حوار الى كل شخص يتهيب استخراج الفيزا ..

January 25th, 2014, 12:41 AM

اليوم راح انقل لكم تجربتي المتواضعه في إستخراج الفيزا الإمركية
طبعا قبلها بيوم كنت مهوووس جدا وكنت اقط خيط وخيط وخايف ومتوتر لأبعد حد .!
لدرجة إني نمت الساعة 1 وصحيت 4
توكلت على الله وقمت اخذيت لي شور وصليت ومشيت الى القنصلية طبعا القنصلية الإمريكية بالظهران
وصلت الساعة 6 و 45 وعلما ان موعدي 8 متحمسس طبعا
دخلت القنصلية وكان الحارس قال لي جاي بدري ممنوع الحظور في هدا الوقت لان الدوام يبدي الساعة 7 ونص طبعا يمين يسار خلاني ادخل وقال لي روح المواقف ولكن لاتتحرك ولاتنزل من السيارة لين ماتجي الساعة 7 ونص قلت له اوكي .. المهم جت الساعة 7 ونص ونزلت طبعا اتجهت الى الحارس وقال لي خذ كيس بلاستيك وضع كل الاشياء الي فيها معدن داخل الكيس حطيتهم وشيك على اوراقي كاملين او لا وبعد ماخلص قال لي تفضل لما ينادوك البوابة , نادوني البوابة وكانت موظفة اخدت اوراقي وجواز سفري جيكت هل عندي موعد اليوم او لا ورتبو الاوراق مثل ماهم يبونه .. بعد ذلك خلوني ادخل وقالو روح خد لك رقم اخديت لي رقم وخلصت وكنت مرره متوتر نادو عليى ب الرقم وحط على جوازي باركود معين ورجعت جلست انتظر طبعا انا وزوجتي وانا من التوتر ظليت ساكت لين مانادوني اول مره كانت تعبئة الابلكيشن Ds-160 بعدين قالو لي روح اجلس لين ننادي عليك ب الاسم قلت لهم اوكي ... نادوني ( فلان بن فلان وعائلته تحمسست هنا وحاولت اشيل كل الضغوط كنت مبتسسم وبشوش معاها هي بعد كانت نفس الشيء سئلتني تبي اتكلم معاك عربي او انجليزي قلت لها عربي ..
اول سؤوال .. هل ذهبت الى امريكا .. !
انا : لا
الثاني : اين ذهبت خلال خمس السنوات الماضية ..!
قلت لها لم اذهب الى اي مكان , هي دخلت عرضت بس انت رحت دولة من الدول الخليج وضحكت , قلت لها اي لقد ذهبت
قالت : ليش رايح امريكا واي تخصص راح تدرس .؟!
انا : راح ادرس لغة وادرس كميكال إنجينير
قالت very good
انا : ابتسسمت
قالت : من راح يتكفل بمصاريفك في امريكا
انا : انا راح اتكفل
قالت : كيف ..!؟
انا : بمساعدة الوالد
قالت : وين يشتغل ابوك
انا متقاعد من الشركة الفلانية ..
قالت مبروك فلان وراح تستلم جوازك وفيزتك بعد اسبوع في ارامكس في الخبر مقابل الموفنبيك
انا : هنا ماعرفت اضحك اتبسسسم معاها شيء هههه

بس جد شباب توكلو على الله ولاتخافو ولاتتوترو تراها والله سهالات من رب العالمين تتيسر الامور عليكم ب الدعاء
واهم شيء تكون اوراقك كاملة ..
DS-160
رسوم سامبا الإصال الاصفر
I-20
ورقة دفع رسوم السيفيس
وجواز سفرك
وشهادة الثانوي او الي راح تكمل عليها
والضمان المالي

وراح ان شا ء الله نتتظر اسبوع كامل وراح نشوف وان شاء الله نبشركم خير ودعواتكم لنا وللمؤومنين ..

• نشر عبر تويتر
• نشر عبر فيسبوك
• نشر عبر جوجل