أسهل الجامعات في القبول في ماجستير القانون LL.M في أمريكا

طيب واللي متخرجه بكالوريوس اسلاميات ونسبتها 69% تقدر تكمل ماجستير قانون او لا ابي رد مؤكد

السلام عليكم

بصراحه انا ماقريت الا التقرير فقط .. وجزاك الله خير يا صاحب الموضوع
مالقيت شي عن اختبار البار ؟ اعتقد يكتب BAR

حياك الله أخوي،
الجامعات اللي عندها قانون تجاري دولي ذكرتها في ردودي السابقة وكلها ما تقبل بأقل من 6، فيه جامعات ممكن تقبل بخمسة لكنها متكدسة حاليا

إذا تبي تخصص ثاني فيه احتمال بعض الجامعات تقبلك بخمسة إذا عجبهم الابلكيشين حقك

هذا اللي أنا أعرفه، لكن إذا أنت سمعت بجامعة تقبل بخمسة في هذا التخصص وتبيني أتواصل معهم أنا حاضر

فيه جامعات تقبل دراسات إسلامية لكن المشكلة أنها متكدسة، وسمعت أن جامعة Fordham في نيويورك تقبل حاليا وما هي متكدسة لكن مو متأكد

أما بالنسبة للملحقية والوزارة فالأصل أنهم ما يسمحون إلا بشريعة أو قانون، لكن سمعت ناس كثير مشوهم فما أدري

اختبار البار قضية ثانية تماما، عادة طلاب الماستر ما ياخذونه لأن عادة ما تقدر تجمع بين ساعات تخصصك والساعات المطلوبة منك للدخول لاختبار البار
اللي يرغبون في اختبار البار لازم يحطون في بالهم أنه عادة أقل شيء تحتاج تدرسه سنتين عشان يمديك تاخذ ساعات أكثر في القانون الأمريكي

_ طبعا ما في أمريكا أنك تاخذ رخصة محاماة وتمارس في جميع الولايات، كل ولاية لها اختبار خاص فيها وشروط خاصة فيها
-الأصل أن البار متاح فقط لطلاب الـ JD، لكن بعض الولايات تسمح لطلاب الـ LL.M بشروط:
1- ولاية نيويورك أسهل ولاية من ناحية الشروط، وتقريبا ثاني أصعب ولاية في الاختبار، يعني تقدر تدخل الاختبار بسهولة لكن تجاوزه بيكون أصعب من الولايات الثانية.. لكن كثير من الطلاب اللي ما معهم JD ياخذون اختبار ولاية نيويورك
شروط ولاية نيويورك:
أنه يكون معك بكالرويوس قانون وماستر LL.M من أمريكا وتدرس ضمن هذا الماستر 12 ساعة في القانون الأمريكي
ساعتين مدخل للقانون الأمريكي
وساعتين في الكتابة القانونية
وساعتين في أخلاقيات المهنة Ethics وهذا مطلوب في جميع الولايات
وبقية الستة الساعات على حسب اختيارك لكن المهم أنها تكون في القانون الأمريكي

طبعا لو أخذت 12 ساعة في القانون الأمريكي، و12 ساعة في تخصصك ( لأنك عشان تتخصص لازم تاخذ في تخصصك 12 ساعة على الأقل) فنظريا أنت كذا كملت متطلبات التخرج ومتطلبات دخولك للبار خلال سنة وحدة فقط، لكن 12 ساعة ما تكفي لمعرفة القانون الأمريكي بشكل كاف لأن تجتاز البار، عادة تحتاج تدرس سنة ثانية وتاخذ المواد اللي تساعدك في اجتياز البار

2- العاصمة دي سي، شروطهم مثل نيويورك لكن يطلبون 26 ساعة

3- كاليفورنيا ناسي الحين كم يطلبون ساعة لكن حول دي سي

4- بعض بقية الولايات مثل أوهايو يطلبون ثلاثين ساعة

طبعا بالإضافة إلى أنك بتحتاج تاخذ دورة مخصصة في البار من بعض المعاهد مثل كابلن أو من نفس الكلية، والملحقية ما راح تدفع لها طبعا
الدورة مب شرط لكن جدا صعب تجاوز الاختبار بدونها

الموضوع مو مستحيل بس يحتاج وقت أكثر من سنة

وإذا عندك سؤال بهذا الخصوص أنا حاضر

ما شاء الله تبارك الله ... رد رائع وعميق

يعني اجتياز اختبار البار ليس ضروري للحصول على درجة الماستر في القانون LLM ?

يعني الان اذا قدمت لدراسة القانون في امريكا .. لان معي بكالوريوس قانون ما يحتاج اختبر البار للحصول على شهادة الماجستير في القانون ؟

يعني طلاب الانترناشيونال غير مطالبين بالبار ؟

وشكرا لك

لا أبدا ما في أي اختبار تحتاجه للحصول على ماستر
كل المتطلبات:
-بكالريوس قانون
-اللغة
-توصيتين أو ثلاثة
-مقال شخصي
هذا أغلب الجامعات
قليل من الجامعات تطلب منك معادلة الشهادة عن طريق LSAC

وبالنسبة لاختبار LSAT مطلوب فقط لطلاب ال JD أما طلاب الماستر ما يحتاجون LSAT ولا GMAT ولا GRE

الي اقصده سلمك الله هو عند التخرج وليس للدراسه .... يعني بدرس قانون سنتين ماستر .. احصل ع الشهاده بدون بار ؟ هذا قصدي مادري انت فهمتني ولا ولا ؟

الشي الثاني هل دراسة القانون صعبه ولا طلاب الانترناشيونال غير الطلاب الامريكيين ؟ يعني تكون سهله للانترناشيونال ؟
اسأل هالاسئله لاني مادري اكمل قانون LLM ولا اداره عامه MPA وخلاص ؟؟؟؟ لاني موظف

فاهم قصدك البار مو من متطلبات التخرج ولا له علاقة بالماستر فبتاخذ الشهادة حتى لو ما اختبرت البار

مدة الماستر سنة وحدة فقط في القانون
الماجستير في التخصثات الثانية اكثر من سنة في امريكا
لكن اذا تبي الماستر وتبي البار بعد، عادة بتحتاج تمديد مدة دراستك لسنة ونص او سنتين عشان تاخذ مواد كافية للبار

طبعا مدة دراسة القانون أقل من الادارة
ودراسة القانون فيها صعوبة لكن فيها مجال بعد للرأي والاجتهاد فهذا يسهل الموضوع
أكيد دراسة القانون اقوى واحسن من الادارة

فيه تساهل مع الطلاب الاجانب من ناحية اللغة لانها صعبة في القانون

فاذا كان الاختبار مثلا مدته 3 ساعات يعطون الاجانب 4 ساعات
وهذا يرجع على حسب الجامعة والدكتور

وبشكل العام الصعوبة فقط في البداية

والله فتحت لي باب جديد .. الله ييسر لك امرك

لكن زادت حيرتي ... !! القانون هو تخصصي والحلو فيه ما يطلبون جيمات او جي ار اي او غيرها . فقط يطلبون لغه وهذا شي طبيعي ويمكن بعد ما يطلبون لو درست في معهد الجامعه ذاته....
لكنه صعب ..... وسنه فقط
في المقابل الاداره العامه يطلبون جيمات .... لكن سهل الى حد ما لا يقارن بالقانون وسنتين ....

انا في حيرة من امري !!!

طيب فيه جامعات سهله في دراسة القانون وجامعات صعبه ؟