جامعه - معهد - ملحقية ............

كلام الموظف غير صحيح ..!

اذا كانت الجامعه لها معهدها الخاص ...واعطتك قبول مشروط .. فمعناته انك تدرس بمعهدهم لفتره معينه ثم اذا اجتزت مرحلة اللغه تلتحق بالجامعه تلقائيا بدون اي اجرائات اضافيه ..!


الالتحاق باذن الله سهل اذا اكملت الشروط .. والان على حسب ما اشوف ان الاربع شهور هذي فعلا صحيحه يعني ماتتعطل باذن الله ..
بس برضوه الواحد مايقدر يجزم على هالامور حتى لو كانت صحيحه .. لان كل شي علمه عند الله .. وانت لابد تاخذ احتياطاتك وتعمل بالاسباب ..

اما موافقة الملحقيه بقبول مشروط .. نعم ! .. توافق .. !

اما عن واشنطن .. بكلمة وحده " معيشتها غاليه"..!

شكرا لك اخوي افدتني كثير بخصوص هذا الموضوع

لو بديت جامعة اول ما وصلت امريكا يعني ما دخلت معهد هل يكون الانضمام اسهل؟

اذا انك انت متقن للغه الانجليزية رح و سوي اختبار توفل او ايلتس على حسب اللي تطلبه الجامعه وادخل الجامعه على طول و الانضمام كذا ولا كذا على م اظن يبيله 4 شهور

اما اذا ما تتقن اللغه او مو معك اختبار توفل او ايلتس ما تقدر تدخل جامعه بدون ما تكون مخلص لغه

على حسب تجربتي الخاصه ... لا راح تكون فيه تعقيدات ..
فمثلا انا تم ضمي للبعثه بعد سنه من دراستي !
وبينما فيه ناس وصلوا بعدي وانضموا في شهور ..
بس هم بالمعهد وانا بالجامعه ..

مسألة الالتحاق بالبعثه .. لما تكون بالمعهد .. فراح تكون على حسب الروتين ...
اما لما تكون دايركت بالجامعه بدون اي معهد .. فهنا راح تكون "حاله خاصه"..
وبالتالي راح تكون تختلف ...

الملحقيه عندها الروتين توصل امريكا تاخذ لغه بعدها تدخل الجامعه ... خلك ماشي على هالروتين .. لا تغلط غلطتي !
تمشي على هالروتين تاخذ امورك مثل غيرك .. اما انك مثلا تدخل جامعه على طول .. معناته كسرت هالروتين .. فبالتالي راح تتعقد عليك الامور لانهم ماراح يستوعبون فكرة انك بالجامعه بدون معهد حتى لو ارسلت لهم اوراق تثبت ذلك ..
لانهم يمشون على روتين واحد .. معهد بعدين جامعه .. بس انت تجي على طول جامعه !؟ هنا تنقلب الامور ..

علشان كذا انا من تجربتي الشخصيه انصحك بانك تكمل بالمعهد حتى لو انت عندك لغه ... او عندك شهادة ايلتس او توفل مسبقا ..
ادخل معهد وخلصه وبعدها ادخل جامعه .. بهالطريقه تكون على الروتين المعتاد .. لان الملحقيه مافيها ناس تفهم الا انها مثل الجدول فقط تنفذ الروتين المعتاد ولو جاها شي ماهو مثل هالروتين راح تتعب معاهم ..
غير هذا راح تتندم اساسا انك مادخلت اللغه .. لانك راح تفوت جزء كبير من خبرتك ... فراح يكون ضغط الجامعه عليك ضعف ضغط الجامعه على اي طالب متخرج من اللغه ..
لانك ما اخذت لغه وقعدت فتره على الاقل سنه لحتى تعتاد على لغتهم وتعود نفسك على الانجليزي ونظامهم بشكل عام ...


هذا والله اعلم .,

مشكور! ايه انا عشان كذا ما ابي اخاطر
بس لاني جايب ٦ و تص بالايلتس فقلت بدال ما اضيع اربع شهور معهد ادخا على طول