متابعة نزول مكافأة الشهرين لمبتعثي امريكا

للأسف انا مثل حالتك.. مبتعث جامعي ومانزلي شي عالبوابة مع العلم اني كنت على الهولد وشالوه مني قبل يومين بسبب التقرير الدراسي وجدول السمستر الحالي .. نزلي بس صرف فروقات الي سويته قبل وهي المكافاة الشهرية 1847 دولار فقط

أخوي بندر .. أنا متخرج الفصل اللي راح وملفي ما زال مفتوح وعندي إيقاف صرف الظاهر بسبب التخرج والتذكره اللي رجعت فيها للسعودية لأني خلصت قبل مدة البعثة ... ما أعرف هل المكافأة تشملني ويحق لي أطلبها ؟

لأنها ما نزلت لي في كشف الحساب وحاب أعرف كيف أطلبها !!

ويعطيك العافية ..

للأسف الشديد .. وَ كأن الوزارة وَ الملحقية لديهما الإصرار الدائم في إقناعنا بأن الإزدواجية و الفجوة العميقة فيما بينهما لازالت موجودهـ !
تابع معي رد نائب الوزير للتعليم العالي الدكتور أحمد السيف حيث ذكر بأن أي طالب لديه رقم طلابي وهو مُسجل كمبتعث له الحق في هذه المكافئة !!
وهو يؤكد ذلك .. تفضل:
تصريــــــح الدكتور أحمد السيف عن إستحقاق المبتعثين للمكرمة الملكية !!

تنافض غريب, المرافق لا يُصرف له !!
الموقوف عنه الصرف مؤقتًا لا يُصرف له !!
المؤجل للبعثة لا يُصرف له !!
الخريج حديثًا أو المُرقي لبعثته لا يُصرف لهم !!

طيب مالعمل ... كيف نقدر نصعد الموضوع ونطالب بالعدل والحق ؟

على فكرة .. تم التواصل بطلب أستفسار فيما يخص الفروقات وجاني الرد من الموظف المالي بالتالي !! :

" ارجو القراءه مع الانتباه يمكنك رفع طلب صرف الفروقات كمبتعث واشرح انها للملك يتم الصرف اذا كان لديك اي استحقاق ..؟ وهنالك شروط صدور القرار بتاريخ -29-01-2015 من بعد يتم الصرف كمبتعث جديد يصرف له وكمتخرج قبل صدور القرار لاتصرف اما بالنسبه للي ن لديهم (ايقاف صرف) بعد العوده من الايقاف يرفع طلب صرف الفروقات ينظر في (استحقاقهم ) كل المرافقين غير مشمولين مبلغ المكرمه 2990 الراتب من غير البدلات"

السلام عليكم ورحمة الله وبركاته ,

بالنسبة لصرف مكافأة الشهرين .. فتم صرفها يوم الأربعاء من شهر فبراير 2015 بتاريخ 2/11/2015 ..
المكافأة بدون بدلات 2990 دولار أمريكي ..

المكافأة نزلت لـ :
- المبتعث الأساسي
- المبتعث اللي عليه ايقاف صرف HOLD ..

اللي من الفئتين اللي فوق ولا نزلت له المكافأة , فعليه برفع طلب صرف فروقات وفي مربع الاسباب يكتب انها للمكرمة الملكية وانه ما استلمها !
وهم راح يشيكون على حسابك ويتأكدون من استحقاقك لها .. وراح يتم صرفها لك بإذن الله ..


طبعاً اللي عليه هولد ماراح يقدر يرفع طلب صرف فروقات من بعد تاريخ إيقاف الصرف !
فبالتالي راح يحتاج إلى انه يحط تاريخ قبل تاريخ إيقاف الصرف حتى يمشي الطلب مع نظام سفير !
حتى لو كان عدد ايام الصرف بالطلب مكتوب 1 يوم .. مو مهم .. المهم ان الطلب يوصلهم وان صاحب الطلب موضح اسباب الطلب !
لان هم من عندهم راح يعدلون الطلب ويصححون الامور ويضبطون الوضع ويودوعون المكافأة في حسابك !


