مساعدة التوصية الاكاديمية او recommendation letter

????? ولا رد ياهوووووووو يا شباب ؟

التوصيه تختمها من التعليم العالي
بعد كذا تنحط في ظرف ويتقفل وينختم لسان الظرف
انت جبت اربع توصيات كل اربع توصيات مختلفه تنحط في ضرف مستقل سويلك 6 او7 نسخ
واختمها من التعليم العالي

بعدين مين قالك انك انت تسوي خطاب التوصيه لا
انت روح للاستاذ نفسه وقله ابغى توصيات باللغه الانقليزيه يسالك عن المواد وشيل السجل الاكاديمي معاك يطبعلك توصيه تكون جاهزه عنده خاصه بالاستاذ نفسه ويوقع عليها بعدين تسوي الخطوات اللي قلت لك عليها قبل

شف طال عمرك نفذ الخطوات الي بقولك عليها بحذافيرها:
1- كلم الجامعه الي بتقدم عليها واطلب منهم ايميل المسؤول عن القبول واستقبال ملفات المتقدمين
2- روح للدكتور الي تبي منه التوصيه
3 - اعطي الدكتور الي بيكتبلك التوصيه ايميل الجامعه او ايميل الشخص المسؤول بالجامعه الي تبي التوصيه
4- خلي الدكتور يرسل ايميل ويرفق فيه صورة التوصيه عن طريق ايميله الجامعي

هذا الي يبونه كل جامعات امريكا وبالتوفيق

أول مرهـ أدري إن توصية طآلب تآبع لجآمعه معينه تختم من قبل وزآرة آلتعليم آلعآلي !!
مآدري إذآ هآلطريقه صحيحه ومجربه ..

عمومآ .. رح للقســـم وقول لهم أبي ثلآث توصيآت بآللغه الإنجليزيه وحآول تآخــذ توصيآت مختلفه في طريقة الإسلوب ..
مو تلآقيه نموذج وآحد وبس يتغير فيه إسم آلدكتور !!
عآدي هذآ آلشي من حقكـ تطلبه من آلقسم .. وآلمفروض آلجآمعه تجهز لكل آلطلآب توصيآت بآللغتين آلعربيه والإنجليزيه إذآ جآء يستلم آلوثيقه ..

موفقين ,,

روح لدكتور خذ التوصيه
اختم التوصيه من القسم
صور التوصيه لنسخ كثيره واختمها مره اخرها من القسم
ادخل كل توصيه في ظرف صغيره تبع الجامعه ويختم من خارج الظرف

نصيحه .. خذ مجموعه من الظروف تبع الجامعه حجم صغير وكبير وتختم من الخارج ولايقفل الظرف
لانه انا تورطت لمن قفلته واحتجت اهلي يرسلوا لي نسخ .. وخسرني فلوس ٦٠٠ ريال من فديكس ..


انا زمان اشحد القسم تشحيد عشان اخذ توصيه .. اخر شي خلوني انا اجلس ع الكمبيوتر عشان اسويه بنفسي
اهم شي يكون في التوصيه ايميل الدكتور
خذيت ٣ توصيات .. وثنتين منها نفس الكلام بس مغير اسم الماده والدكتور
بس في جامعه راسلت الدكاتر عشان تاخذ منهم التوصيه والدكاتر كلموني ع الايميل عشان ارسل لهم نسخه من كشف الدرجات ..

فيه نقطة مهمة يا أخوان:

ترون كثير من الجامعات "الصاحية" في أمريكا ما صارت تعترف بتوصية ورقية لا مختومة ولا شيء لكثرة التلاعب فيها.
التوصية صارت إلكترونية، بحيث أنت بس تضع إيميل الدكتور، ولما تسلم الأبلكيشن حق التقديم يجيه إيميل مباشرة فيه رقم سري واسم مستخدم.
يدخل الدكتور على الجامعة اللي أنت قدمت عليها، ويدخل اليوزرنيم والباسورد، ويبدأ يجاوب على أسئلة متنوعة عن الطالب، وفي الأخير يطلبون منه أن يكتب تعليق قصير عنك بشكل عام وأي إضافات يبي يضيفها.

ملاحظة:
بعض الجامعات تطلب منك أن يكون إيميل الدكتور إيميل مؤسساتي (أي تابع لمؤسسة تعليمية معينة) فلا تقبل مثلا ياهو أو هوتميل وأخواتها، بل لا بد أن يكون فيه اسم الجامعة مثلاً KSU أو فيه إشارة أنه مؤسسة تربوية EDU
وبعض الجامعات تقبل إيميلات الياهو وأمثالها لكن تطلب منك موقع الدكتور على الجامعة للتأكد أنه فعلاً هو نفس الشخص اللي راح يعبي التوصية، مو تحط إيميلك الثاني وتنزل تمدح في نفسك ههه


بالتوفيق أخوي،،،

اذا ذي طريقتهم اللي هي توصيه الكترونيه فهي مجهده بصراحه للطالب مو كل شي الكتروني معناته سهل
ايش يضمني الاستاذ في المرحله السابقه مايطنشني ويخليني انتظر ع الفاضي

وموضوع التعليم العالي هو فيه مكتب خاص بالتعليم العالي في كل جامعه تنختم منه مو الوزاره المستقله
وصراحه انا الاستاذات يقولون لي لازم بعد توقيععي تنختم من التعليم العالي

صحيح بعض الدكاترة يوهقك.
قد تكون تقدم على مثلا 10 جامعة، أنت عندك جامعتين منها متوقع تقبلك.
الدكتور قد يعبئ أول ست توصيات أو سبع ويطفش ويطنشك بالفعل، ويكون ما عبأ الجامعات اللي أنت متوقع أنها تقبلك.

بالنسبة للختم: ترين إذا لقيت ظرف من الجامعة ولقيت أحد يختم لك على الظرف، ما تحتاج لا تعليم عالي ولا هم يحزنون
كم قدمنا على جامعات وانقبلت التوصيات بهذي الطريقة طالما أن الجامعة توافق على أن التوصية تكون ورقية.