هوجسة ما قبل النوم!

رحمها الله سالي توفت ..,خخخخخ

تحياتي لك اخي ابن بيت آل هليلة

واعان الله الجميع
قال تعالى " لقد خلقنا الانسان فى كبد "

ألا يا طفل لا تكبر ...
كذا أحسن .. كذا أجمل .. كذا أنقى .. كذا أطهر
كذا لا هم ولا غم .. ولا نظرة سوء ظن ..

اندمجت مع الخاطرة الهادفة ؛) ..!!

فـ فكرت في حال وتصرفات الشخص (نفسه) بين مرحلتي الطفولة والكبر .. وكيف تغيرت نظرته بشكل سلبي للحياة ..!!

لكن قد يكون الإنسان الي في البداية شديد و عسر بعض الشئ .. إنه يتغير وتتغير نظرته بشكل إيجابي للحياة والأشخاص..

يعني الشئ الي كان يضايقه ومشدد عليه قبل ثلاث او اربع سنين .. ممكن إنه في الوقت الحالي يشوفه شئ عادي وما كان محتاج كل هـ التشديد
وبرضه المواقف والزعل .. يعني لو كان زعل من موقف أو شخص أو كلمة تضايق منها قبل كم سنة... من المحتمل لو ينعاد عليه نفس الموقف الحين إنه يتقبله بكل أريحية ولا يزعل مثل قبل

مهما كان الشخص مع الزمن يتعب من كثر التدقيق على كل موقف و كل كلمة .. و بالتالي تتغير ردة فعله للموقف بناءً على تغير نظرته وفكرته للأشياء ..
فَـ دايم نلاحظ إنه على الأقل واحد من أفراد العائلة كان عصبي ومثل عود الكبريت محد يحتك فيه و يناقشه لأنه ممكن توصل للمشاكل والقطيعة معه هذا غير إنه تقاطع مع أكثر من شخص يقرب له ... ومع مرور فترة من الزمن صرنا نقول سبحان الله هدي عن قبل وتغير وصار وسيع بال ويا زينه ..!!

نفس الحال راح تلاحظه مع الوالدين يشددون على عيالهم الي خلفوهم في البداية .. وتلقاهم مع الصغار تنازلوا عن مبادئ وأساليب كثيرة طبقوها مع أخوانهم الكبار... وحتى إنه الأمر قد يصل للأحفاد .. تجد الأحفاد يطامرون ويزاعقون ويزعجون عند جدودهم ... والجد والجدة مبسوطين ويضحكون !!

مع إنهم كانوا مع عيالهم ما يحبون الإزعاج والحوسة و ولا أحد من العيال يتجرأ يتضارب أو يحوس لأنه عارف وش العقوبة الي بتجيه ... ولكن مع الزمن تغيرت فكرتهم .. و بالتالي تغيرت طريقة معاملتهم لأحفادهم ..!

أما سالي ..!! أذكر قبل خمس سنين تقريبا .. حملت كل حلقاتها وبديت أتفرج عليها .. المهم كنت أتابع بنهم ولا أبي أحد يكلمني أو يزعجني ... ومر الوقت حلقة ورى حلقة ..

إلين وصلت للحلقة الي درت فيها آنسة منشن عن منجم الألماس حق أبو سالي ..
وسوت حفلة كبيرة .. وبالونات .. وتصفيق .. << كل هذا كرمال سالي أقصد فلوس أبوها
وبنص الحفل قبل تعطي سالي هديتها .. درت إن أبو سالي مات وماعنده لا منجم ألماس ولا بطيخ ..!!

