مساعدة راعية السكن تهددنا بالمحاكم والحل معها ؟!

نصابين... الدفع لا يتم الا لمحاميك
وثاني شيء ياما سحبنا على شركات ومكاتب ايجار ولا محاكم ولا شيء
عارفه السعوديين وعندهم فلوس على قولتهم فتبي تستفيد
وشيء مو موقع على العقد ماراح تقدر تطالبك فيه ولا تنسين سالفه رقم السوشل سكيورتي اذا ما عندك ما تقدر تسوي لك شيء
فمن رايي اسحبي عليها وعلى كلامها وعلى شقتها

غلط ثم غلط ثم غلط يا اخوان انتوا لستم مراهقين او أطفال حتي يكون أسلوب اسحب عليهم وخرابيط ذي هو أسلوب تعامل هل هذا الاسلام هدانا الله وإياكم
اولا بالنسبة للإيجار انصح السائلة ان تقوم بتحرير شيك وتسليمه للمكتب او ادارة المجمع او تودعه في حسابهم او تبث عبر ايميل انها تريد تسليم الشيك ولا احد يتجاوب معها ليكون مستند في يدها امام جهات الرسمية عند الضرورة
بالنسبة لمن قال اسحب عليهم ليس بالضرورة سوشيل سيكورتي نمبر يكفي اسمك الان وال بصمات مسجل لدى ادارة الهجرة وهذا كفيل بمنعك من دخول امريكا مستقبلا بالاضافة لتشويه سجلك الائتماني داخل تمرينا فبمجرد ادخال اسمك في الحاسب الآلي لدى ادارة الهجرة ستظهر مقابله كل ما فعلته داخل امريكا من مخالفات اذا كانت رسمية اخير اقول حسب علمي والأفضل الرجوع للعقد ان هناك مهله شهر هي التي تغطي تلحق للمالك في شكوى وليس اقل فتاكدي من العقد وبنوده وحاولي الاعتذار من المالك ولو قدمت ايجار شهر القادم مقدما ربما يعطي انطباع بانك كنت تمر بظروف قاهر ولم تكن مقصودها وبالتوفيق


🇺🇸🇬🇧 الهاشمية ليمتد 🌺🇬🇧🇺🇸

انسب شي شوفي عقد الشقة ... المحاكمة على حسب البند المكتوب .. نحن السكن حقنا 14 يوم تاخير يرفعون اوراقك للمحكمه بس ما يحاكمونك الا بعدها بشهر.. فاذا دفعتي يغرمونك حق التاخير وبس.. اما اذا تاخرتي اكثر ففي محاكمه وطرد
فشوفي العقد ايش مكتوب فيه
اما على كلام اسحب ما اسحب فترا بطلوا استهبال شوي .. عشان تروحون سكن ثاني في نفس الولايه لازم تاخذ اوراق من سكنك السابق .. فاذا سحبتم .. القوا احد يستقبلكم .. غير طبعا ان اساسه غلط ومدري كيف واحد عاقل يفكر يسحب على دين

حسب معلوماتي انها ما تقدر تسوي لكم اي شي خصوصا ان ما معكم سوشل سيكيورتي حتى وان كان معكم السوشل سيكيورتي فالمحكمه لن تحكم عليكم بالسجن او بالقتل !!

السالفه انكم راح تروحون للمحكمه وراح يسألكم القاضي ليه ما سددتوا وطبعا بتقولون اول شي احنا طلاب وهذا اكبر عذر ولكم تعامل خاص في هالحاله وبتقولون بعدها ان الراتب اللي يوصلنا نسدد منه الاجار وان هذا الشهر جاتنا ظروف وهي مشكلة مع الحساب وما قدرنا نسدد ولا قدرنا واننا ناوين ندفع الاجار والفلوس الان معنا


بالنسبة لصاحبه السكن والمحامي فحامض على بوزهم ياخذون دولار زياده الا لو كان من بنود العقد غرامه تأخير وغالبا ما تتجاوز 50 دولار


نصيحة : مستقبلا لو صار لأي طالب ظروف ماليه فنصيحتي انه يشوف له احد من اللي حوله سواء مبتعث او قريب له ويستلف منه ويفك عمره من السين والجيم

معلومه : الكثير من السعوديين مجرد ما يسمع كلمة محكمه يجي على باله محكمه السعوديه وانه مسوي جريمه كبيرة والموضوع ابسط مما تتوقع وغالبا القاضي يكون اسمح من خصمك في التعاون والقصص ك والشواهد كثيره


الله يوفقنا وياكم

بالنسبة لاتعاب المحامي ... الدفع يكون عليك في حال خسرت القضية وحكم لصالح الطرف الآخر ... أما إذا حكم لك فليس عليك أتعابه . ( وجهة نظر قانونية) .

اقولكم ما يبي يدفون المكافآت شوي


بس شوي


( تمت المشاركة باستخدام تطبيق مبتعث )

ولو غدا واصبح الرماد ناراااااا تتلهب تاكل الأخضر واليابس لن ترى من ملحقية الا ما انت عليه وزين لو ما نقصوا كمان فأحمد الله ترانا لا ابتعاث ولا شي باقي شوي ونبيع اللي علينا من الغلاء والمعيشه هنا ورطانين لا احنا نقدر نرجع فنخسر ما دفعناه وأطفالنا يخسرون سنة دراسية ولا سبيل سوى الانتظار وموفقين


🇺🇸🇬🇧 الهاشمية ليمتد 🌺🇬🇧🇺🇸

الله المستعان ....

و الله يا هؤلاء البشر أنهم عبيد للدينار و الدرهم ...

أختي ... لا تشيلين هم ... قسم بالله ما راح يجيك شيء .... بس هي تستخدم طريقة التخويف عشان تسحب منك فلوس زود ....

الله يسهل لنا و لكم

ما على ربي شيء بعيد
وكل هم يزول ..

هي الدنيا لا راحة فيها إنما الراحة في الجنة .


( تمت المشاركة باستخدام تطبيق مبتعث )