حوار تجمع " تايه وسط ولايات أمريكا "

January 22nd, 2014, 10:34 AM

وصلت ع طيارة 23 ديسمبر 2013 وطبعاً من المطار للسكن ...

وبحكم أن الرحلة طويله كنت متعب وبحكم اني جيت قبل الدراسة بوقت كافي قررت ادعسها نومه لمدة يومين ولا اطلع من البيت عشان يروح عني تعب السفر ..

بعدها بيومين بديت اطلع وانهي اموري الثانية ... والحمد لله مابدت الدراسة الا وأموري في السليم ...

طبعاً بعد اسبوعين بالضبط ضاق صدري من الولاية بحكم اني ما اشوف بهالمدينة الا " رد ند " بالعربي ناس ماتتخالط والمدينة كئيبة جداً حاولت أقلم نفسي لكن ماقدرت ..

جلست اوقات طويلة ابحث عن ولاية ثانية وجامعات اخرى عشان احصل على قبول وقبل اي شيء لابد ابحث عن جامعة ومدينة استقر عليها وتجمع بين :

1- جامعة معترف بها وفيها نفس تخصصي وتعطي قبول مشروط وعنها معهد مناسب في تكاليف الدراسة .
2- مدينة أفضل من ناحية السكان ورخص السكن .
3- جوها أقل بروده لان الجو البارد شق مخي .

بصراحه هنا حسيت اني طالب على حسابي الخاص وتايه بجد ومحتاج انا وغيري ان يكون فيه موضوع واحد يوضح لنا مميزات وعيوب بعض الولاية من واقع خبرة البعض من الاعضاء اللي عاشو في امريكا وشافو فيها اللي ماشافة الطالب المستجد مثلي ومثل غيري ..

أتمنى الكل يتفاعل بالموضوع ويكون موضوع متجدد ... استفيد منه انا وغيري

فضلا لا امرا ياليت اللي عنده خبره يفيدنا ولكم مني جزيل الشكر والامتنان

• نشر عبر تويتر
• نشر عبر فيسبوك
• نشر عبر جوجل