ممكن نصيحتكم يا اهل امريكا في تغيير معهد اللغة بعد دراسة 5 اشهر فيه ادخل واحكم وانصح

انا طالب
بكلريوس

وعلى فكرة لو بكمل هنا لاتقل مدة الدراسة المتبقية عن 9 شهور مع اجازة الكرسمس هذا اذا مشيت صح


يالله نصائحكم بسرعة

السلام عليكم ورحمة الله وبركاته ....

اخوك طالب بكالوريس بأمريكا

المعهد مشّ حالك

المدينة (أو بمعنى اصح القرية) خلّها على الله ومن زينها ما فيها عوائل تسكن معهم !!!

السعوديين ( لا أعلم هل انا بمعهد في امريكا أم في السعودية !!!)

فكرت كثيراً في تغيير المعهد والجامعه ....

استخرت فأستشرت ذوي الخيرة ( طالب الدكتوراه - طالب الماجستير-طالب البكالوريس(جميعهم انهو فترة اللغة))....

فأجابوني ......( الكلام طويل اعجز عن كتابته في صفحة واحدة)


اللغة تعتمد عليك أنت فقط لا المعهد ولا التدريس المعهد 20% أو اقل والباقي عليك.


سواءً أكنت بالسعودية أم بأمريكا أم على سطح القمر !!!

إذا دعوت نفسك للتفكير بأنك لم تستفد أو أن بقاءك كعدمه فحتماً لن تستفيد ...

هل سألت نفسك ؟؟ اين التقصير ؟؟ اين الخلل ؟؟

إذا اردت...... هناك كذا نصيحة لك ....aaee67 هوتميل


والسلام عليكم ورحمة الله ....

هلا بك أخوي

أنا طالب مبتعث في أمريكا وبصراحه إذا الحين لك 5 شهور و تقول ما استفدت شي نصيحتي أأأأنقل لمعهد قوي و مو شرط يكون في ولايه ثانيه عشان ما يكون صعب عليك، شوف كلم كالورين متعهدت القبولات و قولها انك تبغى اسم معهد في كلورادوا يكون قوي و فيه كرف و نسبه السعوديين قليله مع انه في كلورادوا صعبه اشوي بس حالو و إذا عطتك الأسم انقل عليه جب قبولك و سوي تحويل و توكل على الله.

لا تضيع الوقت على نفسك و في كل الحالات لا تعتمد على المعهد كثير اعتمد على نفسك اكثر و اتعب على نفسك.

أنا معهدي نفس نظام معهدك و عدد السعودين قليل معاي بس واحد و عددنا في الكلاس 12 طالب و ما احاول اتكلم معاه عربي بعد.

شوف إذا تبي معهد قوي في التدريس و تتخرج منه بلغه كويسه و كتاااااااابتك بطراااااانه بس يبغاله كرررف يركز المعهد على الكتاااابه كثير فيعني الله يعين المعهد في ولايه ميزوري مدينه سبريغ فيلد. أسم المعهد ESL
هذا رابط المعهد http://ccpe.missouristate.edu/eli/
المدينه رخيصه و هاديه و كويسه فيها أماكن تتمشى فيها مو مدينتي الله لا يجيبك فيها قل آمين.

قبل ما انسى المعهد نظام الدراسه فيه 5 مستويات كل مستوى عباره عن فصل كامل 4 شهور إلا الصيف يكون شهرين.
تمنياتي لك بالتوفيق حاول تتخذ قرارك في اسرع وقت.

الله يعطيك العافية اخوي والله ان نصيحتك جهنمية

بس المشكلة انه باقي على المستوى الثاني اسبوع فقط

وانا لحد الان لم اخاطب الملحقية بنية الانتقال

وبصراحة اكثر مادري كيف احل مشكلتي مع السكن موقع عقد لمدة سنة ومادري كيف اللغيه

كيف اجيب قبول جامعي مشروط تابع للجامعة

بهذه السرعة والله اني محتار

الله يوفقك انتظر نصائح البقية

نصيحتي لك استمر في معهدك .. وحاول تطور نفسك بنفسك

فيه كثر شباب تعلموا لغه وهم يدرسون في معاهد في السعودية

انصحك بالذهاب للأسواق والحدائق ومحاولة محادثة كبار السن , ستجد منهم كل ترحيب ولباقة ..


الله يوفقك ويسهل عليك يارب

دمت بود

المزيد من النصائح .....

انا باقولك نصيحة اخوي لي

قالي تبي تضبط اللغه؟

قلت اكيد

قالي اول شي اوصيك ااياه لا تقرب لا السعودين ولا الخليجين ولا اي عربي

الزبده اي احد ينطق عربي لا تحاتسيه

يعني جاي تبي تتعلم وتتكلم انجليزي موب جاي تتكلم عربي

وقتها متى ضبطت اللغه معك

وحسيت انك تمكنت منها رح سولف مع الي تبي سوا سعودي والا غيره


الشي الثاني الجراءه

ذب وجهك طبعا موب علي احد يعني بالعربي ( لا تستحي ) وحاول تستغل المواقف وتفتح سالفه

حتى لو مافي سالفه طبعا بتلقى ناس تضحك لك وبتلقى ناس تكرشك وما تعطيك وجه بس عادي ما

عليك منهم

يقولي اخوي والله اني ما ادخل اي مكان الا احاول ابربر مع الي يبيع

يعني اضرب لك مثال انت دخلت مطعم حاول تتتكلم مع راعي الطلبات

يعني تقول هاي كيف حالك اليوم الجو جميل انا ساكن هنا انا جاي اتعلم خربط اي خرابيط

موب تدخل وتقول اي وانت ذس وتلبد ع الطاوله وتسكت

هي المسئله حاول تعود لسانك ينطق كلمات انجليزيه وبعدها صدقيني بينطلق

ومهوب رادك الا اليابنيه

انشالله فهمت وش االي ابي اوصله والله يوفقكك