قضية تحرش

والله يابن الحلال الواحد مايدري وين الخيره فيه وبيتوقع في أسوأ الإحتملات بالديرة هذي

اليوم جت حرمة لزوجتي تقول لها أبي أترك ولدي الصغير عندك ( سنتين ونص ) بس ساعه باليوم لأن وقت دوامي يبدأ ولازم أروح وبعد الساعة بتجي بنتي من المدرسة ( عندها إعاقة عقلية ) بتاخذ الولد منك
وفيه بنت أكبر منهم ( سليمة ) بتجي بعدهم بشوي من المدرسة

ردي لها

1. تكتب لك ورقة أن ماعندها مانع تخلي ولدها عندك وتحدد الوقت والأيام والشقة
2. ولدها الصغير وبنتها المعاقة يجلسون عندنا في البيت إلى أن تجي أختهم الكبيرة وتاخذهم كلهم . ماعندي أستعداد أسلم طفل صغير لبنت عندها أعاقة عقلية .

كل هالأمور مجانية لوجه الله لأنهم عرب مسلمين بس ماأضمن بكره ترفع قضية تحرش أو البنت المعاقة تذبح الولد أو تخنقه أو أو أعوذ بالله من الشيطان

زين سويت بعد الواحد مايضمن وش يصير فيه هناك هو صحيح تسوي فيهم خير لكن الاحتياط واجب وانشاء الله مايصير الا كل خير

( تمت المشاركة باستخدام تطبيق مبتعث )

صح بسوي فيهم خير لكن في بلد القانون الذي لا يحمل المغفلين مابدنا هالخير من غير هالشروط

لاحول ولاقوة الا بالله والله انا خايفه من امريكا ياكثر السوالف اللي يطلعونها ع السعوديين..
الله يفرج همهم وتنتهي السالفه ع خير ..


( تمت المشاركة باستخدام تطبيق مبتعث )

حنا كالجسد الواحد والاكثريه منا كطلاب مانملك الا الدعاء
وش صار بالموضوع
يارب سلم

ايش صار على الموضوع ؟

بصراحه الموضوع شاغل بالي مره

الله يعينهم

من جد شاغل بالي أنا بعد
وانشاء الله خير

( تمت المشاركة باستخدام تطبيق مبتعث )

عندما نطلب من الآخرين المساعدة وإبداء الرأي، فأيضاً يفترض أن نجزيهم بإعطائهم نتيجة تجربتنا وخبرتنا.

يا رب انصرهم ..
بإنتضار النتيجة المبشرة إن شاء الله !

اللهم انصرهم في هذا اليوم الفضيل و يفرج همومكم !
اكثروا من الاستغفار في كل اوقاتكم و باذن الله عز و جل تنحل المشكلة و ان شاء الله السفارة و الملحقية السعودية ترسل لكم المحامي و يحل الاشكالية و ترجع المياه الى مجاريها .

حاولوا توضحوا لهم انه لغتكم الام هي العربية و ليست الانجليزية و ربما حصل miscommunication language barrier و اتخذوها حجة قانونية لكم في المحكمة

الله يجزاكم خير الجزاء على ما قدمتوه من حلول يا اعضاء منتدى مبتعث .