ارجوووووووو منكم المساعده كرما لا امرا

تقدر تحصل على القبول بشهادة بنكية، وكذلك الفيزا.
لكن نصيحتي لك خل الفيزا لين تحصل على ضمان مالي من جامعتك، ترى الفيزا الأمريكية صايرة سهالات، في غضون أسبوع وهي في جوازك، ما أعتقد أسبوع أسبوعين أو حتى شهر راح تغير مجرى حياتتك.

الله يعطيك الف عافيه ومشكور من اعماق القلب على سرعة تجاوبك
ممكن تفيدني الله يوفقك وش الحكمه من اني ااخر الفيزا حتى الحصول على الضمان المالي
تحياتي لك

الحكمة:

1) الحصول على القبول ممكن يأخذ شوية وقت، وأنت راح تحتاجه للتقديم على القسم لطلب الابتعاث، وهناك معاهد قد تعطيك القبول ولو بدون شهادة لكن الآي توني راح يحتاج منك شهادة بنكية.
2) أما الفيزا، فأنت مبتعث من جامعة، ومع الضمان المالي احتمالية رفض الفيزا أقل بكثير، والشهادة البنكية تنرفض أحيانا خصوصا إذا كان المبلغ قليل.
الآي توني راح يكون مكتوب فيه المبلغ، وأنك تدرس على حسابك، فلو انرفضت فيزتك ثم رجعت تقدم فيما بعد بالضمان المالي راح تحتاج تغير الآي توني،، وقد يكون هناك تدقيق على أوراقك في الفيزا الثانية لأنك كنت تدرس على حسابك وفجأة تحولت مبتعث.

أنا أقول عين خير، وشهر تراها ما تسوى، والله حنا نخطط ونقول في يوم كذا وكذا، وفي الأخير يمكن نحتاج نسوي تغيير يهدم عمل سنة كاملة. أما شهر وأنا أخوك ما فيه شيء يدعو للعجلة، وخذ الأمور بهداوة وبالأضمن ترتاح وتحققها بإذن الله.

كفيت ووفيت الله يكثر خيرك واكرر شكري لك على افادتك ونصحك لي والله يجزاك الف خيررر

طيب الله يوفقك سامحني اكثرت عليك الأسئله والاستفسار
فضلا منك لا امرا
استطيع اقدم عالمعهد واخذ القبول من اجل حجز مقعد واراسلهم بااني برسل لهم الضمان المالي بعد شهر عشان يرسلوا لي الاي 20
تحياتي وتقديري لك

يس عادي يصير ليش لا

أبد حياك، اللي أعرفه أجاوبه واللي ما أعرفه يجاوبه غيري إن شاء الله.
نعم بإذن الله، لكن سياسات المعاهد تختلف، بعضهم يمكن يطلب منك مبلغ رمزي لحجز مقعدك، بعضهم ما يطلب شيء؛ لأنه يعرف أنك ما تقدر تطلع فيزا إلا بالآي توني، وبعضهم يأخذ مبلغ مع التسجيل ولما تجي تدرس بعدين يرجعون لك، وبعضهم يطلب ضمان مالي أو شهادة بنكية.

فما فيه شيء عام ينطبق على كل المعاهد، لكن إذا عزمت على معهد معين شف وش طلباتهم، وراسلهم وإذا ما تقدر فاالأعضاء ما يقصرون يساعدونك.

تحياتي،،،

الله يعطيكم الف عافيه جميع