حوار التحكم في لقمة العيش ... بإيقاف الصرف

احس انك مكبر المساله

امش بالسليم وراح تاكل عيش لف ودور راح تاكل هواا

وهذا افضل شي وانا اخوك عشان اللي يججاي يلعب ولا يلتزم ياكل هوا وبناءا على ذلك يرجع ديرته

والملحقيه لاتنسى انها تصرف للطالب المتميز مكافاه بغض النظر عن هي قليله او كثير

وهل يستوي الاعمى والبصير ؟؟ فكري في هالايه

وربي يوكلك عيش بسمتي ان شاءالله

السلام عليكم

أخ نادر أحييك على الأسلوب الراقي في الطرح ..

بالنسبة لي جربت الملحقية في فتح ملف الطالب ، للأسف كنت مثل الأطرش في الزفة
ولا شئ كان واضح ... لولا توجيه صديقاتي لي

أتفق معك في نقاط ، وأحترم رأيك في نقاط أُخَر !

في أمان الله ..

المشكلة مو في فتح ملف الطالب

المشكلة لما يقطعوا الراتب على واحد وهو في نص دراسته ولا يدري ايش السبب وبدون سابق انذار وهو ما عنده الى هالراتب

احس انك شااااارب شي ماهو زين بسبب الكلمات هذي
(احس انك)
(وانا اخوك)
(فكري في هالايه)
(عن هي قليله او كثير)

الله يرحم والديك ركز
يا رجل خاف ربك من طلعك من السعوديه - حرفين على بعض غير قادر تكتبهم بشكل صحيح
والله انت لو تنضم للبعثه يصير فيه ضلم لبيت مال المسلمين بالصرف عليك عشان كذا خليك على حسابك الخاص.

الاخ نادر ........... لقد اطلقت كلمات يعيشها الكثير من المبتعثين ممن لديهم ادراك وممن من هم بداخلهم مبادئ وكرامات
مايحصل لكم من فبل الملحقية ماهو الا شيء تقوم به جميع وزاراتنا مع المواطنين والملحقية فرع من اصل ووزرارة التحطيم العالي
فعلت مافعلت بنا في بلدنا بحيث انه يمكن ان تنظر الى مخرجات التعليم كافة بالسعودية وان تحكم مدى اجرام ما تفعلة هذة الوزارة
المعين الله .......... احيي فيك اسلوبك الراقي واسال الله لك ولجميع المبتعثين خارج البلاد ان تتمو ما اقدمتم الية وان يبارك لكم الله في ما تعلمتم وان يجعلكم تنفعون
هذا البلد وتنقذونه من بعض السفهاء و المجرمين اللذين حالفهم الحظ وتولو مناصب ومراكز يديرون بها احوا المواطنين المسلمين بكل سفاهة ولا انسانية

صاحب الموضوع
ماراح ادافع عن الملحقية ولا شي
صح فية نقاط لازم تكون واضحة عشان نعرف النظام بس مايمنع نقول كلمة حق للملحقية او الوزارة

الهولد او الي تبي تسمية نقطة تحكم بلقمة العيش
لو ماتحكموا بالشكل هذا اجل كيف يسوون مع الطلاب الي يغيبون ولا يلتزمون ولا شي (تبيهم يطاردونهم بالتلفونات تكفى ادرس؟؟؟) فلازم يكون هناك نظام زي كذا للتاديب
ودي بس لو تطرح مشكلتك وهل تم قطع الراتب عنك ووش الاسباب

خلنا نكون عقلانيين شوي ونبتعد عن الحكم بدون ادلة
اعطنا وش الي سبب لك هولد

لا تفكر اني ضد رأيك بس من غير المنطق انك تقول ان الملحقية قطعت عنك الراتب بدون سبب

لا فيه سبب - السبب اني نسيت

السبب اني ما رفعت درجات الفصل الدراسي بالوقت المناسب

لكن سؤالي لك هل العقاب مساوي للذنب الي انا ارتكبته ؟

هل يحق لهم قطع الصرف لأني لم ارفع التقرير الدراسي؟ (اتمنا تجاوبني)

هل تجد ان هذا العقاب مناسب لطالب يدرس ومغترب عن اهله و الملحقيه بمثابت الأب له وماله غير الله ثم الملحقيه؟

عشان ما رفعت التقرير الدراسي على طول يتخذو قرار بقطع الصرف

مافي شي اسمه التنبيهات بالبوابه ليش ما اقامو الحجه علي بأأرسال تنبيه ماهو على طول ايقاف الصرف

انا اصلاً من كثرت انشغالي بمتابعت طلبي عندهم نسيت لا ارفع كشف الدرجات الي ما جاني غير قبل 3 اسابيع على البريد