بعد كذا بدأ الأكشن .. انطردت من غرفتها وصارت تنام في المستودع مع الفيران و غير انها صارت خدامة ولافينيا مبهذلتها

بس بس معد قدرت أكمل ... وقتها وقفت السي دي وبكيت من خاطر .. بعد ذاك العز والدلع صارت خدامة .. يا حرام يعني مو كفاية فقدت أبوها وحنانه ومالها أحد وفوق هذا صارت تستقعد لها آنسة منشن ولافينيا
ههههههه
المهم إني طلعت الي بخاطري وبكيت عليها .. والمشكلة إنه فلم كرتون لا يودي ولا يجيب وأدري إنه كذب وخرابيط ... بس خلاص مسكت معي .!! ويمكن كنت خلقة طفشانة ولقيت سالي عذر إني أبكي هههههه

عموما : كل الشكر الجزيل لك أخ ابن بيت آل هليلة على الخاطرة الراقية والبريئة .. من شخص راقِ مثلك ..
أهنيك على الحس اللغوي في الكتابة ماشاء الله
فعلاً ، أتمنى كل إنسان يحسن الظن بربه وبالأشخاص الي حوله
بلا زعل ،، بلا حقد ،، بلا حسد وقطيعة
في النتيجة الدنيا قصيرة وكل شئ بيمضي فالأفضل تبقى ذكريات جميلة بين الأشخاص بدل المشاحنات الفتاكة ..!

في أمان الله ..

كلام جميل

لكن من الافضل ان تضيف عدة مسلسلات كرتونية و ذلك للاعظاء الذين لم يحالفهم الحظ و يشاهدوا هذا المسلسل

خسارة ماقد تابعت سالي
ليتك حطيت فلونا
منجد اش حلاتنا واحنا صغار تزعلنا اشياء بسيطة وبسرعة نرضى ونصير اصحاب
عن نفسي ما حسيت نفسي اني بديت اكبر وخرجت من مرحلة المبزرة الا السنتين الاخيرة يوم صارت عندي مسوليات وبديت اشيل الهم

واو.. افضل مسلسل كرتوني منذ طفولتي

كلما زادت الرفاهيه تعقدت الارواح وتباعدت الاجساد

الناس اصبح همهم الاول الحصول على المال والمنصب سواء بالحلال او بالحرام الا من رحم ربي !!


اصبحت الحياة لدى الكثيرين عباره عن مادة واصبحت العلاقات تبنى على مصالح لدى الكثيرين


لذلك لا استغرب ان تتباعد الارواح ويضيق الفضاء بنا


نسأل الله ان يهدينا وجميع المسلمين

خاطره جميله

اما عاد افلام الكرتون حكايه ثانيه طبعا بالنسسبه لي سالي ماش ماكنت احبها

هاذي بعض ذكرياتي الجميله











اما اللي كان ماخذ عقلي رايح جاي هذا




الله يطعني على ذيك الايام

الزهراااااني
أنا العنود
SN 1006
رولين
عبير511
أرمان
أحمد راشد

شكراً لمروركم، والعذر في التأخر في متابعة الموضوع
أعجبني تنوع الردود ما بين التفكير في الحياة والتأمل فيها
وما بين الاستطراف والعودة إلى أفلام كرتون أيام الطفولة

شكراً للجميع
تحياتي،،،

والله انا مازلت متمسكه بطفولتي ومابي اقتنع اني كبرت وصرت حرمه والزمن تغير

بالأصح الزمن ما تغير حنا الي تغيرنا

إحدى طرقي للهروب من واقع حياتي وهمومها ومن التفكير اني افتح اليوتيوب وأتفرج على كرتون زمان

لما أتفرج كرتون ما استمتع بالأحداث قد ما استمتع بالمقارنه بين حالتي ووضعي لما تفرجتها وانا صغيره بوضعي الحين .

الي يضحك أكثر شئ الكرتون عدنان ولينا

وانا صغيره كنت معجبه بشخصيه لينا وأقول حلوه وأحاول اقلدها وأصلح شعري مثلها وكنت أبكي عند امي ابي زي فستانها الأحمر .

اما الحين تغيرت نظرتي للكرتون وأقول يااااااربي معقول عدنان يحب لينا كل هالقد !!!!
يشيلها وينط فيها من فوق البرج ويكفخ الناس عشان محد يلمسها هههههههههههههههه اول ماكنت أشوف ذا الأشياء أبدا


خلاصه الموضوع

الله يكفينا شر الدنيا وبس