أسهل الجامعات في القبول في ماجستير القانون LL.M في أمريكا

أكيد في كل تخصص في جامعات متساهلة وجامعات متشددة
بس أنت لو فكرت فيها ترى تقدر تخلي دراستك للماستر في القانون سنة ونص وفي كل سمستر فقط تأخذ 8 ساعات وما راح يكون عليك ضغط أبدا

ولا أعرف أحد دخل ماستر قانون وتعثر

أخوي O I A
انا ودي اكمل ماستر قانون في امريكا وعندي عدة استفسارات
انا بطلع على حسابي ان شاء الله , بس الاشكاليه ان برنامج الابتعاث يطلب فتح قبول ملف للدارسين على حسابهم ومن الشروط وجود قبول معهد وقبول جامعي
المعهد ومقدور عليه بس قبول الجامعه كيف اجيب قبول واغلب الجامعات الي مرت علي من شروطها لازم يكون معك لغه وانا طالع اتعلم لغه اولا؟
هل فيه جامعات تعطي قبول حتى لو انا في مرحله تعلم اللغه؟
ايضا بالنسبه للجامعه انا معدلي بكالوريوس مقبول للاسف , تتوقع من الممكن قبولي لديهم؟
هذي الاستفسارات الي عندي حاليا , ان استجد شي بزعجك
جزاك الله خير

Y
إي في جامعات تعطي قبول مشروط بإنهاء اللغة حتى لو كنت ما بديت أصلا في دراسة اللغة
ويكون قبولك مشروط على حصولك على درجة اللغة أو إنهاء معهد اللغة (في بعض الجامعات)

بالنسبة للمعدل فيه طلاب انقبلوا بمعدل مقبول، فالموضوع مو مستحيل بس بتواجه اشوية صعوبة مع بعض الجامعات، لكن لو تبين في المقال الشخصي سبب نزول معدلك وظروفك بتمشي أمورك إن شاء الله

وياليت تزعجنا إذا استجد شيء

رحم الله والديك ووفقك الله في دراستك وفالك اعلى الشهادات يارب
طمنتني بالنسبه للمعدل كنت متخوف منه صراحه وهالمكاتب بعد مايقصرون مغير تكسير مجاديف الواحد
ممكن تذكرلي الجامعات الي قبلت بمعدل مقبول؟
انا ناوي اروح لكاليفورنيا ان الله اراد , ميزتها فالجو غالبا معتدل وانا من النوع الي يبرد علطول فهذي ميزه , هل فيه جامعات فكاليفورنيا تعطي قبول مشروط وتنصح فيها؟
الاي توني بيكون من معهد اللغه , اذا قدمت على جامعه وانا هناك وقبولوني ان شاء الله هل فيها اشكاليه بالنسبه للفيزا تلزمني ارجع للسعوديه او اراجع الهجره عندهم ؟ او بفرضية ثانية غيرت المعهد وانا هناك هل الوضع عادي
اسف على الازعاج بس مالنا الا الله ثم انت جزاك الله الف خير

آمين، وشكرا لدعواتك

أذكر حاليا جامعتين قبلت بمقبول
جامعة Syracuse
وجامعة Penn State

بس المهم في الموضوع هو ال Personal Statement
لازم تضمنها أسباب انخفاض معدلك، وأن طموحك ممكن تحققه عن طريق الدراسة في الجامعة اللي بتقدم عليها وكذا

لا يكون تركيزك بس هذي الجامعتين
كثير من الجامعات يمكن تقبلك إذا كان مقالك الشخصي مميز

السلام عليكم ورحمة الله وبركاته
مششكوور اخوي ع هالمجهود
ربي ييسر لكك دربكك كثر م ييسرت لنا كثيييير شغلات بهالموضوع !..

انا عندي استفسار بخصوص القانون
انا حابه ادخل قانون عام كوني بنت يكون المجال ليا اسهل

وانا تخرجت من معهد els وجبت بالايلتس 5
بس اغلب جامعات القانون طالبن 5.5 و 6 بالايلتس
حبيت اسال اذا فيه جامعات قانون تقبل ب els غير اللي ذكرتهم لانو م لقيت فيها قانون عام
او بال 5 بالايلتس ..

ويعطيك الف عاافيهه .،

الماستر سنه وحده مايعتبر قليل؟ وكيف طبيعه الدراسه ؟؟؟

مرحبا أخوي
أتمنى ان تزودني بوسيلة تواصل معاك إذا مافيه مانع , لدي استفسارات بخصوص ماجستير القانون
وفقك الله

السلام عليكم
اخوي بسألك عن جامعة Lewis & Clark College
ممكن تعطينا معلومات اكثر عنها من ناحية البرامج اللي عندهم في القانون وكم يطلبون في الايلس وهل المعهد حقهم لو انهيته تقدر تدخل الجامعة بدون ايلس وشكرا

السلام عليكم ورحمة الله وبركاته ,,,

اخي الكريم ارفع لك القبعة شكرا وتقديرا على ما تقدمه ما افادات لاخوانك في المنتدى بما يخص تخصص القانون الذين استفادوا كثيرا مما تقدم ولا يزالون يشكرونك على ذالك ويبتهلون بالدعاء لك بجزيل الثواب ...

في الواقع لدي استفسارت مهمة ارجوا مساعدتك بالاجابة عليها او الارشاد الى مصادر موثوقة للبحث عن اجابة واضحة لها كونها تحدد المصير خصوصا اني ما زلت في اول المشوار وبالتحديد مرحلة التقديم على الابتعاث ( على الحساب الخاص ) ...

مع فائق ودي واحترامي وتقديري لخدمتك ولك من كثير الشكر والعرفان بالجميل ,,,


س/ هل الحصول على قبول قانون في كندا سهل وما معنى L.L.M ؟؟

س/ هل L.L.M بمعنى القانون او المحاماة ؟؟
س/ هل تخصص القانون صعب جدا جدا جدا كما يقول البعض انه اصعب من الطب والهندسة مجتمعة ام انه مجرد تهويل لا اكثر ؟؟؟



اتمنى من الجميع من لدية معلومات ومعرفة عن القانون مثل الاخ صاحب الموضوع ان لا يتردد ابدا في تنويرنا بكل ما هو قيم ...ودمتم بود
............. وللاستفسارات بقية ...............