تفاصيل رحلتي على الخطوط السعوديه بالطيارات الجديدة لعام 2014 وبعض الفوائد والأخطاء

ماشاء الله ,
الحمدلله على السلامه ,
واستمتعت بقراءة التقرير , والله حسيت نفسي داخل معكم بالرحله وانا اقرأ التقرير !

الواضح ان الطياره اللي ركبتيها هي من الطيارات الجديدة اللي طلبتها الخطوط السعودية مؤخراً !

والدليل نظافتها , وايضاً الاجهزة المتطورة فيها مثل منافذ الـ USB .. (هذي لاتجدينها الا فقط في الطيارات الحديثة) ..

بهذه الحاله , انا انصح الكل انه يطلع على الخطوط السعودية ..
مدة هذه النصيحة 5 سنوات ..
بعد الخمس سنوات اذا الله احيانا , نشوف الوضع ونقرر

شكرآ لصآحبة آلموضوع ..
مجهـــــود تٌشكر عليه .. آلله يعطيكـ آلعآفيه ..


آلخطوط آلسعودية .. عيوبهآ قليله دوليآ طآلمآ فيه شروط لأي طآئرة عآبرهـ للقآرآت وَ أمريكآ مشددهـ على هذآ آلموضوع ..
لكــن محليآ ,, آلله يخلف ..!!
على فكرهـ .. ترى صآرت كآرثه قبل فترة بمطآر سآن فرآنسسكو .. طيآرة كوريه طآحت وَ صآر فيهآ وفيآت كثير ..
آلستر من رب آلعآلمين ..

بآلنسبة لي كنت أسآفر فيهآ دوليآ لبريطآنيآ .. وَ كآنت جدآ مريحـــه ..
وَ لكن آلإمآرآتية بحكم سفرتي عليهآ ثلآث مرآت .. كآنت كٌلهآ أقرب إلى درجة آلرضــآء آلتآم ..
إلآ رحلة وحدهـ .. لليوم مشكوك فـــي أمرهآ ..
كآنت من دبي للمدينة ,, أحسهم سآرقين آلطيآرة مو تبعهم ..!! أســـوأ طيآرة مرت علي ..!!

أمآ آلإنتظآرآت وَ غيرهآ ..
هذهـ مآلهآ أي صلة في آلخطوط كونكـ يآ آلمسآفر من دوله مآتتبع آلخطوط أللي تطلبهآ ..!!
طبيعي رح تصآدف موآعيد مآ تتوآفق مع رغبآتكـ ..!!
يعني أنآ من آلمدينة وَ بآلعكس آلخطوط آلسعودية نهآئيآ مآتخدمني لسيآتل ..

رحلتي دآئمآ على آلإمآرآتية, من آلمدينة لدبي رحلة سآعتين ..
وَ بعدين إنتظآر سآعه وَ نص فــي دبي .. وَ بعدين دبي سيآتل 14 سآعة وَ نص ..
وَ لله آلحمد ..

قبل كم يوم عندنآ بآلمدينة .. هبطت طيآرة تبع آلخطوط آلسعودية جآيه من إيرآن - مشهد .. هبوط إضطرآري ..
وكنت أتفرج بآلطيآرة يوم هبطت ..!!
طبعآ صآر خلل بآلعجلآت وَ مسؤولين آلمطآر حطوآ رغوهـ بآلمطآر .. وآلطيآرة لفت بآلجو سآعتين لين إستنفدوآ آلوقود لجل مآتنفجر إذآ نزلت ..
وَ بسبب ســوء آلطيآرة آلسعودية قفلوآ آلمطآر يومين وَ تأجلت رحلتي ..!!

وصلت لدبي ..
وَ مآلقوآ أي رحله لأمريكآ وَ حجزوآ لي على آلطيآرة أللي من بكرهـ ..
وَ آلفندق كآن على حسآبهم .. وَ بصرآحه كآن فخـــم وَ آلأكل أللي بآلفندق كآن برضو على حسآب آلخطوط آلإمآرآتية شيء رآقي أكلهم ..
وأرسلت إيميل شكوى على آلخطوط الإمآرآتية أشتكي من سوء معآملة موظفين آلإمآرآتية في آلمدينة آلمنورة ..
وأشتكي على آلتأخير أللي صآر بدون أي تعويض أو محفزآت .. وَ قفلت آلإيميل ..

يوم وصلت للمطآر قآلوآ تم ترقية تذكرته من آلدرجة آلسيآحية لدرجة رجآل آلأعمآل إنت وَ أهلكـ ..
بصرآحه فخآمه وَ رآحه مو طبيعيه ..

آلدرجة آلسيآحية في آلخطوط آلإمآرآتية .. آلمقآعد مو مريحه صرآحه ..!!
ويكثر في آلطيآرة .. آلهنود ..!!

عمومآ أللي عندهـ تجربه معينه .. لآ يعممهآ على كٌل شي ..
يمكن أنآ مريت برحلة سيئة لآ يجي أحد وَ يقول .. إنت تسمع وَ تقول ..!!
أو شخص رآح على خطوط معينه وَ ربي وفقه .. يجي يقول آلعيب فيكم بس تنتقدون ..!!
كٌلهآ توآفيق من رب آلعآلمين ..
لو جيت تنظر لهآ من جآنب آلمقآرنة .. كٌلهآ تقريبآ في صف وآحد .. آلفروقآت أحيآن تكون طفيفه وَ أحيآن تكون مثل آلفجوهـ ..
لأنهآ تعتمـــد على حسب رغبة آلشخص وَ رضآهـ ..

