ماهي تجربتك عن السكن مع العائله الأمريكية؟

انا جيت امريكا من اسبوع وعند عائلة وكنت راسم امال اتعلم اللغة لكن المشكلة طلعوا شباب عرب ومعاهم وحدة امريكية كل شوي تحفظ كلمة عربية وتزعجنا بها
هم على طول في العمل وجالس في البيت وحدي ومامارست اي لغة
الشباب طيبين وحبوبين بس حسيت نفسي ماحققت الهدف الرئيسي للسكن مع عاسبة وهو ممارسة اللغة
لا والجيران يجونا اسبوعيا ويقولون علمنا الارقام والحروف العربية وجالسين بس نعلمهم

هههههههههههههه
الصراحة أهني راعي الموضوع

والله قريت كب الصفحات وأنا ميت ضحك

إن شاء الله كلها كم يوم وبلحقكم

موضوع غير مفيد

عندما تحترم العائلة وتلتزم بقوانينهم (التي لاتمس دينك) سيحترموك

وبعدين انت صاحب الحاجة وعليك ان تكسب ودهم حتي تستفيد منهم لتطوير لغتك معهم

والمثل يقول اذا لك حاجة عند.............قله يا.........................
والمثل الاخر ياغريب كن اديب


ومن يريد الاستفادة الحقيقية عليه ان يبتعد عن المنتديات العربية بجميع اشكالها والوانها ولا يأتي اليها الا بعد ان يتقن اللغة التي حضر من اجلها .

انا ساكن مع عائله مكونه من رجل وامراه اعمارهم 35 وعجوز وطفلين 4 و 5 سنوات وعندهم اخو معاق عمره 25 سنه
طبعا البيت صغير بالحيييل بس مرتب
الغرفه صغيره مررره ولي حمام خاص برضو صغير
ابو العائله زكرتي ومررح موب نظام شيبان
البزارين ماينعطون وجه يفقعون راسك بسواليف سامجه
طبعا عندهم كللبين واحد هسكي يالبىىى والثاني سلقه يحوم كبدي
العائله زي ماتقول عادي يتهاوشون قدامي ولا عدوني واحد غريب خخخخخخخ

يعطيك العافيه .

ههههههههههههههههههههه


خصوصاً بالبدايه

انا كنت ساكن مع عائله في بريطانيا - بورنموث

والعائله مكونه من ام فقط وعمرها في 50 ولها ولد يشتغل كل يومين او ثلاثه يجي يسير علينا هو مع الجير فرند تبعه ^^
اول مادخلت البيت ,
عطتني ورقه, فيها قوانين وشروط تبع البيت ^^"ز
انا قلت الله يستر !!

بس لما شفتها قللت الحمد لله
الشروط سهله وانا بعيد عنها وهي

لا تجي البيت وانت سكران
لا استعمل لاب توب بتاعها
مااجيب اصحابي من بعد ساعه 2 الفجر ^^"

حاجات سهله,

وسالتني انت مسلم ؟ قلت لها نعم
طارات شارع شارمستر وشرت لي الاكل الحلال
وجابت لي تمر وشاي لبتون ^^"

يالليل كنت مدلع ^^

والعائله ماشاء الله نظافه وادب
حتى نجيب اخوانا البيت ونطبخ كبسه لها
تسستغرب !!

وحتى امرض خوي الي كان معاي بسكن ورحت معه المستشفى ومادرت هي
لما رجعت فكرتني راجع من سينما وقالت لي كيف كانت لليله لاني راجع متاخر
قلت لها كنت مع خويي بالمشفى تعبان

وتضايقت ^^

اقدر اجي اي وقت البيت , اجيب خوياني والعيال
لما ارجع متاخر وجوعان اخليها تطبخ لي ^^"

واحلى شى ندخن جميع بصاله ههههههههه

للرفع..
نريد تجارب اكثر

موضوع جدآ ممتاز .

في كم نقطة اريد التطرق لها الا وهي الاتي .

