هل من منصت ؟

الله تحي الجميع ابو زينب. كيف حالك أبغاك بكلمة راس

ياخوي احسن لك عشان تتعلم بسرعة

انا حاليا لي شهرين مااحتك بالعرب بشكل عام مو قصة اني مااقدرهم والخ ...
بس الواحد يبي يتعلم بشكل حلو
وعادي لي شهرين اجلس لحالي ومااحتك في احد الا بالمعهد بس في سعوديين بس مااتعرفت عليهم من بعيد لبعيد سلام وعليكم السلام
وبالكلاس معي 2 بس سعوديين

احسن شي كذا

(( رُبّ ضارّة نافعة ))

الله يكون في عونك يا عزيزي

انظر للجانب ( الايجابي ) في الموضوع و ركز عليه .. ولا تصب كل نظرك على الجانب ( السلبي ) في الموضوع

الاكتئاب والاحباط اللي تحس فيه حاليا شي طبيعي جدا .. بيئة جديدة عليك ومجتمع جديد .. وتصادم ثقافات .. وفقدان الاصحاب والاحباب .. والاعتماد على النفس في كل شي .. والاحساس بالتيهان والضياع .


كل هالمزيج من المشاعر يعتبر تقلب في الحالة النفسية وهو أمر طبيعي .. مجرد فترة بسيطة في البدايات و تتأقلم

نصيحتي لك .. و للمبتعثين اللي يواجهون نفس ماتواجه .. التقرب الى الله ومعرفته حق معرفته ..

عليك بالاعمال الروحانية اللي تقربك الى ربك و دينك وتعمق التفكير في الملكوت الاعلى وفي الحياة الدنيا

واختلاف الثقافات مثل الصلاة و الصيام و التسبيح و تأمل مخلوقات الله والتفكر بها

لو كان عندك وصول جيد للانترنت انصحك بمتابعة سلسة برنامج ( العلم والايمان ) للدكتور مصطفى محمود

هذا طبيب عربي كان مسلم ثم ألحد ثم اعتنق النصرانية ثم البوذية وتدرج في الاديان والفلسفات حتى توفي على الاسلام


انصحك بمتابعة برنامجه على اليوتيوب

بالتوفيق

( تمت المشاركة باستخدام تطبيق مبتعث )

اهم شي الصلاة الضياع هو حياة بلا صلاة

السلام عليكم
معليش توي انتبه لك , امر أخوي
بس ترا الخاص موشغال عندك

ممتاز علشان تتعلم اللغة
وبرضة تتعلم الثقافة التي تتميز بالجدية والحماس للأسف غير موجودة في اغلب الطلاب السعوديين بل بالعكس تلاحظ الطالب السعودي يأتي امريكا ويخرج منها ولم يستفد شي المطلوب هو الارتقاء بالتفكير وأخذ انافع وترك الفاسد من الثقافات الاخرى

اخوي انت بالسليم..صار لي سنة باللغة ..لاني مع اصحابي السعوديين مانفترق لغتي لك عليها..اضغط على نفسك اول ست شهور..وحاول تصاحب لك امريكان..راح تنبسط

اخوي كلنا مرتان في هذا المرحله
اسال الله ان يربط علي قلبك
اوعي تنزل وتسوي مثلي وان اخوك اتراني والله متحسف ضاعت سنه من عمري وان انتظر الفيزا والحمدالله
عطني اسم مدينتك ؟
وانشاءالله نتوصل معك
ااكيد عندك النادي السعوديه
والله اغلب المهاهد ماتستفيد من لان كلها سعودين احمد ربك ان مافي سعودين في المعهد او عرب

عزيزي قدامك خيارين:
الاول : تتحمل شوي الين تفك معك ان شاء الله و تتعود على الديره و بتدعي لكل شخص نصحك في الامر هذا.
الثاني : اكتب اسم المدينة و المعهد هنا في الموضوع و اوعدك التيرم الجاي يتقفل المعهد من التكدس ولا تدري انت في السعوديه او امريكا.

و في النهايه الامر راجع لك و قدرتك و ان شاء الله كلها فيها خير .