ماهي تجربتك عن السكن مع العائله الأمريكية؟

العائلة باختصار انت وحظك ..
انا سكنت مع عائلة شهر ..
تهاوشوا الرجال وحرمته طوال الليل ..
وجلست سهران بالغرفة للصباح استنى الهواش ينتهي ..
حصلت مشادات كلامية ووصلت للضرب من الاصوات الي سمعتها ..
فجات الساعة 7 الصباح .. وانا شنطتي جاهزة للمغادرة ..
فخرجت .. وكنت مقرر ما اداوم بالمعهد ذاك اليوم ..
واول ما شفتني الحرمة .. اووووووه هاني وير ار يو قوينق ام سوووو سوري ..
ما كنت مرتاح بالبداية .. فجات المضاربة .. قلت خل استغل الموضوع .. والحمدلله طلعت واخذت فلوسي ..


فيه واحد من الشباب بسان ديقو ..
ماشاء الله تبارك الله .. عائلته انواع الفلة ..
يودونه يقضي مقاضي .. بسيارتهم ولا ياخذون منه ولا ريال ..
ويجلسون معه بالساعات بالسوق .. لغرضه هو ..
مرة طيبين ..


فالعائلة انت وحظك .. بعضهم ماديين جداً ..
واهم شئ عندهم الفلوس ..
وبعضهم .. ماديين ( ومن حقهم ) بس بنفس الوقت طيبين وفريندلي ..

يآليت آلردود مآتتجآوز آلحدود !!
كلن يحكــي تجربتــــه ويرد .. بمآ ينآسب مع مكآنة آلمنتدى ..

يعطيك الف عافية يا حروف متناثرة صادق ربي يسسعدك على حذف الردود التافهه ^_^
واسف ياغالي ربي يسسعدكك ويخليك

نصيحة فترة اللغة ابعد عن العرب قد ما تقدر والله نصيحة اسأل مجرب


( تمت المشاركة باستخدام تطبيق مبتعث )

حبيت أشارك بتجربتي
أخوكم سكنت مع عائلتين في بريطانيا
الأولى بريطانيه من أصول باكستانيه من اول يوم دخلت تكلم الأب مع الأم اوردو وقلت لهم I didn't come here to learn Urdu ضحك وقال الام ماتتكلم انجليزي زين , كنت جاد ولكن مشيتها
كنت قاري شروطي وعارفها وهذا لاحظت كثير من الطلاب بغفل عنها مثل اذا اعتذرت عن وجبات يوم كامل لي حق بالمبلغ المالي حق اليوم وهذا كان يضايقهم
وأيضا تصادمت مع أحد أبناء العايلة قال أنتم عندكم نظام الكفيل و تستعبدون العمالة- وأنا والله ماأعرف شي ويمكن يكون صح - لكن كرهت عيني أحد يستنقصنا وماحبيت أضعف وقلت دولتنا ونسوي اللي نبي its our busines

العائلة الثانيه من اهل الديرة , وصدق من قال اسلام بلامسلمين !!
تخيلو أول يوم والله جتني الأم خايفه تقول لمست سجادة الصلاة بقصد أرتب الغرفه , فهمتها انه نحرص على نظافة المكان عند الصلاة ولاباس
أيضا بدون ماأطلب عوني الفلوس لما أعتذرت عنوجبات يوم كامل
والحمدلله ماتزال مراسلات اخرها عن الحج الله يهديهم للاسلام
خاطرة
لامجاملة في التعليم أي طالب مايستفيد من العائلة يطلب تغييرها وهذا من حقوقه
هذا مااستفدته وبالله التوفيق

اغلب التجارب فاشله ماقد شفت احد مبسوط
يازين الاستقلاليه

نصيحه ورأي خآص يعتبر ..
ولكــن بآلعكس مآلكـ مفر من زملآئكـ يعني بتعيش وحيـــد وكأن فيكـ نفسية !!!
أصلآ آلطلآب بيآخذون عنكـ فكرهـ غريبة ويمكن سيئة !! وآلشيء أللي يمكن يذل آلشخص إنه يبتعد عن آلسعوديين ويوم يطيح بمشكلة ويجيهم بكل برود يبيهم يسآعدونه !!
طيب أول كنت تشرد منهم وآليوم جآي تدورنآ !!!!!

