المشاركة الأصلية كتبت بواسطة Bonheur
الله يهديك كيف يستخدمون التأمين بشكل سيء ؟
لو التقويم او النظارات مرفوضة رفض التأمين الدفع وانتهى !
غير كذا ليه مايستحق نظارات شمسيه ؟
الميزانية تنسرق بالمليارات والمواطن ماياخذ نظاره ب 400 ريال حرام ؟
حدث العاقل بما لايعقل فأن صدق فلا عقل له !
والتأمين والبعثه وغيرها ترى حقوقك ك مواطن !
ولو تشوف قطر وطلابها كم يصرف لهم وكيف تأمينهم ( لبكيت )
واخيراً لكل مبتعث او مبتعثه .. خذ نظارتين شمسيه
وطلع كل هللة من التأمين ومن الملحقيه ..
اولاً جيت ابطلع نظاره شمسيه قبل فتره والتأمين رفض لان عيوني سليمه وقالوا لي اذا عندك مشكله بعيونك راح نوافق لك بالنظاره
ثانياً التقويم ممنوع من التأمين الا بألفين دولار وعمرك اذا ماخاب ظني لازم يكون تحت العشرين
انا ما قلت ان مافيه ملايين تنسرق او اي شي ولا تقارنا بطلاب دولة قطر فكم عدد طلاب قطر بالنسبه لعددنا ولا يشكلون ولا عشرين بالميه من عددنا
وبعدين اذا الواحد بياخذ النظار بطريقة ممنوعه ماتعتبر سرقه؟ او انها تعتبر سرقه لغيرنا واحنا لا؟
ثاني شي انت ما تاخذ فلوس من الدوله انت تاخذها من شركة التأمين
رحت لمحل نظارات ثاني علشان اتأكد من الموضوع حق النظارات وسويت فحص عيون وخلوا عندي مشكله بالعيون والدكتور قال اكيد عندك مشكله
وطلعت من عندهم وفحصت عن عيادة خاصه بالعيون وقالوا لي ماعندك مشكله
ابقول لك كم طريقة ملتويه يسونها بعض الطلاب
-بعض الدكاتره يصلحون لك التقويم على انهم يصلحون لك اسنانك بحشوات او تركيب او او
-بعض العيادات "بدون ذكر جنسيات" يصلحون لك اسنانك ويتفقون معك على مبلغ تستلم بعض المبلغ
-بعض الطلاب يخلون ربعهم او اي احد غير مبتعث يستخدم التأمين
وامثله كثيره
بالطرق هذي الشركه راح ترفض التعاقد مره ثانيه والملحقيه ماراح يحطون يد على يد ويناظرون
راح يجيبون لنا شركه اخيس من هذي الشركه وبناكلها
كل هذا ليش علشان نطلع كل هلله من الملحقيه
الملحقيه عندهم ميزانيه معينه للتأمين اذا ماجتهم الشركه اللي يبغونها ولا بحثوا عن شركه ارخص الخساره الاخيره لنا حنا
التأمين والبعثه وغيرها من حقوق المواطنين انا مع هذا الشيء انا مو ضد هذا الشي
ناس كباريه تسرق فلوس بالهبل انا مع هذا الشي
المكافأات ماتكفي وانا مع هذا الشي
لكن ليش نخرب على انفسنا؟ يوم صارت مطالبة المكافأه ونزل برنامج اظنه ياهلا عن هذا الشي جابوا مبتعثين قاعدين بمقهى شيشه ووناسه
التأمين بدال مانطالب بعرض افضل استخدمنا طرق سيئه وراح نخسر التأمين الحالي
تأميننا من افضل خمس شركات تأمين في امريكا والعرض اللي حاطينه لنا ممتاز جداً
يغطي كل شي علاجي ماعدا الاشياء التجميليه
ياخي تأمين الجامعه اللي انا فيها وتعتبر من افضل الشركات يغطي نصف تكلفة الادويه والعلاج وقيمته مقاربه لقيمة التأمين حق ايتنا لكن ايتنا يغطي العلاج كامل
- - - مشاركة محدثة - - - المشاركة الأصلية كتبت بواسطة saudi_magic
ماعليك يارجال الشركه ربحانه ١٠٠٪ اجل كل فرد ياخذون عليه ٦٠٠$ بالشهر .. تعال عاد احسب الاطفال والمرافقين والمبتعثين.. اتوقع الشركه يماطلون بتجديد العقد علشان يرفعون من قيمة العقد..ولاتستبعد يكون لاحد من الملحقيه يد في الموضوع.. انا مااتهم احد ولكن تبقى شكوك ... لان هذه الامور تحدث كثير بتجديد عقود شركات الصيانه بالسعوديه.. عمولات من تحت الطاوله..
( تمت المشاركة باستخدام تطبيق مبتعث )
من هذي الناحيه انا معك والله يستر لا يصير بالسالفه لعب ملينا من هالاشياء
hayway March 19th, 2014, 10:44 PM
LinkBack URL
About LinkBacks
March 19th, 2014, 05:51 PM
كثير نشوف مبتعثين يستخدمون التأمين بطرق ملتويه او استخدامات خاطئه
اللي يروح يصلح التقويم وهو مو مسموح له
او يطلع نظارات مايستحقها
او او او
ونتيجه لهذي الطرق الملتويه اليوم قريت خبر عن التأمين والله يستر لا تجينا شركة اسوء من اللي عندنا الحين
سفراء- مكتب واشنطن:
دعت الملحقية الثقافية السعودية لدى أمريكا من جموع المبتعثين التعامل بشكل إيجابي مع التأمين الطبي حيث تعاني الملحقية الثقافية في الوقت الحالي من أزمة عدم قبول شركة التأمين تجديد عقدها بسبب قيام بعض الطلاب استخدام التأمين لأغراض تجميلية أو غير مغطى من قبل التأمين.
وتحاول الملحقية الثقافية إقناع شركة “أتنا” لتجديد العقد، خاصة أن التأمين الصحي أمر ضروري، وتعتبر شركة “أتنا” من أفضل الشركات.
رابط الخبر
ط´ط±ظƒط§طھ ط§ظ„طھط£ظ…ظٹظ† طھط±ظپط¶ طھط¬ط¯ظٹط¯ ط¹ظ‚ط¯ “ط«ظ‚ط§ظپظٹط© ط£ظ…ط±ظٹظƒط§â€ ط¨ط³ط¨ط¨ ط³ظˆط، طھط¹ط§ظ…ظ„ ط§ظ„ظ…ط¨طھط¹ط«ظٹظ† | طµط*ظٹظپط© ط³ظپط±ط§ط، ط§ظ„ط¥ظ„ظƒطھط±ظˆظ†ظٹط©