بالنسبة للمرافقين .. المكافأة المفترض انها تشملهم .. ولكن الاقاويل تضاربت عليه .. فالسيف صرح انها تشمل الكل .. والملحقية صرحت بأنها ماتشمل المرافقين !
يعني الكل يمشي على هواه ..
السبب في هالشي بسيط .. الملحقية تمشي على نظامها اللي مشت عليه في مكرمة الملك عبدالله رحمه الله السابقة !
نفس القرارات ونفس الاسلوب تتبعه ! ماغيرت شي . . اللهم الشي الوحيد اللي غيروه انهم صرفوا المكافأتين كفروقات !
بينما في مكرمة الملك عبدالله صرفوها مع المكافأة الشهرية ! ومع ذلك .. الملحقية رابطة الصرف بالمكافأة الشهرية ..
ولذلك تجد ان فيه مبتعثين موقف عليه الصرف مانزلت لهم الى الان .. بينما فيه ناس موقف عليهم الصرف نزلت لهم ..
والسبب ان اللي عليه هولد من شهر January الفائت .. راح تنزل له في حسابه لانه راح ينزل له جزء من عدد الايام اللي يستحقها من مكافأة شهر ربيع الثاني 1436...
وبالتالي فهي تنزل معها كصرف فروقات .. بينما اللي عليه ايقاف صرف قبل شهر January .. فماراح ينزل له شي .. لانه مايستحق مكافأة شهر ربيع الثاني 1436 ...
فهنا حلها انه يطلب صرف فروقات !

ايضاً المبتعثين من جهات عملهم .. راح يعانون من نفس المشكلة اللي عانوها في المكرمة الملكية السابقة !
الملحقية بتقولهم ان جهة العمل هي المسؤولة عن الصرف .. وجهة العمل راح تقول ان الملحقية هي المسؤولة عن الصرف !
وياخال ابوي حك ظهري !
ولكن الصحيح هو ان الملحقية هي المسؤولة عن الصرف بحسب التعليمات اللي تلقتها من وزارة المالية !
وذلك حتى ان المبتعث مايصرف له مكافأتين من الجهتين ... لابد جهه وحدة فقط تصرف له المكافأتين !

للأسف هناك عدة طلبة عليهم ( ايقاف صرف) وعملو صرف فروقات ( مكرمة الملك سلمان) وتم رفضه من الموظف المالي. ولا يعلمون هل المشكلة من ايقاف الصرف ام من الموظف المالي.

المشكلة تعتمد على وضع ملف الطالب في الملحقية !
فمثلاً , يكون الطالب عليه ايقاف صرف من سنه بسبب عدم الإنتهاء من فترة اللغة .. ويدرس على حسابه طيلة هالسنة ..
ويجيك يقولك ليش ماتنزل لي انا علي هولد ؟
وما يدري ان اللي عليه مو هولد لا .. اللي عليه ايقاف للضمان المالي كامل وهذا يعني ان البعثة واقفه عليه ايقاف مؤقت !
ولاراح يقدر يطلب اي صرف فروقات حتى يجدد الضمان المالي وبالتالي يستكمل بعثته !

فالمسألة صعب الحكم عليها لان وضع الطلاب يختلف من طالب الى اخر !

الهولد اللي ينزل لهم مكافأة الشهرين هو هولد ايقاف المخصصات الشهرية فقط !
يعني اذا الشخص يدرس والملحقية هي اللي تدفع تكاليف المعهد او الجامعة .. ولكن ماينزل له راتب بسبب الهولد ..
فهذا يستحق مكافأة الشهرين ..

اما اذا كان الهولد على البعثة كاملة .. (يعني كل شي على حسابه الخاص) فهذا لابد انه اول يخلص امور بعثته ويردها .. بعدها يطالب في المكرمة !

هناك خلل في مفهوم المكرمة الملكية لدى الملحقية ان صح التعبير.

المصبية انا كنت على الهولد بسبب رفع الجدول الدراسي والتقرير للسمستر الي فات وفكوه عني ورفعت طلب اعادة صرف وبعدها صرف فروقات للراتب الشهري وتم قبول الطلب ونزلت مكافاة شهر ربيع الثاني تحت مسمى "صرف فروقات" اما بالنسبة للمكرمة مانزلت لي للحين ورفعت طلب استفسار وصرف فروقات وكتبت بالملاحظات "بما يخص مكرمة الملك" من يومين وراح تكمل اليوم الثالث وللحين مافي اي تجاوب لا على الاستفسار ولا على طلب صرف الفروقات ولا على تغريدتي لحساب الملحقية بتويتر!
هل مازال هناك طلاب مبتعثين منتظمين بنفس حالتي؟؟ ايش سبب هذا الخلل؟

اليوم دوامهم جزئي يعني يداومون كم ساعة قبل صلاة الجمعة .. وبعدها يقفلون خلاص !
فالله يعنك تنتظر الى يوم الاثنين ..

هو المشكلة ان وقت المكرمة تكون فيه لخبطه وتأخير ..
وغالباً التاخير يكون بسبب الاهمال الزايد عند الموظفين ..
والسبب يكون نايم طول هالسنين ومتعود على انه يخلص كل يوم عشر طلبات !
فجأه في يوم وليلة يلاقي الفين طلب عنده ! فيقعد على نفس مواله الاول !
كل يوم يخلص عشر طلبات يعني انسى انه يغير روتينه !

فالله يعينك تنتظر ..