خَيْرُ النَّاسِ أَنْفَعُهُمْ لِلنَّاسْ > ابي لكم الخير

انا اتفق مع اخوي ارمان كثير
الاغلب انه انتي كان عندك تصورات مغلوطة عن امريكا و انصدمتي بـ الواقع
يعني مسألة انهم يبغوا يحاسبوك بـ السنت انا اشوف انها من افضل العادات عندهم ,, اجل زي عندنا تشتري بريال و نص و النص ثاني يعطوك علك
انا جمعت السنتات هذي لي سنتين و بعد سنتين انزنقت و رحت بدلتها طلعت لي مبلغ محترم فك ضيقتي !!! والله انفجعت
مسألة انه تدفعي لكل شيء فقولي لي شيء عندنا في السعودية ما تدفعي عشانه
التعليم ؟! اذا تبغي تعليم مراعي للطالب زي الامريكي لازم تدفعي لمدارس اهليه او تسفري ولدك لبرى البلد لانه جامعاتنا متهالكة
الصحة ؟! بغض النظر عن المواعيد الثلاثة شهور وانه ممكن ما يلقوا لك سرير و الاخطاء الطبية الشنيعة بس اذا تبغي رعاية صحية بجد لازم مستشفى خاص
غير كذا لا يمكن تشتري من السوبر ماركت ببلاش او تسحبي على دفع الايجار
السعوديين في البداية كانوا يعاملوا معاملة الامريكان نفسهم يدفعوا نفس الديبوزت و يدفعوا نفس الرسوم التعليمية لكن شافوا انهم طاحوا في بعض الاشخاص
اللي جابوا ام العيد في البيت اللي استأجروه ,, و الدوام ساحبين على ملته فـ دبلوا المبالغ لـ الفائدة اولا و حتى يلتزموا ثانيا لكن لا حياة لمن تنادي
وانا رحت عشان استأجر بيت اللي كان ساكن فيه عزوبي سعودي و بـ لحااااااااااااااااااااااااااااااااااااااااااله
يقول راعي البيت انا ما رح ااجر لـ سعوديين مش متزوجين شوفوا ايش سوى لي في المطبخ لقيناه حارق نص الطاولة !!! كيف الله اعلم
عن جد خرب عليه المطبخ ,, و نقول ليش ما يتعاملوا معانا زين
بـ العكس اي شخص يتابع افلامهم رح يعرف تعاملهم ,, تبغى افضل طاولة في المطعم فك ايدك شوي لـ الويتر
تبغى افضل الخدمات خلك دفيع ,, و شعب يعشق الفري فود و هذا واضح من افلامهم و من اعلامهم
لكن الواضح انه بنيتي صورة خيالية للمدينة الفاضلة وانصدمتي لما شفتي الواقع معاكس

الملحقية ,, لا تعليـــــــــــــــــــــــــــــــــــق اخذنا ذنبهم من كثر ما نشلخ فيهم و زي اللي يأذن جنب اصم !!!

ا

لا لا

يعني عشان كم سعودي غاب عن معهده وعشان كم عزوبي حاس شقته دبلو الأسعار أضعاف مضاعفه ؟؟؟؟؟؟؟؟؟؟؟؟!!!!!!!!!

طيب قولي لي ليه مادبلوووو الاقساط الدراسية على الأجانب مع أنهم يغيبون زيهم زي اي طالب سعودي

انا اعرف ألمانيه تدرس معي على حسابهاااااا والله تداوم يومين وتغيب البااااااقي وتقول انا ادفع للمعهد ٩٠٠ دولار ولا صدقتهااااا
وبرضووووو ياباني في نقاش معه بكلاس وجبنا طاري الفلوس وعلمنا
وايضا روسي في معهد ثاني اعرفه شخصيا معه
انا من القهر ماقدرت اصدق فقلت ماعندهم سالفه احسن شئ أتأكد
و رحت للمشرفه سألتها قالت لا كل طلابنا يدفعون ٣٠٠٠ مثلكم !
رجعت للألمانية وثاني يوم جابت لي فاتورة الدفع وشفتهاااا بعيوني الثنتين


الا قولي استغلال مادي شافو حكومتنا كابينا عليهم كب وحكومتنا بتدفع الي يبون قامو دبلوهاااااا

هذا كله كوووووووم وبربرة المدرسين عن الحجاب والسوافه والبترول كووووووم ثاااااااااااني
ذبحونا بالحجاب كل ماقالو أكتبوا ايساي اختارولنا الحجااااااب

كأنهم ماعندهم حريم يشتغلون بالكنايس متحجبات متسترات ولبسهم أشبه بالعبايه !! ليه حجابنا مسبب لهم ازززمه ماااااااادري !

