جــايين جــدد لأمريكــا ؟ -------------> شوفو الأخطـاء اللي مــر عليها الكثير ..

العفو و أسأل الله أن ينفع بهذي المواضيع (:
بخصوص البحث و طريقته تتم ( بشكل عام ) على ما يلي :
تحديد التخصص -----> معرفة الجامعات التي فيها هذا التخصص -----> التأكد من خلال موقع الوزارة بأن الجامعات معترف بها ------> تحديد الولاية المناسبة لك من خلال الإرتاياح للـمجتمع و المناخ وووو إلخ --- > مراسلة الجامعات في هذي الولاية ( يفضل مراسة جامعات أضافية في ولايات أخرى للإحتياط ) طبعاً مراسلة الجامعات عبارة تعبئة إستمارة في موقعهم و بعض الجمعات تطلب دفع رسوم بسيطة من 35 إلى 100 دولار ثم يتم التواصل بينك و بين إدارة القبول و التسجيل بواسطة الإيمل . فقط الموضوع لا يجتاج مكاتب

أما فيما يخض الميزانية :
تمشي لك راتب شهري من 1800 إلى 2200 دولار ( سكن ـ أكل ـ مصاريف )
رسوم المعاهد التجارية تقريباً ما بين 900 إلى 1400 للترم ( الترم 40 يوم تقريبا) و يختلف من معهد لمعهد .

أسأل الله أن يسهل أمورك (:

يعطيك العافية اخوي ع التنبيهات

برضوا من الاخطاء اللي شفتها من كثييريين انهم يروحون مدن او معاهد عشانها رخيصة
وبالاخير يتورطون بمدن خطرة جدا او بمعاهد سيئة ولا تاهلك اكاديميا

وايضا اللي يطلعون على معاهد ELS السيئة اللي كل فصل فيه 15 سعودي
ويقولك تاهلك ل 500 جامعة والمشكلة ان اكثر من نص هذي الجامعات ليست من الجامعات اللي موافقه عليها الملحقية
و النص الثاني يقبل طلاب لكن في تخصصات معينة وهي التخصصات اللي محد يتخصصها
وبالاخير ما تلقى الا 5 او 10 جامعات فقط هي اللي تقبلك في تخصصك بعد الانتهاء من معهد ELS
وهذي ال10 اما تكون متكدسة سعوديين والملحقية مغلقتها او في مناطق خطرة وسيئة
و وقتها الطالب ما يقدر حتى يجيب درجة التوفل بسبة ان المعهد سيء ولا ياهل اكاديميا.

نرجوا الحذر و بالتوفيق للجميع.

جزاكم الله خير

وبأذن الله نستفيد

أشكرك اخوي نفر على التوضيح الأنيق لكن وش الأفضل اختار معهد اكاديمي تابع لجامعه او معهد تجاري ؟ انا احرص على ان يكون العرب وبالذات السعوديين قليل في مكان الدراسه عشان اطور لغتي بقوه وكدراسه مستقبلا .

تبي تتعب عشان تلقى ديرة مافيها سعوديين ..
ماشاء الله بكل مكان


اتمنى لك التوفيق

مشكورررين من جد الله يعطيكم الف عافيه
انا برووح ادرس على حسابي وتقريبا اوراقي جاهزه باقي قبول جامعي ادور احد يوفره لي بسبب لغتي الضعيفه و عدم معرفتي بالتصرف مع الجامعات
ومن بعض كلامكم خفت من اشياء كثيرره وتضحت كثير من الامور لي بس راح تزيدني اصرار وان شاء الله نرفع راس بلدنا فوق

ألف شكر و بيض الله وجهك على هذي الإضافة الممتازة

العفو الله يطول بعمرك و يوفقك (:
الأكادمي أفضل لكن يجب أنك تسأل عنه أولا ً لأن فيه معاهد أكاديمية ( مقلب )

أما الدراسة مع العرب أو السعوديين فهم ما راح يضرونك يا صاحبي إلا برى المعهد ( جلسات و كبسات و لعلب و شيشة وو إلخ ) و الدليل كل الناس المجتهدة اللي أعرفهم ما ضرهم وجود سعوديين في المعهد !
لكن الأفضل لـ تنمية مهارة التحدث بشكل أسرع من غيرك، أنك تخالط الأجانب برى سواء صداقة أو عمل تطوعي أو وظيفة أو السكن مع ناس (( متفاعلة )) لأن بعض الشباب اللي أعرفهم و سكنو مع طلاب أمريكان ما فيه بينهم إلا كلمات بسيطة جداً و ما بينهم علاقة تواصل قوية وهذا ما نفعهم فـ أحرص أنك تسأل قبل عن العلاقة بين سكان المنزل قبل لا توقع العقد .

بالتوفيق يا عم (:

اخوي نفر كويس ..

ياليت لو تمر على موضوعي وتشرّفني برايك .. وتنصحني بولاية تلائم وضعي اللي بالموضوع وطريقة مُثلى لقبولي للبعثه بإسرع وقت
علماً ان التخصص اللي راغب فيه ( هندسة كيميائية او صناعية )


http://www.mbt3th.us/vb/forum178/thr...l#.VBwyl02KCM8

يا هلا و الله و مرحبا (:
تم .. يا عم (-: