شرح يستخدمون الفضول لترويج معتقدهم

الله يستر منهم ومن معتقداتهم اللي تخوف
جزاك الله خير اخوي نادر

جـــزآكـ آلله خيـــر على آلتنبيــــــه ..

أنآ عكسكـ لقيت آلتبشيــــر هو أكثر شي حآصــل بأمريكآ حتى تلآقـــي آلكتيبآت على مقآعد آلبآصآت وفي آلشوآرع بشكل عــآم ..
لكــن عبدة آلشيطآن آلحمد لله مآعمري لقيت لهم أي منشورآت ..
بس شدنــي نقطة بموضوعكـ وهو إنه بطلب من شيآطينهم !! مآدري ولكـــن مو كل شخص يصير من عبدة آلشيطآن يكون له صلة بآلشيآطين !!
بعضــهم فقط لمجرد إنه موضه وبعضهم يعتبرهـ حرية وتوجــه شخصـــي ..

آلله يبعدنـــآ عنهم بس ..
بآلتوفيق ..

عندما نرى اهل الضلال وهم لايكلون في الدعوة والذود عن معتقداتهم نأسف لحالنا وماوصلنا اليه مع انا نحن أهل الحق بل ان بعضنا يستحي حتى عن فعل ما يؤمن به

والله عندنا اثنين شباب في الحارة مجتتتهدين تنصير وتبشير

باقي باتفضى لهم يوم ان شاء الله

لكن ما فيه كتيبات هنا ولا شيء !!!

^^^ احشرهم في زاوية

ما ادري عنهم الله يكفي المسلمين شرهم
لكن حسب خلفيتي البسيطه عن فكره هذه الجماعه و اعتقاداتهم
لكن طقوسهم كلها عباده لغير الله و العياذ بالله.

الهيفي ميتال معروف بموسيقته الصاخبه .. وعدم فهمك للكلمات ليس معناه انه طلاسم .. ولا يعني انهم عبدة شياطين !
مغنين الهيفي ميتال وشلتهم .. هذولا معروفين حتى باشكالهم لهم لبس معين يلبسونه ..ومثل ماقال اخوي حروف .. مجرد موضه عندهم !

اذا هم ملحدين .. وبفهومهم لادينين .. ولا يحبون الاديان .. ولا يحبون ... كيف تبيهم يصيرون عبدة شياطين ؟
خلهم يعبدون مسيحهم اول علشان يفكرون يعبدون الشياطين هههههه

لان الاجانب بشكل عام مايؤمنون اساسا بوجود اي مخلوق غير مرئي !
يؤمنون فقط بالارواح .. يقولون فيه ارواح .. وهذي الارواح تكون عالقه .. يعني ناس ماتوا وعلقت ارواحهم بالدنيا ! وتصير اشباح فقط !
ولو قلت لهم فيه جن .. قالولك ان الجن هذولا هم اللي في قصص علاء الدين وغيرها يحققون الاحلام ! وهذي كلها خرافات ... طبعا هذا هو معتقدهم !

وبعدين ليش قلت ترويج معتقد ؟ طيب انت تعرف امريكا يعشقون شي اسمه Music ..
فبالتالي ممكن هذولا الفرقه توها جديده ويسجلون اغانيهم وينشرونها لاجل يكسبون شهره اكبر !

هههه مدري ليش احس اني حيادي ههههههههه
بس لا صدق انا مادافع عن احد .. لكن المقصد ان الواحد يكون اكثر عقلانيه .. ومايتبع كلام هذا وذاك بدون مايحسب حساب الامور اللي حوله !

وبعدين شفت السيديات بالشارع .. تروح تاخذها ؟ يعني لو هي فلوس قلت لا انا اخاف الله ماخذ شي ماهو لي !
بس لو كانت سيديات بتاخذها ؟ طيب السيديات برضوه ماهي لك علشان تاخذها !


اللي ابي اوصله .. ان الواحد يكون بحاله ويترك شؤون الغير .. ماهو مكلوف باحد .. ولا مجبور انه يروح وياخذ شي ماهو له !
لو شي جاه باسمه .. وقتها له الاحقيه التصرف ! اما شي شافه برى بيته وماهو باسمه .. فيتركه ولا يدخل نفسه في متاهات هو غني عنها !

اتمنى أن كلامي ماينفهم على اساس شخصي .. ولكني انا اتكلم بوجهه عام ويعلم الله اني ماقصد بكلامي الا كل خير ..

لان ممكن اي احد يطيح بنفس المشكله ... ولكن تكون اكبر من مسألة سيديات !

كلنا نعرف ان فيه ناس ينشرون الامراض ... فلذلك لابد لنا اننا ننتبهه ولا نخلي الفضول يودينا في ستين داهيه !


اسأل الله ان يحفظنا واياكم ويبعد عنا وعنكم كل من به شر يارب العالمين .!

كان واحد من جيراني من هالنمونه..يسمع اغانيهم..يكره اي واحد اجنبي..

ههههه المهم طلع لي مره بسيف بيقص راسي والله ستر علي..

نسيت نقطه مهمه .. وهذي معلومه عرفتها في اول سنه لي في امريكا ...
فيه ناس يلبسون اسود ومكياجهم خرابيط اذا شفتهم تقول عبدة شياطين .. وغالبهم تشوفهم بالهيفي ميتال ..
واللي يجيك يحط له حلق ببرطمه والا بخشمه .. ويكون شكله غريب ودايم يحب الاسود ..

هذولا يسمونهم goth .. وهذا هم الناس اللي نتكلم عنهم في هالموضوع

بس شغله تذكرتها وحبيت اضيفها للموضوع ..


ملاحظه : لا أحد يسألني عن معناها بالعربي .. لاني ماعرف والله حتى حاولت اترجمها مافهمت معناها بالعربي ..
لكني اخذتها بالمعنى الانجليزي مثل مافهمتها من الامريكي اللي علمني فيها ! ومسكت بمخي !