لمن تم قيد ملفه. كيف رجعته؟

السلام عليكم ورحمه الله وبركاته :-
اول شي, اتمنئ ان هذا القسم المناسب لهذا الموضوع. واذا كان غير ذالك انا اعتذر مقدما
اخواني انا بقول لكم الموضوع بأختصار.
انا بقئ لي من البعثه سنتين ومخلص ساعات واجد ووضعي الدراسي تمام.
شائت الاقدار, وتوفي ابي ( جلطه) هذا الكلام قبل تقريبا سنه
انا بعدها زيي زي اي شخص واعي محب لاهله رجعت لبلدي بعد انتهاء السمستر.
سويت تأجيل ووضحت الاسباب. قبلوا التاجيل لكن بعدها قبل ما يقارب ٩ شهور سكروا ملفي علئ طول بعد
وبعدها غن يا ليل مطولك. اتذكر والله ذهابي للوزاره التعليم العالي ( الطابق الثالث) وشرح اسباب تأخري لعدم العوده الئ امريكا بأوراق رسميه
اتذكر شكل الموظف السافل بعد ما شرحت الاسباب كان يطالع شاشه كمبيوتره وقال لي ( وفاه ابوك مو عذر)
انا صراحه انصدمت ما توقعت واحد من عيال بلدي ومسلم زيي يرد مثل هالرد, يعني قدر شوي.
ادري طولت وانا اسف, الحين جبت قبول نهائي من جامعه بأوريغن لان قالوا جيب قبول نهائي يمكن يشفع لك.
المشكله الجامعه ذي فعلا رفعت ضغطي. ارسلت قبول نهائي قبول كم يوم ويبوني اروح لهم بدايه شهر واحد
مع العلم, اني قلت لهم ارسلوا لي القبول بدري لاني لازم اروح الوزاره وبعد الوزاره لازم اطلع فيزا.
سؤالي, هل لو اروح الوزاره يمكن يقبلون القبول النهائي مع العلم ان الوقت ضيق جدا جدا, او هل بيقولون جيب قبول ثاني. او هل ممكن ارجع للبعثه بعدين اسوي تأجيل لين السمستر القادم؟
اّسف جدا علئ الاطاله واسف عن بعض الكلمات النابيه اللي طلعت مني.
وشكرا