السلام عليكم
رحلة موفقه وان شاء الله الخطوط السعوديه يتمون على هالحاله وافضل

سافرت مره في الخطوط السعوديه الرياض امريكا دايركت
وحطوني في كرسي مكسور وكانوا بيحطونها براسي وصارت سالفه دايم اذكرها للعالم خخ
ماعجبني تعامل الطاقم ابداً كأنهم معطيني الرحله من جيوبهم

سافرت مع الخطوط الامراتيه امريكا الامارات
الهنود كانوا مالين الطياره وريحة البهارات الهنديه بكل مكان غير العشوائيه اللي حاصله منهم والحوسه والازعاج والتدافع يوم فتحوا البوابات اسوء رحله مرت علي
الطاقم كان جداً متعاون ويدورون راحتنا الطياره كانت كبيره والكراسي ممتازه لكن ماررتحت فيها للازعاج والروائح اللي من الركاب
وبعدها رحله من الامارات للرياض الطياره كانت قدميه نوعاً ما لكن الطاقم متعاون والطياره نظيفه


سافرت على الخطوط القطريه امريكا قطر
اقدر اقول هي افضل رحله وكنت موفق فيها
الطاقم متعاون جداً الركاب ماكانوا مزعجين ابداً ومحترمين جداً والطياره كبيره ومريحه
بعدها قطر الرياض الطياره كانت صغيره لكن جيده نوعاً ما الركاب كانوا اغلبهم هنود لكن كويسين ومحترمين "استغربت"

سافرت على الخطوط االامريكيه اليونايتد من امريكا لالمانيا وبعدها لوفتانا الالمانيه للرياض ماكنت مهتم بشكل كبير لاني كنت تعبان وطول الوقت نايم
لكن بالعوده من الرياض لالمانيا كرهت نفسي لان المقاعد كانت جداً صغيره وكان بجنبي واحد متوسط الجسم لكن نص كتوفه عندي مارتحت ابداً
ومن المانيا لامريكا على اليونايتد كانت افضل رحله دوليه مرت علي
كنت جالس بالنص يميني ويساري كان فيه ركاب وقبل لا اجلس كنت ادعي الله ان محد يضايقني لاني كنت متوقع الكراسي تكون ضيقه وكان اللي يميني ويساري من اصحاب الاجسام الثقيله خخ
يوم جلست الكراسي كانت واسعه جداً
انا عندي مشكله اللي اكره شي اللي قدامي ينزل الكرسي على ورا لاني احط رجل على رجل طول الرحله
بالرحله هذي اللي قدامي كان مرجع الكرسي على ورا وكنت مرتاح جداً حتى اللي كانوا بجنبي ماضايقوني لان الكراسي كانت كبيره ومستوعبه الجميع
حبيت هذي الخطوط من كل قلبي

السلام عليكم تقرير جميل جدا تشكري عليه
بالنسبه الخطوط ما عندي اي ملاحظات سيئه عليها جربتها مرتين عام ٢٠١٠ وكنت الرحلتين كلها مريحه والاكل طعم والضيافه ولا اروع ...
في السنوات الاخيره غيرت للامارتيه لان كان في رحله مباشره من مدينتي لدبي وهذا الشي خلاني اتفادى الخطوط الداخليه في امريكا لانها متعبه وغير مريحه ....

حمدالله ع سلامتكم

ههههههههههههههههه اما كرسي مكسور هههههههههههههههههههه
طيب مابدلوه لك هههههه ع الاقل يرقونك الدرجة الي بعدها

بالنسبة لي الخطوط السعودية الخيار الاول دائما لأني جربت كل الطيران القطرية والامارات والاتحاد وكلها نفس المقاعد بالنسبة للدرجة السياحية يعني مافيه الا اذا كنت بتسافر درجة اولى فهذا شي ثاني ،، ولكن بالنسبة للدرجة السياحية فاانا افضل الخطوط السعودية من بين شركات الخطوط الاخرى...

ماشاء الله تقرير رائع ، الحمدلله على السلامه

الله يسعدكم جميعا" نورتوا موضوعي 😻❤
وربي يسلمكم من كل شرر ..




( تمت المشاركة باستخدام تطبيق مبتعث )

حمد لله على السلامه اختي .. اذكر رحلتي عام 2011 التي سافرت فيها على السعوديه .. رحله ممتازه لواشنطن

موضوع جميل و تفاعل حلو و مشاركة مفيدة من الجميع للجميع

فيه نقطة كمان ممكن نستفيد منها اذا استقرينا - يعني دايما تروح و تجي ع نفس الخطوط - ع الخطوط السعودية او غيرها

برامج الولاء مثل الفرسان في الخطوط السعودية

ممكن تستفيد اميال و بعدين في مرة من المرات تسوي ترقية الى درجة اعلى

تتكشخ

( تمت المشاركة باستخدام تطبيق مبتعث )