مسافر امريكا .. كندا .. استراليا .. تفضل اقدر اخدمك !!

هلا أخوي

الله يعطيك العافية

حبيت أسأل عن طيران الإمارات اللي أنا حاجزة عليها

كم وزن العفش المسموح

لإن مكتب الطيار قال لي 28 للشنطه

وناس يقولون لا هو قصدة 20 للعفش و 8 للطيارة ( شنطة اليد الصغيرة واللاب توب )

فماني عارفة عند مين الخبر الأكيد

أتمنى يكون عندك

دمت

السلام عليكم ورحمة الله وبركاته

بالبداية بالتوفيق انشالله

انا موظف خطوط امريكية + كندية : ) وبنفس المكتب الي اداوم فيه الخطوط السنغافورية ..

بس انشالله اني اقدر اساعدك

بالنسبة لكلام الطيار صحيح

المسموح فيه تو بيس
وكل بيس 20 كيلو والهاند باق 8 والي اهي بالعادة تكون شنطة الاب توب او اي حاجة ثانية خاصة بالاطفال او اغراض شخصية

بالخدمة ..

الله يعطيك العافية
بالنسبة الى امريكا ابي اعرف
1- ترتيب افضل الجامعات؟
2-بانسبة لغلا الاسعار في المدينة الي تكون فيها الجامعة؟
وشكرا لك.

اسعار تذاكر الطيران بالنسبه لامريكا

تتراوح من كم الى كم

وبكل شركه

واي الشركات احسن

وكم اذا حجزت ذهاب فقط

اذا كان حجز التذكره من المنطقه الشرقيه

ممكن تخبرني عن افضل طيران من الرياض لامريكا مباشر ويكون مريح في الدرجة السياحية
ولو عندي طفلين رضع اقل من سنة هل توفر لي الخطوط كار سيت او لا؟؟

1. تذاكر السفر من جده الى امريكا

2. تذاكر السفر من جده لكندا

3.

هل صحيح انو الحصول على حجز من والى امريكا صعب بسبب الضغط على الخطوط السعوديه ؟؟
وهل بالامكان العوده الى السعوديه مرتين بالسنه؟؟؟؟

السلام عليكم ورحمة الله وبركاته

اسعار التذاكر تتفاوت اسعارها على حسب تاريخ السفر ان كنت مسافر في الهاي سيزون او اللو سيزون

بشكل عام تذكرة امريكا تتراوح اسعارها من الـ 4800 للون وين الى الـ 5200 للراوند تريب

طبعا انا اتكلم عن الخطوط الامريكية نفسها اليونايتيد ايرلاينز

ميزتها انها تملك روت مريح للمسافرين اقصد خط السير

يكون بالشكل التالي

بحرين - كويت - واشنطن

تصل الرحلة واشنطن الساعه 6 ونصف صباحا

اول طائرة تنزل والمطار فاضي مافي رحلات والامقريشن بيبل توهم مبدلين دوامات يعني فريش مو مظغوطين بالعمل ومتعاونين لابعد درجة

الرحلة هذي سافرت عليها اكثر من خمس مرات وارسلت زوجتي سافرت عليها لحالها ومالاقت اي مشكلة ولله الحمد

طبعا احب انوه ان الخطوط الي اتكلم عنها اهي الخطوط الامريكية وماعرف باقي اسعار الشركات لاني انا موظف خطوط امريكية فقط

اي استفسار بالخطمة

السلام عليكم ورحمة الله وبركاته

بما انا كلنا انشالله مبتعثين

راح يكون خط ير الرحلة بشكل عام للاخوان بالشكل التالي

الطالب اول مايوصل يحتاج يقضي يومين في واشنطن لانهاء باقي اجرائات الملحقية

بعدها السفر الى ولاية الي يدرس فيها ةهذي الرحلة تكون داخليه والسعودية ماتملك طيران داخلي في امريكا فا نصيحة خلي امورك وتذاكرك كلها مع طيران امريكي عشان تضمن عدم تاخير العفش والتاخر في تبديل الطيارات في المطارات

الخطوط السعودية تملك رحلة الى واشنطن بس مو بشكل يومي والظغط عليها رهيب

الخطوط الامريكية تملك رحلة يومية من كويت الى واشنطن

بعض الاخوان يعتقد ان تذاكر الحكومة لازم تكون على الخطوط السعودية وهذا غلط

امر الاركاب لوكالة الطيار مايشترط الركوب على الخطوط السعوديه بامكانك اختيار الخطوط الي تناسب تاريخ سفرك وثقافة سفرك ( معرفتك بشركة الطيران اقصد )

بالنسبة للاطفال الرضع .. يتم توفير لهم حاجة اسمها باسنت سيت

الكار سيت هذا يكون عليه ركووست