استفسار إقرار ولي الأمر لازم يكون مصدق من العمدة و الشرطة أو يكون مكتوب في المحكمة؟

وعليكم السلام ورحمة الله وبركاته
اذا من الشرطه والعمده تطبعين الورقه وتعبينها بعدين تخلين ولي امرك يروح فيها للشرطه والعمده علشان يختمونها ويوقعونها

اما اذا من كتابة العدل تطبعين الورقه وتعبينها بعدين تخلين ولي امرك يروح لكتابة العدل "مو المحكمه"
وبعد ماياخذ الرقم ويروح عند الشباك اللي يعبي فيه البيانات يعطيه الورقه ويقول له ابي نفس الصيغه
ويعبيها له وبعدها يروح للشيخ علشان يتأكد من المعلومات والهويه ويختمها الشيخ ويوقعها وخلصنا

طبعاً بكل الحالتين مايلزم حضور الشخص الثاني اللي بيصير محرم
فقط ولي الامر

والافضل انه يروح لكتابة العدل لانه بإمكانه يخلص المعامله في يوم واحد وفي مبنى واحد

اما الشرطه والعمده فهي بهذله اذا راح لقسم الشرطه بيقعد الشرطي يسأله مليون سؤال بعدها بيطلع يدور العمده وين فيه والعمده تفرق من شخص لشخص بعضهم حبيبين وبعضهم الله لا يوريك

وعليكم السلام ورحمة الله وبركاته
اقرار ولي الامر الي قدمته للوزارة اثناء التدقيق
ابوي وقعه بس
ما احتجت انه يكون مصدق

فيه شغلة ثانية ما اعرف اذا طالبينها الوزارة منكم او لا
هيا الوكالة هذه يطلعها ولي امرك من كتابة العدل لما مايكون هو محرمك

اذا الوكاله موجودة فاصلا مايحتاج الاقرار علشان كذا مادققوا عليه هو مصادق او لا من الجهات المعنيه