استفسار بـــخـــصوص مـــوقع Eaby يــاخوان هل هو مضمون هل ادفع لهم فــلوس الــسيــاره !!!

ياخوي حرام عليك ايش التحطيم هذا
الناس تخاف تشتري جوال من النت و انت ماشاء الله عليك بتشري سياره

يله ماعلينا .... لكن ما انصحك تشتري سياره من النت يمكن تطلع سياره بريموت

ههههه من جد عزيزي لا تثق بسيارة عن طريق الموقع لازم تشوفها ع الاقل ممكن تكون بريموت هههههههه

هههههههههههههههههههه

ابد لا تشتري من موقع Ebay فهم نصابين وغشاشين ولا منهم امان

وبخصوص شراء سيارة فالأفضل انك تعاينها بنفسك امام ناظريك وتفحصها عند ميكانيكي حق تطمئن أكثر اما تدفع وتشتري من دون أي معاينة ما انصحك

سؤال ؟

ليش ما تجرب تبحث عن طريق موقع craigslist > sites افضل لك وأضمن لك؟

الله يوفقك

موقع ايباي مو غشاشين ولا نصابين ولا شي
هو بس وسيط بين البائع والمشتري
يعني كأنك دخلت سوق بالسعوديه اللي هو ايباي وفيه محلات تبيع اغراض وانت اللي تختار المحل وعلى سمعته تشتري الشيء اللي انت تبيه

ايباي شغلته وسيط ماعليه منك اذا انسرقت او صار لك شي
اذا انسرقت من عندهم احتمال يساعدونك واحتمال لا

لا تشتري سياره من النت وانت ماشفتها وركبتها وفحصتها

اذا كنت تستخدم Paypal فهم معطينك حمايه Buyer Protection ... ضد اي نصب واحتيال .. يعني SCAM PROOF ..!
اهم شي انك تكون تحت الشروط وهي ان العنوان المرسل اليه لابد يطابق العنوان المسجل بالـ Paypal ..

للي مفصفص الـ Paypal .. ماراح يضيع حقه ان شاء الله ..

وeBay مثل ماذكروا الاخوان مجرد وسيط .. يجمع الباعه .. وانت عليك الاختيار ..

نصيحتي لك ..

المتاجر الوسيطه الالكترونيه مثل eBay و Amazon .. واللي تجمع اشكال مختلفه من البائعين والسلع ..
أجعل حدك الأقصى في الدفع لا يتعدى 800$ ... لان نسبة 30% من هذا المبلغ معرضه للخساره .. إما بسرقه .. أو نصب واحتيال .. أو سلع غير مرغوب بها ! ..

إذا كانت السلعه أعلى من 800$ .. ( مثلا كمبيوتر ) .. ابحث عن متاجر موثوقه مثل BestBuy, Walmart .. وغيرها .. وقم بالشراء منها ..
أو إذا كانت متوفره فقط في eBay .. ابحث عن اعلى ترتيب للبائع ! .. Top Seller ..
اما Amazon .. فإبحث عن اعلى Reviews و كلما كان اسم البائع اسم شركه معروفه مثل Apple, Toshiba .. etc
كلما صار افضل .. لان اسماء العلامات التجارية في Amazon معتمده من امازون .. بمعنى أنها ثقه ومن الشركه نفسها وليس مجرد بائع !

وإجابة على أسألتك :

المزايده في eBay مجرد مزايده خطيه .. بمعنى .. أنه لما انت تزيد سنت او دولار او اي مبلغ تحطه .. مايسحبه من حسابك دايركت لا ..
مجرد رقم ... واذا ربحت الاوكشن جاتك رساله انك ربحت الاوكشن تبي تدفع قيمتها او لا ؟ ... ويعطونك الخيار بالدفع او لا .. اذا رفضت راحت للشخص اللي بعدك دايركت !

يعني في eBay فلوسك ماتتحرك لحتى أنت تضغط Pay !
واذا تحركت فلوسك جاتك رساله تخبرك بالمبلغ المسحوب وتفاصيل العملية ..


اما بالنسبه للسياره .. انصحك تروح تبحث عن سياره حولك حواليك .. تشوفها وتشيك عليها بنفسك ..
ولاتشتري سياره من النت دون انك تشيك عليها بنفسك !

تقدر تلاقي سيارات معروضه للبيع بالنت .. وتكون قريبه منك .. تشيك عليها وتشوفها على ارض الواقع .. وتقرر !

عن طريق موقع كراج ليست ..

وهذا افضل من انك تاخذ شي على الصوره ويجيك شي ثاني .. خصوصا انك بتدفع فوق الـ 4000$ !
يعني تبي تدفع فوق هالقيمه .... لازم تدفعها على شي ملموس ومحسوس .. !



هذا والله اعلم .,,