الوظيفة ام الابتعاث للبكالوريوس

يا هلا و غلا
رأيي الشخصي ، انك تبقى على وظيفتك الحالية
و تدرس عن بعد بكالوريوس بما انك تريد فقط الشهادة لتخدمك في وظيفتك
والله يوفقك يالطيب و يكتب لك الخيره
دعواتك

احب اعطيك الزبده ومختصر الكلام الطويل العريض
اذا كنت تجد في نفسك ثلاثة أشياء _ استقيل من الان وابحث عن قبولات المعهد والجامعه _ :
1- الرغبة الجامحة لنيل الشهادة بمعدل جيد جدا في أسوء الاحوال .
2- المثابرة الدراسية الدؤوبة والمتواصلة .
3- الصبر والجلد والتذكّر بأن كل مانتاجه حلو فهو في بدايته صعب وشاق .

اذا لم تتوافر بك هذه الخصال فلا انصحك بالاستقالة .

وفقك الله

والله ثم والله راح تكره الغربه الغربه صعبه وقويه

خلك قريب عند اهلك ارحم لك لاتلعب بالنار.

واحمد ربك غيرك عاطل باطل والله في ناس

خريجين جامعات ولهم سنين يدورون علئ وظائف انا اقتنعت

انه رزق من الله حتئ لو شهادك ابتدائي.

الله يوفقك.

وعليكم السلام ورحمة الله وبركاته ...
والله وانا اخوك الاوضاع صعبه جدا في اتخاذ قرار في مثل هالامور ..
قبل فتره كنت اتناقش انا وشخص عن نفس الموضوع .. هو مثل وضعك ولكن خبرته خمس سنوات ..
وراتبه 6000 ريال .. وكل اللي يبيه راتب اعلى .. فكان يفكر بالابتعاث .. والخبره ماراح تنفعه بالابتعاث !
فنصحته بانه يقدم على شركات اخرى لعل وعسا الله يكتب له رزق فيها ...
وقبل امس لقا له شركه قدمت له عرض راتب 9000 ريال ...

فانا بارد لك نفس النصيحه .. ابحث عن شركه براتب اعلى .. فالخبره راح تساعدك .. بعكس الشهاده ...
وفكر بالراتب على المدى البعيد .. بمعنى الخبره تزيد الراتب .. فكل مازادت مدة الخبره كلما زاد الراتب ..
فشوف الراتب الحالي .. اذا كان الشركه الحاليه خلال الخمس سنوات القادمه بيزيد بنسبة اكثر من 30% ! فمعناته ان موقعك الوظيفي جيد ..
اما اذا اقل .. فلابد تبحث عن شركه اخرى .. تعطيك هذه الفرصه ..

لكن لو تبي الابتعاث .. فأنت راح تخاطر بمستقبلك الوظيفي وحياتك الاجتماعيه بشكل كامل ..
لانك مثل ماقلت .. مستقبل وظيفي مبهم .. وغير هذا حتى لو لقيت وظيفه .. راح تتوظف على الشهاده .. وراح يكون الراتب اقل من الراتب الحالي واقل من الراتب اللي ممكن راح تاخذه بعد خمس سنوات ! ..
فعلى قولة المثل .. كانك يابوزيد ماغزيت ! ..

اما لو كان فيه شي مضمون .. مثلا ابتعاث عن طريق الشركه .. او ماشابهه ذلك .. فهنا اقولك ايه الوضع يختلف تماما ومطمئن ..!


وبكل الاحوال .. قبل ان تقدم على امر .. استخير ربك .. واسعى في امرك .. والله يكتب لك اللي فيه الخير ..

الحل عندي يا غالي

كيف لغتك الانكليزية

ادخل موقع بيت كوم وحط السيرة الذاتية انا تجيني عروض منهم بس ما ابي ابي اطلع برا ورتبي 6400 خبرة سنتين مع الشركة

نصيحتي الى متى تضل اداري يا غالي وكم تتوقع بيصير راتبك بعد 20 سنة الافضل والاحسن طور نفسك اتعب 5 سنوات وراح تحصل راتب اعلى في ناس تقول لا تروح ترا ما تحصل

يا غالي في ناس ما يعرفو كيف يسوقو للسيرة الذاتية حقتهم والله حصلت ناس معهم بكالوريس وماجستير ما يعرفو كيف يبحثو عن وظائف هي تعتمد على الشخص

علما انا ما عندي الثانوي

توظفت في موبايلي رسمي وكان في عروض وتركتهم بسبب مشاكل في الاذن خدمة عملاء 1100

الان بشركة مجموعة الفيصلية مندوب علاقات حكومية براتب 6400 ريال انا معي ثاني ثانوي وبخص السنة هاذي ودراستي بشهر 8 يوم 20 في امريكا وخلصت اموري من الان وكل شي جهزته