انا لي ثلاث شهور اطارد ورى معاملة ترقية بعثه وصار لها اسبوع عند المدير الأقليمي انتظر الرد عليها ولما صحيت الصبح اشيك على بريدي بالجوال
الا مكتوب حالة الطلب مقبول ومن المدير الأقليمي بمجرد ما فرحت فيه الا وتقع عيني على نوع الطلب ايقاف صرف شي يفجع القلب يا رباااااه متى انرفع الطلب عشان يوافق عليه قبلها بيوم
انا مشيك على البوابه قبل 24 ساعه تقريباً مافيها غير طلبي عند المدير الأقليمي انتظر رحمته بالموافقه عليه و التنبيهات مافيها شي انا اصلاً لو شفت الطلب كان رديت على طول بأرسال كشف الدرجات.

يا اخي العزيز انا عندي من الشجاعه مايكفي بأن اعترف بالغلط اذا كنت مذنب لكن انا لا ارى ذلك.

لكن الي يتضح لي ان المسأله وما فيها مسألة فكر - نعم فكر- و الفكر هذا يتضح بطريقة تعامل الملحقيه وردها على المبتعثين.

ترسل للمشرفه سؤال وترد عليك بوادي ثاني
ترفع لهم طلب ياخذ بالشهور
يجيهم طلب ضد مصلحة الطالب ما يلبث دقايق الا و الموافقه عليه تمت. ليه ليه


والله ان هنالك رجالاً ونساء في الملحقيه الثقافيه السعوديه بأمريكا أساءوا للقرار التاريخي العضيم الذي اتخذه ابو متعب في ابتعاث الطلاب للخارج ويسعون الى اجهاضه بطريقه غير مباشره.

وما اقول غير اني أسأل الله العلي العضيم في هذا الشهر الكريم ان يأخذ لي ولجميع المبتعثين المضلومين من الملحقيه الثقافيه الحق في هذا الشهر عاجلاً غير آجل.

الى كل من يحاول ان يبرر لتصرفات الملحقية عساك تطيح بشباك الانظمة عشان تعرف تبرر لنفسك ذاك الوقت
والله اقل الامور تطلبها مستحيل انها تجيك فوري لازم تتمرمط حتى لو انك ملبي كل الشروط واذا في شي بياخذونة منك
او مو في مصلحتك ينفذ فورا وفي دقائق لما لا يكون التعامل بالمثل ولا سيما انك في دولة غريبة ولست بين اهلك
المواطنين تضجرو من خصم مخصص حافز اذا اتاهم مخصوم وهم عند اهاليهم فكيف من هو في بلد غريب غير مسلم
لا يتعامل الا بالمال

هلا بك نادر
بقولك شي
انا صار لي مثل الي صار لك مادريت ولا جاييني تنبيه (انت ماجاك غريبة) انه في حالة اني ما ارفع التقرير الدراسي او تسجيل المواد رح يجيني هولد ومن بكرة ع طول سويتة ولا جاني هولد
طبعا انا ماكنت ادري اني لازم اسوي كذا لاني كنت توني ذاك الوقت صرت مرافق مبتعث

الشي الثاني بخصوص التنبيه انا يجيني ايميلات من الملحقية بخصوص رفع الدرجات وتسجيل المواد الدراسية وكان محدد تاريخ ان اذا مارفعتها بيصير هولد (طبعا ان كنت اقول لا مايسوونها اذا مارفعت شي وبالاخير فعلا طلعوا جادين عند كلامهم)

انت وضعك غريب انه ماجاك ع ايميلك يبينون لك
بس الي قررت اسوية انا ان اول ما اسجل مواد او يجيني درجات الترم الي ادرس فية ع طول ارفعها واريح بالي ولا يجيك مشرف غبي يهددك ولا شي

بعدين الهولد الي جاك بمجرد انك ترفع الي يبون ويروح فما اتوقع فية مشكلة

ياخي لاتدعي على الناس تتعقد امورهم.... اذا عندك كلام تبي تناقشة اهلا وسهلا اما انك تدعي فهاذا شي غير منطقي وكل دعوة ترجع لصاحبها

زي ماقلت انا ماراح ادافع عن الملحقية ولا شي انا اشوف النظام وامشي معه اعطيهم الي يبون ولا يوقفون علي شي
صحيح انا معكم انظمة الملحقية فيها شي من الضبابية بالاضافة الى درجة التعامل السيئة من بعض المشرفين
انا زيكم عانيت ولحد الان اعاني بس الحمدلله عندي امل انها تفرج ونخلص الدراسة ونرجع السعودية بدون اي مشاكل
توكلوا على الله وشدوا حيلكم
بالتوفيق للجميع