مساعدة سعدوني

على اي اساس رافضين ؟؟؟
اذا على مسألة الإعاقه الجسدية .. فالجهات التعليمية في اممريكا ماترفض ذوي الاحتياجات الخاصة لاجل مشكلة عضوية !
على العكس لهم مرافق مصممه لهم خاصه ولهم مميزات وكل شي خاص فيهم ..

كل اللي عليك انك تشوفين المعهد اللي يناسبك وتقدمين عليه باوراقك انتي واخوك ..
المكتب ماراح يفيدك بهالخصوص لان ماعنده تجربه مسبقة وعلى باله ان اللي عنده اعاقه جسديه مايقدر يكمل دراسته برى ؟!

ولو فكر بس يشوف في فورم التسجيل حق المعاهد والجامعات .. غالباً فيه فقره بالتسجيل تسأل اذا كان من ذوي الاحتياجات الخاصه او لا !
اذا نعم .. فهم راح يخصصون له مميزات خاصه ويوفرون له المكان المناسب له ! مثلاً .. بدال مايكون الكلاس في الطابق الرابع يحطونه في كلاس بالطابق الارضي ! وهكذا !..
ويصرفون له مميزات ثانيه غير الدراسه .. مثلاً يعطونكم ستكر خاص للسياره وتقدرون من خلال توقفون في مواقف ذوي الاحتياجات الخاصه .. ومن هالمميزات المخصصه لهم !

امريكا مهتمه جداً بذوي الاحتياجات الخاصه .. ويسمونهم Handicap (معاق بالعربي) او Disabilities (اعاقه)..

بإختصار مالك الا انك تخلصين امورك بنفسك .. شوفي قسم التاسعه فيه موضوع عن طريقة التقديم في المعاهد والجامعات .. راح يفيديك !

طنشي المكاتب كثير منهم بس كلام همهم مادي ولا يفكر في الطالب

الله يعطيكم الف عافيه على ردودكم
جد حفزتني كل مااطق باب يتقفل بوجهي انا اعرف انو امريكاء افضل مكان يعطي المعاق حقه بشكل كامل انا اخوي هنا بالسعوديه مادرس الا الى رابع ابتدائي
بعدها طلع من جمعية الاطفال المعاقين عشان يندمج وكانت امي تخاف عليه احد يضربه او يطيحه كانت مرا تخاف عليه لنو مامعه اخ او احد يدافع عنه وقفته عن دراسته ثلاث سنين بعد كذا مالقينا مدرسه تقبله لنو متاخر عن الدراسه وجلس الولد من غير شهاده الحين عمره 19 يعورني قلبي عليه انو مو متعلم لما رحت الطيار قالي صعب ولازم يروح واشنطن او نيويورك بالنسبه لي انو بطلع على حسابي بالبدايه غاليه مقدر اعيش هناك لين انظم للبعثه غير هالمدينتين مافيه تحطمت صراحه
شكرا لكم

اختي شوفي معاهد كليات المجتمع فيه طلاب كثير من ذوي الاحتياجات الخاصة

فيه معهد The Language company مشهور ب TLC هالمعهد له 11فرع تقريبا على مستوى أمريكا ان جربت اللي بفيلادلفيا مره كويس والمواصلات ممتازه والمدينه وسط فيها الغالي والرخيص ابحثي عن شروطهم وتواصلي معهم بالايميل وبالتوفيق

ليش رافضيين؟؟؟

عندنا بنت من جنسيه لاتنيه اعتقد ، معنا في المعهد وهي ضريره ما تشوف مع ذلك تدرس ولا عندها اي مشكله وتتعامل مثلنا برضو

أختي بتعدي عن المكاتب لان كلها ماهم غير الفلوس
وإذا تبن المعهد اللي انا في مستعد اجبلك االقبول في حولي اسبوع او ثلاثه ايام بس تري المدينه شبه غاليه
وان حاظر باي شي تبن
\واسالله ان يوفقك