اول حاجة بخصوص بعض المشاكل الي يواجهة الطلاب بسبب بعض القوانيين التي تضعها العايلة وانا من وجهة نظري اشوفها من ابصط حقوقهم ان يضعوون قوانين للمنزل ,لانهم ناس يحبون النظام فا لذالك في بعض الطلاب انا لا الومهم اطلاقآ اذا تضايقو او تذمرو من القوانين والشروط بحكم البيئة الي احنا عايشين فيها في السعودية, يعني على سبيل المثال بيوتنا في السعودية لاتوجد بها هاذي الشروط الي انا اشوفها منطقية جدآ للعوائل ولا كن في الطرف الاخر تعجيزية بنسبة لبعض الطلاب وانا لا الومهم ابدآ, ولاكن من خلا تجربتي مع العوايل وشروطهم الا اني تأقلمت معاهم وعلى شروطهم. كثير من العوايل وانا هنا لا اقول كل العوايل , اذا احترمتهم وقدرة شروطهم وقوانينهم والله بحطونك على راسهم طبعآ هاذا الكلام من خلال تجربتي وهي اكثر من سنة.

تجربتي مع العائلة,
اول ماجيت لقيت قوانين و شروط مثال لبعض القوانين , لا تترك غرفتك مهمولة (وصخة ) لا تتروش بعد الساعة 11 في الليل لان في ناس نايمة تكون تحت فقط احترام وتقدير وعدم الازعاج للي نايمين تحت ونشف الموية من المغطس بعد ما تتروش, لا تترك لمبت الغرفة شغالة في وقت النهار او اذا كنت خارج المنزل ,اذا خلصت اكل غسل صحنك وملعقتك هاذي مو شروط فقط من باب الادب والاحترام وغيرها من بعض الشروط . طبقت جميع الشروط طبعآ العايلة كانت جدآ محترمة وحبت اسلوبي وتعاملي معها لدرجة انا تكلمني اذا انا كنت خارج المنزل وتقولي ويش تحب تاكل للعشا صارت كأنها امي وصرت كأني واحد من اهل البيت حتى لو ما طبقت بعض القوانين تتغاضى عنهم وصارت تأمن فيني بشكل غير طبيعي حتى الفلوس تتركهم فوق الطاولة وهاذا طبعن كله بعد حسن تعاملك معهم يعني با العربي احسن فيحسن اليك والله يا اخوان لو طحت مريض او صار فيني شي كأني ولدها تجيبلي العلاج وتهتم فيني اهتمام مو طبيعي و با الاضافة تحب تسولف معي وتصححلي القواعد الانجليزي وتعلمني كلمات جديدة كانها معهدي الثاني طبعآ كل هاذا بعد احترامي لهم وحسن تعاملي معاهم . اطلع من الغرفة واخلي فلوسي و ممتلكاتي المهمة ولا اشيل هم لان العايلة حبتني وحبيتها وتعودنا على بعض .بعد سنة من المعيشة مع العايلة قررت ان اطلع شقة وكان قرار صعب بنسبة لي ولاني عارف اشلون اقولها تراني طالع وبروح اسكن في شقة كلمتها وقلت لها وتأثرة تأثير و قالت ما توقعت نهائيآ انك بتطلع في يوم من الايام .
على كل حال الحين لي سنة من خرجة من عندها و مازلت متواصل معاها وتعزمني على العشاء بعض الاحيان . تجربة كانت جدآ ممتازة وزي ما قلت احترم قوانينم وبيحترمونك . طبعآ اكيد هاذي التجربة ايجابيه بكل .

نجي لتجربة سلبية
واحد من الاخوان الي يدرس معي في المعهد , رجع من المعهد شاف اغراضة برا البيت .. ليييييش, اقولكم ليش .

اخونا بلاه قاالب غرفة النوم مطبخ , جايب القدر و الدافوور والعزبة السعودية وحاطها عنده في الغرفة وشغل كبسات وخوينا متجاهل قوانين العايلة ولا هو طاق لهم خبر وييين تبون العايلة تحترمه ولا تتقبله كطالب , صحيح اهم شعب يحبون الفلوس كثييير بس عندهم الانضباط وتطبيق قوانيينهم اهم من اي حاجة ثانية.

انا من وجهة نظري الشخصية الطالب لو احترم قوانينهم واحترم اهل البيت راح يكسبهم لان العايلة ما لها مصلحة تطفش الطالب با العكس ودها انها الطالب يستمر معاها لاكن مو على حساب قوانين البيت .

في الاخير العايلة با النسبة لي احسن بكثير من الشقة من ناحية الراحة والاحتكاك با اللغة .

للللرفع........