مساعدة معاي مبلغ في حسابي الراجحي

الصرافات في امريكا اذا بتسحب فلوس من بطاقتك اللي معك تاخذ عليك رسوم في كل مرا تسحب ؟ يعني يا تسحب المبلغ اللي تبيه كامل وتسحب مرا وحده مو على كل مرا ومرا لان بكل عمليه تسويها تاخذ عليك رسوم.

الرسوم ثابته ولا على حسب المبلغ اللي ابسحب

ايه ثابته بكل عمليه تسويها , عشان كذا اقولك لو تبي تسحب مبلغ اسحب مره وحده عشان لا ياخذ عليك رسوم بكل مرا تسويها.

كويس لكن لو ودعتها في حساب بنك امريكي هل بكل سحبه يكون فيه رسوم نفس بطاقة الراجحي ؟

يعني تفتح لك حساب في بنك امريكي وتودع فيه فلوسك ؟ وتبي تسحب ! اذا من صرافة البنك نفسه ماعتقد فيه رسوم . واذا فيه رسوم تكون قليله , اما من صرافه ثانيه لا فيه رسوم بس مدري كم بالضبط

اعذروني على المداخلة بس الحساب الامريكي مايعطيك رقم سويفت او رقم ايبان

والشخص بعدك كده يدخل الراجحي اون لاين ويحول لحسابه ؟؟؟؟؟ هل احد جرب كده

انا احول من حسابي في السعودية الى حسابي في بنك امريكي
العمولة 50 ريال
وسعر الصرف 3.754 ريال لكل دولار
طبعا البنك الامريكي ياخذ مني 20 دولار
اخر مرة حولت 1132 دولار وحصلتها بحسابي الامريكي 1112 دولار

فالاحسن لك اذا فلوسك كثيرة وانت تتوقع انك تحتاجها فحولها بالطريقة هذي

انا مبلغي 80 الف ريال ولا اادري وش اسوي
الطريقة اللي تتكلم عنها نوعا ما فهمتها ممكن توضح اكثر بالمختصر كم الرسوم اللي ياخذونها في كل تحويلها انا بنكي الراجحي ولحد الان مافتحت حساب امريكي لأني بالسعودية ماطلعت

80 الف تقدر تحولها كتالي:
اذا وصلت امريكا افتح حساب باي بنك
ومن الاونلاين حق الراجحي
وتروح تسوي اضافة حساب دولي وتضيف نفسك بالمستفيدين وتقريبا يجلس يومين اذا زي بنك سامبا ويصير الحساب مفعل
وبس
الرسوم الي ذكرتها انا اول هي رسوم سامبا 50 ريال التحويل
والبنك ياخذ 20 دولار

انا كنت احول الليل اجي بكرة احصلها بحسابي الامريكي

طبعا الشباب فية عندهم كذا طريقة تحول فيها فلوسك فانت تشوف الي يناسبك