حسبي الله على الوزاره .. حطمت حلمي ..!!!

September 22nd, 2008, 01:30 AM

السلام عليكم

حسبي الله على من كان السبب !!

نعم !!

الله ينتقم منه ان شالله

ليش يلعبون فينا ليش يضحكو علينا ليش يمشونا على كيفهم

انا من يوم اني صغير وانا اتمنى اني ادرس برا

ويوم جات الفرصة ... والوزارة ( الزفت ) تقولي اقلب وجهك !!

كيف

ليش

باي حق !!

بقولكم سالفتي

اول شي مركبتي المركبة 86.8 عشان ماحد يقول نسبتك ماتاهل

قدمت على النت طب

ورحت موعد تدقيق الاوراق

وكل الشروووط وكل شي عندي ومنطبق علي

عطوني ملف واوراق وتعهد اعبيهم يوم وصلت عند المدقق قالي ...( وين شهادتك الاصلية )

علما بان شهادتي كانت في جامعة البترول ...

قتله في الجامعه

قالي شوف
يانك تسحب شهاتدك وتوريني اياها
او انك تمسك الباب !!

قتله طيب اذا سحبت شهادتي اعتبر مفصول من الجامعه ...قلت انتم بتاخذون شهادتي

قال لا

قلت اجل ليش اسحبها

قال بس نبي نشوفها وخذها معك

بيني وبينكم انا ماعندي مشكله انا ابي البعثه

بعدين قتله

اذا جبت الاصليه يعتبر قبوول نهائي ؟؟

قال " لا
يمكن نقبلك ويمكن لا

قلت اذا سحبت ملفي وماقبلوني وش اسوي اقعد بالشارع يعني !!!

طلعت من عندهم والدموع اربع اربع وربي

من ذاك اليوم وانا جالس ادعي على الي كان السبب

ـــــــــــــــ
بعدها بكم يوم طلع المقبولين بكلية الطب في فيصل
وسحبت ملفي من البترول ووديته الطب

وانا لحد اللحين ادعلي على الي كان سبب في تحطيم حلمي وحرماني من البعثه.

ــــــــــــــــــــــــ
اللحين بتقولون وش يبي ذا اللحين ..
لكن الله يعلم وش في قلبي من الضيق والحسرة

ماقدرت اكتم صدري

قلت لازم اطلع واتكلم واقووول

الي ابيه منكم تعطوني نصايح .. وش اسوي .. وين اروح

انا بالعربي مابي ادرس هنا
ابي ادرس طب برا وبس .

اتمنى التفاعل ...
على الاقل يمكن يشفى شوي من غليلي

اخوكم علي

• نشر عبر تويتر
• نشر عبر فيسبوك
• نشر عبر جوجل