استفسار تذكرة الرجعه..

اذا ماسمحت ظروفك أجلي موعد السفر لتاريخ ثاني
بالنسبه لتأجيل البعثه ادخلي على البوابة وسوي طلب تأجيل مع ذكر سبب مقنع
مثل ظرف قاسي لا قدر الله او عدم وجود قبول جامعه
بالتوفيق يارب
تحياتي

حسب الخطوط اللي عليها حجزك بعض الخطوط بياخذون عليك بس غرامه وبعض الخطوط بياخذون عليك فرق السعر
طبعاً هذا اذا تبغين تغيرين موعد الحجز وكله عن طريق الطيار
لكن بالملحقيه ماعليهم لان الموعد للتذكره الثانيه يكون بعد سنه او تسع شهور

وتأجيل البعثه مثل ماقال خوي العز
لكن حطي فبالك لان التذكره اللي معك روحه ورجعه
ماتقدرين تطلبين تذكره من الملحقيه او التعليم العالي عند العوده من التأجيل
اما اذا كانت التذكره مسار واحد اللي هو من امريكا للسعوديه تقدرين تطلبين تذكره عوده لمدينة الدراسه على حساب الملحقيه او التعليم العالي
عندك حلين تكلمين الطيار وتقولين لهم بعد ما ترجعين للسعوديه انك بتأجلين موعد العوده
او انك تشترين التذكره من حسابك الخاص

راسلي المشرف الدراسي

الله يجزاكم الجنه اتضحت الرؤيه تقريباعندي ..

مابغى اراسل المشرف الا لو مره تعذر علي الرجعه وصراحه السبب محرمي مو راضي يرجع معاي ومابغى ارجع لوحدي ..

هل هالسبب مقنع للملحقيه ؟

انا شخصيا استشير مشرفي في هذي الامور

لو كان مناسب .. بيسمح لي اقدم الطلب

و اذا كان السبب غير مناسب او كافي .. بيساعدني في صياغة افضل


عشان كده قلت لك راسلي مشرفك

والله يختار لك الخير حيث كان

للاسف مشرفتي غير متعااااااونه اطلاااااقا والكل يشتكي منها عشان كذا يستشير هنا يمكن احد مر بظرفي ..

المشكله الحين بالتأجيل ولا بالتذكره
اذا بالتذكره ماعليك من المشرفه
ارجعي للسعوديه ولا عليك منها
ومايحتاج اصلاً تبلغينها انك بترجعين
لكن التأجيل شي ثاني

المشكله بالتاجيل انا حاليا بالسعوديه..واحتمال ماقدر ارجع امريكا

اتوقع سبب التأجيل انه عدم توفر المحرم غير مقنع للملحقيه او التعليم العالي
لكن تقدرين تقولين صارت ظروف عائليه لك وللمحرم وما تقدرين ترجعين بالوقت الحالي وتطلبين التأجيل
واذا تم الرفض خلي احد يروح للوزاره اللي في الغدير ويكلمهم وان شاء الله هناك يقبلون التأجيل