تتوقعون المرافق يقدر يدرس هناك

انت جيب قبول كانك طالع على حسابك ,, اذا جبت قبول وقلت للسفارة ابي ادرس حزتها تعطيك فيزة طالب F1 ,, اذا رحت الملحقية الثقافية في واشنطون ومعك قبول وفيزة طالب راح يضمونك على طول للبعثة ,,

ولا تخاف اذا انت مرافق راح تنضم ماعندك مشكلة ,, حتى لو طلعت بفيزة مرافق واكملت اجرائات القبول بعد ماتوصل ونوع الفيزة غيرتها لـ F1 ,, برضوا يضمونك الملحقية لان من حق المرافق يدرس ويكمل دراسته ,,


يعني الوضع كلـه تمام ان شاء الله

والله يوفقك ويسهل امرك ً ,, وانصحك راسل الملحقية على موقعها الالكتروني عشان ينصحونك اذا تجيب القبول والفيزة وتروح لهم او الاجرائات معقدة والافضل انك تنتظر !

بس يا أستاذ حط في بالك انو انا مرافق للزوجتي على بعثات ارامكوا مو بعثات الحكومه ...
واشكرك على الرد السريع

اووه كان قلت كذا من بدرري ,, والله هذي ما ادري عنها !

ما اعتقد ارامكو راح تعطيك بعثه لانها ماهي سهله بعثات ارامكو ,, انا معدلي عالي وحفيت عشان احصل عليها وماقدرت للاسف !!
عموما اعتقد والله اعلم انك تجيب قبول وتروح الملحقية وان شاء الله يضمونك ,, بس هم مالهم علاقة بزوجتك يعني تروح كأنك طالب بلحالك ويمكن لو تشرح لهم الوضع يضبطون وضعك ,,


بالتوفيق لك ,, ولزوجتك

ايه هين ارامكوا ماراح تعطيني بس انا اتكلم عن الفيزه
شكلي انا باأقدم على فيزة مرافق ومن هناك يحلها الف حلاااااااااال
ولا وش قولتك انت .....؟؟؟؟؟

هلا اخوي ،، انت لو قدمت على فيزا مرافق F2 تقدر تدرس ولكن راح تدرس بارت تايم يعني ما تدرس ساعات كامله زي اي شخص فيزته F1 و برضوه اللي فيزته F2 مايقدر يلتحق بالجامعه غير قانوني عندهم، يعني باختصار ما تقدر تدرس الا دراسه جزئيه و لغه فقط .

بس لو حاولت تجيب ضمان مالي لنفسك و قدمت على اساسه F1 يعني كأنك دارس على حسابك و لما توصل الملحقيه تقدم طلب بعثه وانشالله تصدر قرار بضمك للبعثات .
كذا يكون افضل لك ، طبعا انا اتكلم عن بعثات الحكومه ماادري اذا ارامكو تدفعلك دراسة مرافق من الاساس ولا لا الافضل انك تتاكد منهم.

و لو سافرت على فيزا F2 و غيرت رايك هناك و حبيت تدرس كامل تقدر تغير من هناك تعبي ابليكيشن و تدفع رسوم 300 دولار و يجيك الرد خلال 3 شهور يا يقبلون يا لا ..

موفق ,,

اشكرك ياماس على الرد