حبيبتي هيفاء
لما نذكر امثلة على الاشياء اللي تخلي التعامل يختلف اعرفي انه مو كل شيء ينعرف ينقال
لكن بـ بحث بسيط عن النت تعرفي انه ما احد مستغفل الملحقية في سالفة الدفع الزايد ,, و يدفعوا و بـ مزاجهم
لكن انا اتكلم عن التصرفات الفردية بعيدا عن الحكومات و سياستها
تصرفات بعض اخواننا الفردية تخلي اللي قدامه اجباري يدفعه اللي فوقه و اللي تحته
رح اعطيك مثال ,,
طالب سعودي ( رجال او بنت ) رايح ولاية فقرانة كحيانه و اطلق شيء عنهم محطة البانزين و يبغى يستأجر بيت
تلقيه على سنقة عشرة كانه رح يروح يخطب ( الشيء هذا حلو بـ النسبة لنا ) لكن لما تكوني في ولاية فقيرة و الشعب جشع وهذا معروف عن الغربيين بـ صفة عاااااااااامة
و يلاقي هدوم اللي قدامه تساوي ثروة الجينز بربري و التي شيرت ارميس و الحزام لوي فيتون و الشوز ارماني لو كان ايجار البيت خمسمية دولار اول انطباع رح يجيه انه الادمي دفيع
فـ ليش بدل ما اطلب الخمسمية اخليها ثمانمية !! هذا المنطق و هذا الواقع و هذا اللي رح يصير معاك في كل مكان حتى في الدول العربية
احنا ماخذين سمعة على مستوى العااااااااااااااااااااااااالم انه احنا ناس دفيعة من وراء تصرفات بعض الاشخاص الغير مسؤلة و حبهم للهياط و الفخفخه
خلي لما يصاحب له احد من الامريكان وهاتك كل يوم عزايم و مرة يغديه و مرة يعشيه و تلاقي الامريكي عمره ما عزمه حتى على كوب كوفي !!!
المشكلة انه ناخذ ثقافتنا و نحاول ندمجها في ثقافتهم المختلفة كليا عننا !!! الكرم عندنا سوء تدبير عند الامريكان و المال السايب يعلم السرقة
اذا رح نتكلم عن حتة الغياب فـ اسمحي لي شوي
طالب صيني او كوري طالع على حسابه الخاص او حتى بعثة لكن معظم المصاريف هوه اللي رح يتكفل فيها تقارني غيابه في غياب اي طالب سعودي محمول مكفول من جميع النواحي ؟!
يا حبيبتي كان معانا في المعهد واحد كوري الله يذكره بـ الخير و طلع يوم الاحد شرب لحد ما انتهى و صار مغيب و ثاني يوم مرتز في الكلاس و باقي ثلاثة ارباع نايم
فـ صاروا يقولوا له ليش حضرت اليوم وانت كثرت شرب امس ,, و يقول رح انزل في درجات الاتندنس انا ما عندي مشكلة في الشرح انا فاهم اللي بتقوله بس الدرجات رح تنخسف
بـ الله عليك السعوديين المهملين باقي يتصرفوا بـ هالشكل ؟!!!
فيه واحد سعودي معانا من كثر ما المعهد لاحقوه على الغياب اخرتها قالوا لنا وصلوا لـ فلان انه رفعنا اسمه لـ الامقريشن لانه تخطى نسبة الغياب بـ كثيييييييييييييييييييييييييييير و مش مسؤل المعهد
عنه !!!!! ظلوا اسبوعين يبغوه يداوم عشان يقولوا له هـ الكلمتين و ما لقيوه ,,
زيادة الاسعار في المعاهد تحديدا ترجع لـ امور سياسية بـ الدرجة الاولى
اما في الحياة بـ صفة عامة من تصرفاتنا اولا و اخيرا و الشواهد كثيرة على هـ الشيء و لو ركزتي في اللي حولك صدقيني رح تلاقي مليون اثبات و دليل على كلامي
طنشي شوي الاسطوانة المشروخة اللي كلنا سمعناها ,, سالفة انه احنا مضطهدين و مستهدفين ,, و رح تلاقي بلاوي ( فيه نسبة اضطهاد بس مش بـ الدرجة المبالغ فيها )

هو من الاخر اللي ماعنده فلوس مايقدر يعيش في هذا البلد. وماخذين فكره عن السعوديين انهم كلهم أغنياء حتى في البخشيش (التب) يقول انت مفروض تدفع أكثر من غيرك لأنك سعودي. وعلى مو بس الامريكان اللي يستغلون حتى العرب اللي هنا أكبر حرامية الا من رحم ربي يحبون يمصون السعودي مص. ومن ناحية المعاهد والجامعات ففيه تفرقه في الرسوم مقارنه بالسعودي أو الخليجي عامة لأنهم عارفين اننا شعب دراهم دراهم ..

و الله مدري وين عايشين أنتم
يمكن في مكان غريب مختلف عن باقي أمريكا
صارت المشكلة حتى في البقشيش ، لا شافوك سعودي قالوا ادفع أكثر يا رجل أنا من يوم جيت ما دفعت بقشيش إلا بعدين يوم سمعت من المدرس أن هذي عادة موجودة و من اللائق أنك تدفع و البقشيش زهيد من 10% إلى 15% و ممكن أقل حتى ، لكن طول الفترة اللي ما كنت أدفع فيها ما ألقى إلا كل احترام و ابتسامة و تعامل راقي
يا ليت اللي في الموضوع هذا فعلا واجه مشكلة من هذي النوعية يقول وين ساكن بالضبط علشان نحذر الناس من المكان اللي ساكن فيه

أختي الله يبارك فيك هوني على نفسي
ترى الامور أبسط من أنها ترفع ضغطك وتحوس نفسيتك
استهدي بالله وادعي ربك يسهل لك الأمور وقولي : اللهم لا سهل إلا ما جعلته سهلا، وانت تجعل الحَزن إذا شئت سهلا.
واستعيني بالله في أمورك كلها، وربك كريم سبحانه،
خصوصا انك وصلتي خلاص، وبدأتي دراستك، فقط أستجمعي شجاعتك وواجهي الأمور بالعزيمة والثقه والتوكل على الله سبحانه
بالتتوفيق