((مبتعثين أمريكا)) وثقــافـة القبـول المشـروط

انا خلصت دبلوم هندسة ميكانيكية و ناوي ادرس بجامعة توليدو وهذي الجامعمة يمكن تخليني انتظر اكثرمن شهرين عشان يردون علي بالقبوووول المشروط ...عشان كذا انا ناوي اشوف لي جامعة فيها قبول مشروط وقبولها سهل واهم شي ( معهدها قووووووي) عشان إذا خلصت او اثناء دراستي بالمعهد اجيب درجة الايلتس المطلوبة لجامعة توليدو واقدم عليها ولوو حصل أي شي وقتها يصير ع الاقل عندي الجامعة الي انا فيها وبس ,, وش رايكم بالفكرة هذي وهل فياحد جربها من قبل وهل تنصحوني فيها ؟

مبتعثين امريكا وثقـافـة القبـول المشـروط

السلام عليكم


انا سبق وكنت مبتعثه مع زوجي قبل 6 سنوات في أمريكا, وحبيت ابين لكم خطـأ وقع فيه كثير من مبتعثين امريكا
قبل ما اروح بعثه كانوا اكثر المبتعثين يختاروا البعثة الى بريطانيا،، فكانت نتائج البحث بالنت والجامعات والنقاشات كانت اكثرها تدور حول جامعات بريطاينا

اول ما قرر زوجي يروح بعثه لأمريكا , بدأ يسأل ويبحث وصـار كل اصحاب زوجي وزملاءه والاعضاء بالنت يقولوا لازم تجيب قبول مشروط.
بدأنا بالبحث عن قبول مشروط وجلسنا اشهر نبحث ونراسل على امل اكمال اجراءات البعثه, ومع ان الوزارة تعترف باكثر من 1000 جامعه في امريكا ,, تفاجئنا بأنه في امريكا صعب جدا تحصل على قبول مشروط للماجستير .
ولكن بعدها حصلنا قبول مشروط للماستر وفرحنا كثير,, بس اكتشفنا ان الجامعة في مدينة اشبه ان تكون هجره ومنقطعة لوحدها بشمال امريكا ما فيها شيء وبعيده عن كل المدن وكانت الجامعة جدا ضعيفة.

وبعد البحث والسؤال حصلنا أنه في امريكا في بس 21 جامعه توفر قبول مشروط لدراسة الماستر واكثرها في مدن مررره صغيره ومستوى الجامعه ضعيف الا ما ندر.

وبعدها اكتشفنا ان وزارة التعليم العالي لا تطالب اصلا من مبتعثين الماستر والدكتوراه في أمريكا بإحضار قبول مشروط وتكتفي بقبول اللغة, وهذا بسبب انه لو ان الوزارة اجبرت مبتعثين امريكا على احضار قبول مشروط فهنا تكون كأنها اجبرت المبتعثين على الدراسة للـ 21 جامعه هذي فقط.

القبول المشروط متوفر بكثره في كل جامعات بريطانيا واستراليا (وهذي تعتبر ميزة لهم) ,, عشان كذا ثقافة القبول المشروط موجوده عند بعض المبتعثين الى امريكا ،، فيجلسوا يدوروا قبول مشروط ويضيعوا وقتهم

انا مو جالسه احطمكم او اصعب لكم الابتعاث.
بس حابه ابين لكم الخطأ اللي وقع فيه نسبه كبيره من المبتعثين السابقين لامريكا
وحابه انكم تتفادون هالخطأ وما تضيعوا وقتكم ،، لان خلال البعثه يكون وقت المبتعث جدا حساس

والوقت اللي تضيعه في البحث عن قبول مشروط ,, تقدر تستغله وتطوير لغتك او تحضر للتوفل او الايلتس او الجيمات


وملاحظه ثانيه
بعض المبتعثين يبحث عن جامعة تقبل المبتعث بدون توفل بشرط ينهي دراسة اللغة في نفس معهد الجامعه ويعتقد ان هذا هو القبول المشروط.
وهو بالعكس في كثير جامعات تلغي التوفل عن الطالب اللي درس في معهدها ولكن تقولهم حتى لو خلصت اللغة عندنا مو شرط اننا نقبلك ,, وقتها بتقدم عالجامعه كأنك طالب جديد بس بنلغي عنك شرط التوفل.
لكن نصيحتي
لا تعتمدوا على هذا النوع من المعاهد لانو لو تخرجتوا من المعهد وبوقتها قامت الجامعه بالغاء برنامج الماستر او تم مطالبتكم بدرجة عاليه بالجيمات,, وقتها ما راح يكون معك توفل لانك لم تحضر له فتكون ما حصلت شيء وتصعب عليك.

الافضل ان تكون من البداية تحضر للتوفل وتريح راسك ,, والتوفل سهل جدا للي يستعد ويحط في باله انو حيخلصها في 18 شهر الوقت كافي جداااا


اتمنى لكم التوفيق

الاشكاليه الي حاصله انه مازال اغلب الذين يرغبون بالابتعاث حاليا سواء من المرحله ١٠ او الدارسين ع حسابهم... يتعاملون مع فكرة وخطط الابتعاث تماما زي طلاب المرحله الاولى بعام ٢٠٠٥ .. هذا غير مقبول انه وبعد هذه السنين الطويله والالف التجارب وازيداد اعداد المبتعثين.. تكرر نفس الاخطاء... الي ابي اصله ان الي يرغب بالابتعاث حاليا يجب ان يستفيد من تجارب الي سبقوه ويتجنب تكرار اخطائهم ويجب ان يكون ( حذق) ويعمل كذا خطه A,B,C يشتغل ع كذا حل... لان الاعتماد فقط ع خطه واحده هذه مغامره كبيره..

كلام من ذهب صراحة
خصوصا موضوع الوقت
وانا بصراحة اشوف سالفة القبول المشروط بأمريكا شبه وهمية
لانه ماعرفت احد طلع على جامعة قبول مشروط ودرس بها !!
يطلبون منه GRE درجة معينة او توفل درجة معينة !! فا مايجيب الدرجات المطلوبة وينكرش

وزي ما قال اخونا نسيت اسمه ان الواحد يحط في راسة اكثر من خطة وانا صراحة استفدت من نصيحته انك تحط في بالك اكثر من خطة
كنت ادور قبول مشروط لماستر وكأني عقلت وابي اطلع على لغة

لانه القبول المشروط محدوود للماستر
الا اذا لقيت جامعة تعطي مشروط وماتختبر GRE يازينها ذي

اذا حصلت جامعة تقبلك بدون جي ار أي لا تنساني دلني عليها