استغرب من تعامل او اراء بعض الاخوات و الاخوان ,, الي كانهم يلمحو ان الي مش منقبه او متحجبه نقص دينها او نزلت درجات من سلم القبول عند الله,,, و العكس صحيح !!
يعني الي حلق لحيته عشان يتجنب الاحراجات و مدمر زوجته نفسيا و ملبسها مية لبسه عشان يكسر قلبها و يحسسها بشذوذ عن المالوف ,,, و في الاخر تشيله لما تدخل الجامعه عشان تحس انها انسانه طبيعيه لما انصدمت بالواقع في تقبلها ,,,,اكيد البعض رح يقول ان واجب ديني و ما ادري ايش ؟ طيب الدين يسر ,, البنت حررررره في حجابها ,,ليش ما لها حريه الاختيار ؟؟؟ ليش لازم شخصا ما فارضه عليها وكثير بنات عزلو انفسهم عن الناس مو عشان الحجاب زي ما يتحججو هم انفسهم بس لان محرمها ضاغط عليها بطريقة ما ...
و الي يقول ما لقى معهد مش مختلط عشان زوجته تدرس فخلاها في البيت ,, هذه امريكا حريم و رجال ,,,و في نفس الوقت ما عندهم انحلال غصب عن رضا الشخص,,,
الدين تعامل و اخلاق و تقرب من الله من اكثر من باب و الحجاب جزء منه مو كله ,,
ليييه اقول الكلام هذا لان من المفارقات العجيبه الي اشوفها هنا ان فئة من الشباب يشرب و يدخل نايت كلوب يصلي فرض و و الفرض الثاني جذر تربيعي مضروب في 10 يكفيه لكم شهر قدام ,, لكن لما يجيي الموضوع للنقاب و الزوجه ظهرت الايات الي حافظه و انتقاده للمبتعثات الي حجابهم مختلف بطريقة ما و ان محرمها د....,,,الاصوات العاليه و الدفاع عن الدين محصور عندهم في طريقة لبس الحجاب ,,,,
صراحه مو احنا المسلمين الوحيدين الي في العالم ,,, اعرف كثير امريكات مسلمات بحجاب و بدون حجاب و مندمجين في المجتمع و ناجحين و الله الي رح يقبل منهم ,,,
و في حياتي ما شفت زي انكسارات البنات السعوديات و عزلتهم و خجلهم يعبرو برايهم لانهم حاسين ان كل حركاتهم مراقبه بسبب عادة ما او راي شيخ ما او محرما ما و صارو مبرمجات انها تعيش مو بس مغطيه الوجه ايام السعوديه الا كل شي فيها تغطى كانسانه اجتماعيه كحالمه كا ناجحه لها دور في المجتمع حتى لو كان غربي ,,,
لاحد يقولي انو كلامي دعوة للانحلال و الجراءة الزائده ,,,بس نفسي اعرف ليش البنات السعوديات معزولاااااااااااااااات عزله تامه عن العالم ,, زي ما هم في الكلاسات
السبب بدا من فين ؟؟مو الحجاب السبب في شي اعمق فكر فيه ..
الي تجي امريكا لازم تفكر في كل التفاصيل قبل تجي ,,,
و لازم تعرف انو بعض ردود الرجال ما رح تكون واقعيه زي البنات انفسهم الي مرو بالتجربة,,, لكن الشي الجميل من بعض الردود من الرجال الي حسو بمشاعر اخواتهم في مثل هذا الوضع بدون ما يكونو فيه ...و هذه ميزة بخوفهم على بناات بلدهم ما يكونو في مواقف محرجه تخسر تاثير في ناس كثير عشان موضوع بسيط,,
مو سهل انك تطلعي من السعوديه بعد عزله كبيييييييره عن ما يدور في الخارج و تلاقي نفسك في وسط عالم مطالبه انو يكون لك دور اكبر من مجرد امرأة محافظه و بس لكن لازم يكون لك حياة واسعه في الجامعه و الاحتفالات العامه للطلاب الاجانب و الاجتماعات داخل و جارج الجامعه و حتى مع العوائل المختلفين و الرحلات الترفيهيه باسلوب في حدود الدين و المنطق ,,,تغيري صورة البنت السعودية المكسورة ,,,و يفهمو انتي مين كانسانه مثقفه و متعلمه و مشاركه و نفس الوقت تفتخر بدينها الوسطي ,,
كلامي يظل شخصي بس حتى اوصل الصورة الي بالي ...
و احترامي للجميع و كل شخص و خياراته ,, و حطو هدفكم انكم تجمعو الدين و الدنيا ,,,
مو صعبه ,,,الحياة حلوه وسهلة
تحياتي
حجرة الفلاسفة December 17th, 2008, 11:12 PM
7 " 
LinkBack URL
About LinkBacks
بنت رجااااااااال الله يوفقك ويبعد عنك أولاد وبنات الحرام