اللي فاهم بالنظام يدخل ويبدي راائيه :)

الرجال يقول انه هنا بامريكا ..... تبي ترجعة السعودية ليش؟؟؟ وهو يقدر يدرس هنا


هذا هو الصحيح
ادرس وانجح وقدم ع الجامعة وبعدها قدم طلب دراس ع حسابك وادرس وصدقني مايخلص الترم الا وانت بالبعثة
فية هنا طلاب من اللغة انضموا فما بالك من الدراسة الجامعية
فية نقطة يبيلك تنتبه لها: معادلة شهادة الثانوية بالملحقية تأكد منها بس
اذكر موضوع واحد هنا مسوين له ازمة الملحقية نفس موضوعك درس ثالث ثاموي بامريكا

الله يعطيكم العافية وجااري التقييم
ولاهنتتتم

طيب اخووي لاهنت
وضح لي (معادلة شهادة الثانوية بالملحقية )

انا ترجمت شهادتي وجبتها معي
هذا اللي سويته بس .


وانا ان شاء الله باامشي على شوركم وادرس ثالث وباذن الله التحق بالجامعة وبالعثة (دعواتكم لي )


انا بكررة بارروح اقدم ملفي على هااي سكول قريبة من عندناا وان شاء الله يكوون الوضع في التمام
الله يعطيكم العافية ويفتحهاا في وجهه كل من رد وكل مسلم مكرووب
وشكرا
اخوكم خالد السلمي

المسأله مو اني ابغا ارجعه السعوديه ولا احوسه
هو بيخلص الثانوي باجازة الصيف يعني بتصير عنده اجازه طويله لا هو ولا ابوه فغالباً انهم بيرجعون للسعوديه
واذا كان جايب درجه حلوه بالقياس والقدرات والثانويه ينضم على البعثه من اولها افضل له
لان فيه جامعات قيمة الكلاس الواحد 2500 دولار واحسب اربع كلاسات يعني 10000 الاف دولار هذي تقريبا 12 ساعه او كريدت
فاذا كان داخل جامعة نظام كوارترات ولا اترام راح يعدي عليه تيرم ولا كوارتر بعدين يضمونه للبعثه لان التيرم والكوارتر مدتها قصيره
بيخسر على كذا حدود 15 الف دولار وهو كان يقدر يقدم من السعوديه مع الاجازه الصيفيه اللي هو كان احتمال كبير بيرجع فيها للسعوديه
يختبر تحصيلي وراح يساعده الانقليزي فيه وان كان القدرات درجته حلوه والثانوي حلوه ماراح يخسر ولا بيني واحد!

ارخص الجامعات تكلف ال14 ساعه حدود اربع او خمس الاف دولار شوف اكلمك عن ارخص الجامعات
يعني هذا في مدينه منفيه في امريكا ولا فيها شي وعدد طلابها مايتعدون 6 الاف طالب
والجامعات المتوسطه تكلف ال16 ساعه حدود 20 الف ريال

فليش الخساير وهو مفتوح له المجال انه يقدم علي البعثه

4- إرفاق الشهادة الأخيرة ما قبل المرحلة الحالية مع معادلتها إذا كانت من الخارج
هذا من شروط الحاق مبتعث دارس ع حسابة الخاص
معادلتها تكون عندهم

كلامك ع عيني وراسي بس شف الفترة الي بيخسرها مابين التقديم والتخرج والرجعة للسعودية عشان اختبارات القياس والقدرات
ع فكرة ترا تقديم البعثات برمضان يعني اذا الله وفق ودرس الرجال وخلص ماراح يمدية يقدم الا بعد سنتين لان مواعيد الاختبارات ومواعيد تخرجة من الثانوية وكذا شغلات

يسلم لي راسك وتسلم لي عيونك
شف اغلب طلاب الثانوي مخلصين قبل شهر او شهر ونص تقريباً هذا لقريد 12 ماعدا الطلاب اللي راسبين ببعض المواد ياخذونها بالصيف اتوقع
يعني قبل رمضان يخلصون ويبدون الدراسه بعد رمضان باخر شهر اوقست
تقديم الجامعه يكون قبل لا يتخرج واصلاً التقديم يكون اونلاين يعني مايحتاج حضوره بالاساس
معادلة الشهاده يمديه يخلصها قبل رمضان وبيصير اصلا بالسعوديه اذا كانوا اهله بيرجعون اجازة الصيف ليقضون رمضان بالسعوديه مثل اغلب العوائل السعوديه
خلال هذا الوقت يصير مقدم على جامعه ومقدم على البعثات
واذا كان مستوفي الشروط ابوه يسافر لامريكا يكمل دراسته وهو يقعد يكمل اجراءات الابتعاث فتره بسيطه وبعدها يلحق ابوه له بعثه خاصه
واذا كانت الجامعه طالبه ايلتس يمديه يختبر بالسعوديه بنفس الوقت لانه فيه بعض الجامعات تطلب من الطلاب الاجانب دراسة سنتين في جامعه انقليزيه اذا كان الطالب مايبي يختبر ايلتس