تحذير من مكتب قبولات " مبتعث للدراسة لخدمات الدراسة بالخارج" ثبت ضدهم الإحتيال

اخوي سالم الدكاترة هم الي ما يحبون يعطون كتب التوصية باليد للطالب،يقولون احنا نرسل مباشر للجامعة.
بالنسبة للتقديم مثل ما قلت لك من البداية القمندة كلها انك تكون متأكد من القبول و هذه هي المشكلة من البداية.

اخ عبدالمحسن ،
عندي بس استفسار بخصوص وضعك ، ليش ما تحاول تتواصل مع المكاتب اللي متعامله معها الوزاره في مسالة القبولات؟
هذي اضمن لك من المكاتب الاخرى اللي مالها تعامل مع الوزاره وتعاملها فقط مع الافراد ،

ياخوي خطاب التوصية انا طلبتها وقلت لهم مابيكم تكتبون للجهة المراسل عشان اقدر أقدم أكثر من مرة وما قالوا شي رسلوا صورة من الخطاب على ايميلي قالوا تبي الأصلي قلت لا أما عن جامعتك ما يعطونك ليه عسى ما شر ترا كلها أوراق آخر شي تنحذف في زباله وانت بكرامه

ايه والله مثل ما قلت لك،ماكو ثقة علبالهم بقبض فيهم ملايين الظاهر! !

اخوي اختار تبي اهني أو بالخاص

أخوي الكريم أنا الي كاتبه تحذير من هالمكتب بالذات،، اصلا تعامل مع مكاتب مرة ثانية مستحيل اتعامل، حتى لو رحت بنفسي و تكلفت تذكرة بمبلغ اكثر من الي دفعته لهم و مصاريف سفر و لا اتعامل مع المكاتب اصلاً، بس حبيت أحذر الشباب من هالمكتب و صاحبه الي اسمه موجود في الموضوع ،، و شاكر تفاعلك

نشكرك على نصيحتك والله جابك قبل لا اتورط انا بعد لاني لقيت قبل كم يوم في حساب الاستقرام بمبتعث اسمه قبولات لامريكا acceptance@gmail خاص يجيب القبولات والغريب ان فيه ناس متجاوب وكمان ينزلون صور فيه شكر الناس لهم وعلى خدمتهم .. بس هل هذولا كمان مثلهم ؟؟

نعم أخوي (سمو الوطن) ممكن شخص يسوي كذا حساب و يمدح المكتب و يقول "جابولي قبول و يعطيهم العافية و هذول محترمين و و و" من هالكلام ، و انا شارح في الموضوع شلون صارت السالفة معاي، هذول محترفين و دارسين نفسياتكم عدل، لازم واحد او اثنين يشهدون لهم بالخير على الانستجرام عشان باقي الشباب يثقون من الي ما عندهم خلفية أو تعبانين من المراسلات مثلي، يا ريت تحذر الشباب على موقع انستجرام مال مبتعث، والي عنده نصيحة يقدمها بدون مقابل و لا يستدرجك و يقعد يتكلم و يحسسك انه فاهم و لا تصدق ابدا ان اكو مكتب عندهم علاقات خاصة بالجامعات و الكلام الفاضي هذا !! الي عنده نصيحة مجانية يقدمها و لا تدفعون فلوس لأي شخص مهما اقنعك إنه يسوي الي انت ما تعرف تسويه،، لأن الجامعات ما تلعب ،، و شكراً على تعليقك و الله يحفظك.

الله ينتقم منهم
فعلاً صرنا في زمن اذا ضيعت الامانه فانتظر الساعه