راي للجميع

ياخي تبي نصيحتي ، ؟
افتح بزنس وانت تشتغل ؟؟ حرام عليك تترك وظيفتك عشان بزنس وماتضمنه ؟؟
حاول تجمع بين الاثنين , والافضل انك تشتغل بشي بسيط على قدك ؟ ماتكون تقط كل الي عندك بمشروع واحد .. !!
اتمنى لك التوفيق لكن رأيي انك لاتترك وظيفتك وتكمل دراستك لان تكمله الدراسه مايعني انك راح تحصل على وظيفة احسن .. !! فيه ناس ماستر سعوديين مو محصلين ؟؟؟
بس اذا مصـر انك تترك وظيفتك خذ اجازه بدون راتب واعمل لك بزنس واهتم فيه حيـل
بس نصيحه واعيدها لك ألف مره لاتسوي بزنس يزيد عن 25% من رصيدك !!
يعني معك 500 , اشتغل بالبدايه بـ 125 ألف بالكثير طبعا .. !!
وانصحك اعمل بسوالف السوق الصيني .. !! ناس كثير اعرفهم صارو اثرياء بالمدينه بسبب الصين والسوق الصيني ,, اتمنى من كل قلبي لك التوفيق ...

و عليكم السلام ورحمة الله وبركاته .. اخوي اولا الدراسه الي يحددها انت شخصيا .. مب حنا اللي نحددها لك .. هل انت لديك رغبه في الدراسه أو لا .. رغبتك الشخصيه هي دافعك الأول .. فيه ناس درست وهي ما عندها قرش واحد .. بدت من الصفر واشتغلت وادرست ومع ذلك حققوا نجاحات باهره .. وفيه ناس عكس ذلك معهم فلوس لكن ما نجحوا في الدراسه .. وذلك لاختلاف الدافع في كلا الحالتين .. اما بالنسبه للبزنس فبشكل مبدئي ما انصحك نسوي بزنس وتروح وتخليه .. الي يسوي بزنس لازم يقابله ويتابعه عشان ينمو أكثر وأكثر .. هذي طبعا نصايح عامه وانت أدرى باللي يناسبك أخوي .. وربي يوفقك ويبارك لك في رزقك وعلمك وصحتك

يا أخي الموضوع يعتمد عليك أنت

هناك سيناريوهين
السيناريو الأول ، أنك تترك موضوع الدراسة . يعني أنا أفترض أنك مرتاح في الوظيفة و فيه استقرار نفسي ، و لديك راتب ما شاء الله ، و مبلغ جيد ، تقوم بإنشاء مشروع ، تشتغل فيه ، و تستمتع به ، و تتعلم أمور منه و تشغل وقتك به ، و تتعرف على ناس و شرائح أخرى من الناس من زملاء حرفة و مهنة إلى عاملين في نفس المجال إلى موردين إلى أشخاص هم يجيبون لك الشغل اللي تسترزق منه ، يعني عالم متشابك من العلاقات و بعض الناس يستمتع بهذا الأمر .
فتحقق هدف معنوي في ذاتك ، و تحقق دخل إضافي قد يتزايد في المستقبل .
هذا يعتبر نجاح في الحياة إن الله يوفقك و أغناك بحلاله عن حرامه

السيناريو الثاني ،
أنت لديك طموح للدراسة و تريد أن تحصل على أعلى الشهادات ، فتبدا مشروع البعثة الذي قد يكلفك 100 ألف في البدياة إلى حين ابتعاثك ( قد يكون أقل و قد يكون أكثر و المهم هو الحسبة الصح ) ثم تحقق أهدافك من التعليم و التغرب ثم تعود لبلدك فتحصل على الوظيفة التي تتمناها و تبدأ حياتك من جديد .
هذا أيضا نجاح في الحياة إن الله وفقك و أغناك بحلاله عن حرامه

النجاح في الحياة ليس محصورا في فكرة الدراسة في الخارج .. أنت شوف رغباتك و أدرس وضعك و أدرس فرصك هنا و فرصك هناك و ادرس الإيجابيات و السلبيات في كلا الطريقين ثم استشر ثم قم بصلاة استخارة لرب العالمين ثم خذ القرار و توكل على الله العلي العظيم

وفقك الله لما يحب و يرضى

انا اكلمك من واقع خبره وكموظف بنك وكان راتبي اعلى من راتبك .. بس كانت نفسيتي زفت .. الله وكيلك اشتغلت في بيئة عمل صعبه جدا جدا

اذا طبيعة عملك كويسه وزملاءك كويسين ..

ريح بوظيفتك .. واترك عنك الهم 25 سنه بتدرس بكالوريس تعتبر كبير

وبترجع بالبكالوريس وكلن بيصير معه بكالوريس ..

اما اذا انت ماجستير شي ثاني .. مع ان الواسطه صارت تلعب دور كبير في كل شي

و

الفلوس تجيب الشهادات .. ياصاحبي