يوجد لدي ملاحظة لكم تفضلوا

وعليكم السلام ورحمة الله وبركاته
انت طرحت ملاحظاتك ولازم تتقبل ارائنا
بالنسبه لي حتى لو خرج الرد عن ايطار الموضوع اهم شي انه مايخالف الدين او الاخلاق والعادات والتقاليد سواء سباب او اي شي ثاني
حنا هنا مو موظفين علشان بس نرد ونطلع ونقراء مواضيع الناس
اغلب المواضيع اللي مطروحه الحين مكرره ولو بنمشي على الشروط كان مالقيت مواضيع كثيره وردود كثيرين واعضاء كثيرين
كان كل المواضيع اللي راحت انحذفت
فيه اشياء يتغاضى عنها المشرفين علشان تعم الفائده

فيه منتديات ثانيه فيها فقط ردود رسميه وعدم خروج عن الموضوع ولا اقدر انزلها علشان مايجيني انذار
مع كذا مافيها شعبيه وعلى قدم وتطور المنتديات الثانيه الا ان المواضيع بالاسبوع ينزل واحد

ومثل ماقلت حنا هنا مو موظفين نرد وبس ولا مانخرج عن اطار الموضوع مهما كان السبب
انا هنا جيت بكيفي محد اجبرني ومتى مابغيت طلعت وجيت لاني استمتع بهذا الملتقى
ولا كان رحت لاي منتدى ثاني والمنتديات الثانيه مشهوره وتكيت فيها اصرف لي
وبالمنتديات الثانيه اقدر اطور العضويه حقتي واقدر ارفع من المستوى حق الملف واتحكم فيه
وبعض المنتديات فيها تقييم اسبوعي للاعضاء والمواضيع ومشهوره جداً

في الصميم

لو تطبق القوانين .. كان 85% من المواضيع محذوفة

لتكرارها

سأجيبك بطريقتي:

تخيل شخص سائق ليموزين، يدور الشوارع طيلة النهار مع جزء من الليل
قائد الليموزين يقود سيارته بعدل 16 إلى 17 ساعة يومياً

وفي المقابل، تخيل شخص ساكن بمنزله لوحده ما يحتك بأحد
ويخرج يوم الجمعة فقط مع صاحب الليموزين مجاناً يصلون ويوصله بيته


الشخص الأول: أكثر عرضة للحوادث المرورية، أكثر عرضة للمشادّة مع الزبائن، أكثر عرضة للضغوط والملل، أكثر عرضة للخطأ عليه والخطأ على الآخرين، أكثر عرضة للمخالفات... إلخ

الشخص الثاني: على العكس تماما.

الآن: تخيل أن الشخص الثاني فتح النقاش مع صاحب الليموزين ويقول له: أنت ليش سيارتك فيها حكات من الجوانب، وليش شماغك مايل وليش وليش؟ ترى أنا الحمد لله سيارتي في القراج ما عمرها جتها صدمة، ولا عمر ساهر مسكني، ولا عمري تهاوشت مع أحد.


تحياتي،،،

والله وانا اخوك ارآء الأخوان في مكانها ..
وشخصيا لم أرى مسألة الوساطه والمفاضله بالإداره ككل !
على العكس .. انا سعيد جدا بالإداره ومقتنع جدا بهم ..
لأنهم يعرفون يتعاملون مع الأعضاء دون أي تجريح او تقليل من قيمتهم .. مهما كان وضعهم بالمنتدى !

واصدقك القول .. أنا ارى ان بعض الردود اللي تكون خارجه من الموضوع .. "نعمه".. وليست "نقمه" ..
ولذلك تجد الإداره تترك هذه الردود دون حذفها .. وبعض الاحيان يتم حذف اللي "ماله لزمه"..

ويا كثر المواضيع اللي انقلبت من "نقاش" الى "هواش" .. ولكن بعض الردود الجانبيه قللت من نسبة المشاحنات داخل هذه المواضيع !

ولا تنسى أننا في منتدى .. ومغتربين .. فكلنا نرى أن الاعضاء اخواننا قريبين منا .. لانهم يعانون بنفس مانعانيه !
نفيد ونستفيد .. ونضحك ونبكي .. همنا واحد .. وحلمنا واحد ! فأين الخطأ في ذلك ؟

فلعل هذه الردود الخارجيه .. تكون مصدر بسمه لقارئها وتخفف عن مابداخله ..

فمن يتقبل الفكاهه .. سيبتدأ بها مع اخوانه ! ..

ما اشوف في تفضيل

وانا اتكلم من باب اني عضوة جديدة >> لا تغركم عدد المشاركات بس احب القرقرة الكتير


اتذكر في موضوع طلع عن مساروا وكان في ردود مستفزة حبتين من عضو قديم وردو عليها اعضاء جدد وجا المشرف وحذف الردود كلها الخارجة عن الموضوع للعضو القديم والجديد ^_^

اخوي خطوتان وابتعث نعم طرحك جميل لكن ارجوا انك تتقبل نقدي ادخل على هذه الموضوع الذي طرح قبل ايام قليلة وانظر الى مشاركتك رقم 8# ورد صاحب الموضوع عليك.. http://www.mbt3th.us/vb/forum8/thread428309.html


اعتقد انك ما كتبت موضوعك هذا الا بعد ما احتسيت من موضوعك الاول حق السياره.. واخيرا اقول عامل الناس كما تحب ان تعامل..

كم تكلفة الاعتذار؟


شهر كريم للجميع

حياكم الله حبايبي وهذا رايي اعرضه ولا افرضه والموضوع غير قابل للنقاش مجرد ملاحظة شاركتكم بها وشكراً

..


مسآحه من الرقيًّ


يَ ســـادة


ـــــــــــ

آفضل اسلوب للرد على المسئ التجاهل مالم يمس الدين والعرض ..


" رد رفع ضغطـــــك ، تجآهل "