ما هي أفضل خطوط إلى أمريكا؟

الاتحاد ممتاز
و شكرا على الموضوع المفيد

من وجهة نظري افضل خطوط هي الخطوط اللتي تنقلني الي وجهتي مع محطات توقف اقل ووقت اقصر.. والخيار المفضل لدي هي الخطوط السعودية.

مشكورين ...
استفدت كثيرا

انا جربت الخطوط السعودية .. بصراحة تأخيررر بشكل غير طبيعي لاني سافرت قطر طيران تأخير ساعه ونص !
ولما رجعت رجعت على القطرية .. التزام بالمواعيد بصراحة ولي اقارب سافرو على الخطوط القطرية ومحد تشكى منها
اما من ناحية الخدمات ما ادقق اهم شي اوصل
اهم شي عند المسافر يحضر وقت اقلاع طيارته ببدون تأخير .
وانصح بالخطوط القطرية والاماراتية وتجي معهم السعودية ..

القطريه الكل يمدحها وارخص


( تمت المشاركة باستخدام تطبيق مبتعث )

من وين أرخــص آلله يصلحكـ !!
وآلله إنهآ قصمــة ظهر .. لقيت آلإمآرآتية أفــضل بآلنسبة لي ..
وتعتمــد على حسب وجهتكـ ..
آلشيء آلغريب آلعجيب إن آلسعوديــــة جدآ غــــآلية لخط سير رحلتي !!

انا جربت القطريه

من الدمام الى الدوحة ترانزيت من الظهررالى ١٢ اليل ارتحنا في فندق قرب المطار وانصح الجميع فيه نظافه وراحة ( اسمه اوريكس روتانا )

وبعدها ركبنا طيارتنا من الدوحة الى رومااا وكانت رحلة حلوه الحمدلله ، ومافيه سعوديين الا انا وزوجي وعايله من ٣ اشخاص ام وبنتها وولدها كلهم كبار ، والباقي هنود مدري من وين جووو طبعا" جلست الام وبنتها جنبي وهاتك سوالف والله انبسطت معهم مرررررا وضاع الوقت بقوووه وحبتني الام مررا يوم وصلنا روما بغيت اصيح عليهم حبيتهم بس ماطلبنا ارقام بعض ،،
😒
جلسنا ٣ او ٤ ساعات في مطار روما بعدين ركبنا الخطوط الامريكية من روما الى شيكاغوا مافيه سعوديين الا انا وزوجي كانت رحلة طويله وممله طيارات الخطوط السعوديه الداخليه افضل بكثييييييير فخامه هع جنبها ..

مابغى اكمل التفاصيل بحس ب التعب كانت رحلة جدا" جدا" متعبه وصعبه وتخللتها مواقف صعبه الله لايعيدها علينا وعلى كل مسلم ..


الحين حاجزين ع الخطوط السعودية اول مرررة بركبها في رحلة دوليه ، ان شاء الله تكون مريحة يااارب ،

ارتاح اذا سمعت دعاء السفرر وشفت سعوديين حولي احس ب الإنتماء هههههههه ..


مسار الرحلة جدا" متعب ، يارب هون علينااااا ..

من مدينتي الى انديانا بوليس ساعه سياره ، بعدين طيارة من انديانا بوليس الى واشنطن ، نجلس في مطار واشنطن 5 ساعات بعدين من واشنطن الى الرياض ، بعدها طياره رحلة منفصله بنفس اليوم من الرياض الى الدمام 😭😭

لولا الظروف كان ارتحنا ب الرياض وبعدين كملنا لاكن اسأل الله العظيم ان ييسرها 😭




( تمت المشاركة باستخدام تطبيق مبتعث )

القطريه من الدمام الى الدوحة خدمات سيئة وضيقه ، وموسيقى وكنت احسب مصدر الموسيقى من احد الركاب بغيت انفجر تونا طالعين من رمضان كانت رحلتي ٣ ايام العيد ..

كلمت المضيفه تطفي او تقصر الموسيقى طالعتني بنفس شينه وقالت من عند كابينة الكابتن ..

يااني حقدت عليها وتنكدت والصوت عالي يجيب الهم والي نرفزني محد اعترض وقال تونا طالعين من شهر الصيام ساكتين وكأنهم جمادات .. 😖


طارت الطياره واشوف مطار الملك فهد من بعيد ، وتهل عيني بالدمع ماكنت مصدقه اني بسافر وببعد عن اهلي ..

وابكي وابكي وابكي والحمدلله اني جنب الشباك اخفي دموعي لايشوفني زوجي 😊

وبعدين انكشفت اصلا" النقاب راح فيها الحمدلله معاي واحد احتياط ب شنطة اليد ..

والغريب دموعي حاره واحس بالغبنه 😭 واتذكر شكل امي وابوي واخواني ، واتذكر امي قبل كم دقيقه جت خذت لاب توبي. مع اخوي وجلست تضرب كفوفها وتبكي تحت النقاب 😭😭 ..

وزوجي يهدي فيني واحس جبت له الحزن ، لان الصراحة ماشافني وانا ابكي من قبل ودموعي ماتنزل قدام احد 😒
شرايكم بقصة حياتي 😜 لابس اوصف لكم شعوري ب تلك اللحظات الوداعية ..


دمعت عيوني 😥

المهم كانت القطريه من الدوحة الى روما اوسع وماقدر بصراحة احكم الا اذا جربت خطوط خليجيه غيرها ..

لاكن نشب لي بذيك الرحلة ايطالي ملقوف مستغرب اني متغطيه ويراقبني ويراقب الي جنبي في البداية ضحكت من نظراته وبعدين زودها خاصة يوم جت الوجبه خلى وجبته ويطالع شلون آكل هههههههههه المشكله زوجي يخزززه ولا مفكر يشيل عينه جعلها الرمد

وطول الرحلة يطالعني ويطالع السعوديه الي جنبي لا والاخ جلسته معدلها عشان يطالعنا كويس ، يطالع شوي ويحش فينا عند عجوزته شوي 😜




( تمت المشاركة باستخدام تطبيق مبتعث )

الرحلات المباشرة من امريكا الى الرياض او قطر او دبي الحريم ب الطياره وش لابسين عبايه ..؟
سودا ولا ملونه ؟؟؟




( تمت المشاركة باستخدام تطبيق مبتعث )

إيه سودآء أكيد .. وإذآ بتلبسي ملونـــه محد بيقول شي, بآلنهآية بتوصلي إن شــآء آلله عبآيتكـ ملونه أو سودآء ( إنتي حرهـ بلبسكـ ) ..
أهلي رآيحين معـــي مغطين وكــل شي آلحمد لله ..
رآيحين جـــآيين .. وأمـــورنــآ تمآم ..

مرهـ عآلإمآرآتية مبآشرة من سيآتل لدبي للمدينة ..
ومرهـ عآلألمآنية .. من أمريكآ لألمآنيآ جدهـ - للمدينة ..

لآ تدققـــي بهآلأمـــور .. ولله آلحمد أصبح الأمر طبيعي وعآدي جدآ ..
متعودين على آلمسلمين وعآدآتهــــم ..
نعمـــة من رب آلعــــآلمين ..