اللي فاهم بالنظام يدخل ويبدي راائيه :)

دراسة الهاي سكول ماراح تطول فيها .. انت وجهدك .. بإمكانك تخلصها في فصل واحد وتتحول دايركت على الجامعه ..
وبإمكانك تخلصها في سنه لو حبيت او اكثر !

اذا انت خلصت من الهاي سكول .. بيكون عندك امكانيه تقدم على الجامعات مثلك مثل اي امريكي تخرج معك ..
وتكمل دراستك عادي ..
الشي الوحيد اللي راح يفرق هو اختبار الايلتس او التوفل ..
واذا ماكنت غلطان بإمكانك انك تدخل معهد جامعه .. وتدرس مثل بقية الطلاب السعوديين ..

بس اذكر واحد دخل جامعه بشهادة ثاني ثانوي ! يعني تقدر تختصر هذا كله وتدخل كومينتي كوليج وتتحول على الجامعه .. !

هذي الطريقه على حسب كلام الرجال اللي اعرفه .. في الجامعه هو باقي له تقريبا سنه ويتخرج !
ومعه بس شهادة ثاني ثانوي .. مترجمه ! ماكمل ثالث حتى !

فأنت بإمكانك تشوف طريقتها من الجامعه .. تعلمهم ان معك شهادة ثاني ثانوي .. وتبي تكمل بالكوليج !
وراح يعلمونك الطريقه ...

تختصر الطريق افضل !


هذا والله اعلم .,

امين يارب

كل الانظمه تصير حبر على ورق اذا كان عندك واسطه او حبك اللي ماسك اوراقكك بعد توفيق الله سبحانه وتعالى
فيه واحد درس معي بالمعهد ضموه بأسبوع واحد ماشاء الله وفيه واحد درس معي تسع شهور بعدين ضموه للبعثه
فالاصل اني امشي على النظام الا اذا كان فيه واسطه هذا كلام ثاني

الله يعطيكم العافيه ومشكورين ماقصرتم

بس الحين اختبار التوفل او الايتلوس اختبرها هنا بامريكا ؟

واللي دخل الجامعه بشهادة ثاني ثانوي كيف اسوي مثله ؟ وهل باثر على بعدين ولا لا ؟

الله يعطيكم العافيه بس الهاي سكول بادخلها وباذن الله باطلع جيد بالنقلش

دعواتكم لي في ظهر الغيب

اخوي ممكن توضح لي وش هي ال 30 ساعه ؟

الله لايهينك .

اختبار الايلتس ولا التوفل تختبر وين ماتبي ماتفرق معهم

ال30 ساعه
هذا الله يسلمك علشان تتخرج من الجامعه لازم تصير مخلص عدد معين من الساعات او النقاط
جامعتي مثلاً طالبين 130 ساعه لطلاب الاقتصاد علشان يتخرجون
كل ماده تاخذها لها عدد معين من الساعات في الاسبوع
فاذا انت تبي تنزل بالسمستر الاول
3 ساعات مادة اقتصاد
3 ساعات مادة رياضيات
4 ساعات مادة كيمياء
4 ساعات مادة احياء
المجموع يصير 14 ساعه تاخذها بالاسبوع طول السمستر
مقسمه على اوقات معينه
والفصل الثاني نزلت مواد عدد مجموع ساعاتها 14
يصير المجموع 28 ساعه
وعلى هالحال
اغلب الجامعات تعتمد على هالنظام
الفرق ان فيه جامعات ساعاتها اكثر او اقل
وفيه جامعات بدال الساعات تقول نقاط ويصير مثلا 6 نقاط تساوي 3 ساعات

اهاا يعطيك العافيه

مشكوور

اخوي طالما انك خريج من ثانوية امريكية فلن تحتاااااااااااج ايلس او توفل راح يقبلونك حالك حال الامريكان وبالنسبة اذا تبي تلتحق بالابتعاث كل ما عليك هو التقديم على جامعه امريكيه معتمدة بالوزارة وبعد ما تسجل فيها تسجل موادك وترفع للوزارة الجدول انك صرت طالب اكاديمي وكلها شهرين ثلاثة اذا خربت السالفة وتلتحق على طول بالنسبة الي يقول اختبر ايلس او توفل ماتحتاج لأنك خريج ثانوية في امريكا والي يقولك 30 ساعه لازم تخلصها على حسابك هذا الكلام حبر على ورق وموشرط انك تخلص 30 ساعه بس سو الي قلتلك عليه وبالتوفيق ..

السلام عليكم
مدام ان والدك مبتعث فيحق لك الدراسه في الجامعه ولا يحتاج تدخل في متاهات التقديم على بعثات التعليم العالي

بالنسبة للقبول لا يطلبون عليك توفل او ايلتس ولكن قد يطلبون عليك اختبار SAT وهو شبيه بالقدرات == غير متأكد من المعلومه
تستطيع الاستفسار من الهيئة الادراية لديك في المدرسة او مراسلة الجامعة التي تريد الالتحاق بها

بالتوفيق

وهو صادق واعتقد تتحول ع البعثه بدل ما انك مع الوالد اذا شافوك بجامعه

يحق له الدراسه لكن اذا انتهت بعثة ابوه؟

اختبار السات في جامعتي مو اجباري لكن علشان يجي الطلاب معاونه من الجامعه لازم يجيبون درجة عاليه
واللي ما اختبر سات في اختبار بالجامعه لتحديد المستوى
اول مره اختبرت كان معي طلاب امريكان كثيرين