في كثير سعوديين مع بعض مآيتكلمون إلآ إنجليزي .. وآضعين برنآمج معين بحيث إنهم يتكلموآ إنجليزي بقدر آلمستطآع ..
أللي يقول إبتعد وإبتعــد .. نصيحه من وجهــة نظري في غير محلهآ ..
يعني لو بعدت عن آلسعوديين بتتطور لغتي %100 !!!
طيب يمكن أبتعد بس تلآقيني مآ أذآكر !! وش إستفدت سبيكنق !! طيب وغيرهـ !!
لآ إشتغلت على نفسي ولآ إجتهدت .. !!

طبعا انا من سكان سان دييغو :

والله انا سكنت عند عائتين وبعدها حرمت اسكن مع عوائل ( راي شخصي )

العائلة الاولة : شايب مع فلبينينة !! طبعا الرجال امريكي والحرمة فلبينية

دوامهم من 5 الفجر الى 6 المغرب ـ وانا دوامي من 5:30 المغرب الى 10 الليل

الويكند يتكون في البيت بعد 13 ساعه عمل 5 ايام في الاسبوع دايخين ولا يتكلمون ولا شيء تنفييييييييس !

ما طولت كملت شهري معهم ومشيت على عائلة ثانية

2- فلبينية بالكامل : ( طبعا الاكسنت يسلم عليكم سلام كثير ويقول : مااااخذ اجازة ) الاكسنت مييييييييييح

الهجوز عمرها 72 والرجال 69 وولدهم عمره 41 معهم

طبعا في ذا العائلة كنا 6 سعوديين منهم انا !!!

قعدنا كلنا شهر وبعدها توزعنا من عندها

بالنسبة لي ما احب العوااائل اصلاااا لاني احب اكون على راحتي بدون اي قيود وقوانين تقيدني
ممنوع الطبخ ! في الليل امشي مثل النمر الوردي على روس اصابعي عشان ما ازعج خلق الله !! المواعين !! وغيرها
( عشان مذا لو لقيت عائلة بريال سعودي يعني اقل من 25 cent ما اخذتها )

لاني اصلا افضل الراحة

لكن ناس واجد اعرفهم مرتاحين مع عوائل لكن انا ما اداني الشعب الامريكي ولا عاداتهم مع انهم حبوبين !!! ( لكن محترم نفسي اولا ) !! كذا من الله

هههههههههههههههههههههههههههههه
أضحك الله سنك الله يحفظك , النمر الوردي ببيوت بريطانيا والله وأسأل من درس هناك , خاصة لاجعت تالي الليل
الله يوفق الجميع

إي وآلله صدقت ببيوتهم هذيكـ أللي تمــد رجولكـ تضرب بطرف آلبآب ..
أذكر معنآ وآحد آلله يذكرهـ بآلخير من دوله خليجيه <--- مسوي زي آلصحف آلمحلية موآطن من جنسية عربية ( :
آلمهم رآح عند عآئله وهو مآشآء الله جسمه مليآن .. آلمهم آلرجآل لغته الإنجليزيه ضعيفه جدآ توهـ جآي .. رآح لإدآرة آلمعهد يبي ينآقشهم بموضوع آلعآئله
ويبي يقول لهم إن آلمكآن ضيق !!!!
جآي زعلآن ويقول آيم سآد آيم سآد .. قآلوآ له وش فيكـ طيب ..؟!
رآح يأشر بيدهـ يشرح لهم ويقول مآي روم مآي روم إتز إتز ......... إتز ( قبر ) ضيقه قبر < --- طبعآ هذآ شكل مسؤولة آلمعهد
ههههههههه يآحليله وآلله يآسوى آلفضآيح فيهم وتجي تقول طيب نفهمهم عنكـ يقوووول لآ لآ لآ بتعلم بتعلم مع هآليهووود هآذول هههههههه