ياشباب اخر خبرية من التعليم العالي من مصدر موثوق جدا

October 23rd, 2008, 07:35 AM

اخواني واخواتي الاعزاء

اسعد الله اوقاتكم بكل خير ومحبة

صراحة حبيت انوه لطلاب المرحلة الرابعة بانهم لا يتعبون نفسهم ويجيبون لانفسهم قبولات ابدا ابدا لان لي ولد اختي طلع اسمه في البعثات وجبت له قبول بعد ماغثني هو وابوه وامه عشان اجيب له قبول حيث انهم ماهم مقتنعين ان التعليم العالي راح يرفض جميع القبولات

وجبت القبول مثل مايبون وراح به نسيبي ودخل بالقبول من العنقري لين البنغالي حق الوزارة ولا رضيوا انهم يقبلونه بالرغم من ان معاه واسطة ماهي بسهلة والله

وطبعا فيه كورس تحضيري لترم او ترمين لطلاب البكالوريوس لازم ياخذونه في السعودية قبل مايطلعون على قبولاتهم

وبالنسبة للطلاب اللي يبون يحولون من دولة غير استراليا لدولة استراليا ترى التعليم العالي يرفض انه يحولك لاستراليا بعذر ان فيه تكدس في الطلاب السعوديين هناك ويبي لهم شخص من النوع اللي يداوم معاهم صباح وليل لمدة اسبوع عشان يقبلون يحولونه

يعني قرار المنع ماهو رسمي ولكن من رأس الدكتور عبدالله الموسى ويبي لهم شخص لحوح جدا


الخبرية الكبيرة صراحة انها فاجأتني حيث انها تتكون من قسمين :

1 - اي شخص على حسابه الخاص لازم يرسل قبوله وختم الدخول حق الدولة المبتعث لها قبل تاريخ 15 نوفمبر لان التاريخ هذا هو تاريخ الاقفال عشان الميزانية لعام 2008
واي معاملة بعد هذا التاريخ لم ولن تقبل ووالله خبر اكيد مية في المية .

2 - الخبر الطامة الكبرى وهي ان التعليم العالي يفكرون جديا في وقف الابتعاث من خمس الى سبع سنوات ابتداء من السنة القادمة وفيه احتمالية بسيطة يمكن 10 % فقط انه يكون في مرحلة خامسة للابتعاث

فوالله ان الشي هذا من دكتور مسؤول في الوزارة وشخص موثوق به وانا حبيت ابلغكم حيث لو فيه احد عنده قبول لازم يطلع للدولة اللي راح يبتعث لها ويسوي ختم دخول ويرجع للسعودية يقدم اوراقه بنفسه قبل 15 نوفمبر لعام 2008 اي بعد تقريبا 22 يوم .

والله يقدرنا لما فيه خدمة لابناء المسلمين ولا تنسونا ووالدينا واولادنا من صالح دعواتكم

• نشر عبر تويتر
• نشر عبر فيسبوك
• نشر عبر جوجل