاجازة الفاصلة للاسف تعتبر من مدة البعثة

يعطيكم العافية ..

احترت زيادة واحتاج مساعدتكم ..

هذا الجدول حقهم ..


مكتوب سمر 12 اسبوع بعدها مقسمينها ست اسابيع وست اسابيع .. هم برسالة القبول قالوا قبلناك بكورس السمر ويبدأ بعشرين مايو .. فهل قصدهم انا ضموني ست اسابيع ولا قصدهم كل الـ12 ..

وبعدين اللي اعرفه ان اللغة مسموح لنا سنة .. لو ماجبت درجة التوفل .. هل مسموح لي اجلس سنة من 20 مايو الى عشرين مايو السنة اللي بعدها "فرضاً" .. ولا بس مسموح لي كورس السمر ..

واذا مسموح لي اكمل .. كيف الطريقة .. بعد مايخلص كورس السمر اسجل بالخريف ولا عادي هم بيخلوني اكمل من نفسهم .. بعدين هم كاتبين كورس السمر يخلص 8 اوقست .. وبعدها كورس الخريف يبدأ 26 اوقست .. هالـ18 يوم بين الكورسين اجلسهم كذا عالفاضي ولا كيف فكرتها .. والخريف يخلص بخمسة ديسمبر والكورس اللي بعده يبدأ ببداية جانوري .. هل هالشهر برضو اجلسه عطال بطال ؟ ..

احتاج تجاوبكم باسرع وقت والله .. لان مازال عندي خيار تاجيل الدراسة للخريف "شهر ثمانية ميلادي" بس بنفس الوقت ماودي اتحسف اني اجلت .. ودي اختار احسن خيار متاح لي .. اي معلومة بتفيدني وابي شوركم بأي كورس انضم لهم.

محتاج رأيكم شباب وبنات .. الوقت قصير.

وعليكم السلام
اخوي شف على حسب جدولك المعهد مقسمين السمر قسمين لانه فيه ناس من دول ثانيه تجي بالصيف تدرس قسم واحد وترجع لتحسين اللغه فقط
لكن انت تبي تدرس للجامعه علشان كذا تاخذ كل القسمين
واذا قبلوك بالمعهد تكمل عندهم الين يطردونك ولا تتخرج ولا انت تغير معهدك

اللغه مسموح لك سنه وتقدر تمدد ست شهور زياده
اذا رحت انت للمعهد بيقولون لك فيه يوم لازم تصير موجود فيه قبل المعهد علشان يتأكدون انك تبي تكمل وان ماعندك مشاكل بالدفع

ال١٨ يوم هذي بين الفصلين نفس السعوديه اذا خلصت فصل دراسي يصير عندك اسبوع بس هم مدلعينا شوي حاطين لك ١٨ يوم والشهر اللي بعد ديسمبير تقعد عطال بطال