تكفي و الا ؟؟؟؟؟؟المكافاة للمعيشة بامريكا؟؟؟؟؟؟؟

انا مرافق مع زوجتي وطفله
المكافاة تكفي للمعيشة
طبعا قبل الزيادة 50%
ويمكن التحق بالبعثة لدراسة الماجستير انا وزوجتي
ممكن احد يفيدني
وبصراحة متردد جدا
لانه سأترك عملي وراتبي
وكذلك زوجتي توها متعينه جديدة مالها الا يومين وش الحل ؟؟؟؟؟؟؟؟

لالا تترك الله يسعدك انت اذ موظف حكومي اخذ اجاززه بدون راتب لي اجل الدراسه اما زوجتك اكيد لازم تترك التعين لانه كذا لاتستوفي شروط لابتعاث لا تقطعون علي انفسكم خط الرجعه متدرون وش يصير معكم

والله كنت متردد
والحين بعد الزيادة 50% التردد نقص
بس متخوف !!
من الغربه وش اللي بيصير لي
على فكرة اللي يرجع ولا يكمل هل يطالبونه بالمصاريف اللي خسروها علينا ؟؟؟

أولا كثر من صلاة الإستخاره

ثانياٌ من رايي ترجعون لسعوديه وتشوفون خططكم الإقتصاديه المستقبلية من وظيفه وتجاره هذا إذا كانكم تتوقعون إنكم بتطولون بالماجستير أما إذا تتوقعون إنكم بتاخذون سنه فقط لا كملوا الماستر
لأن من وجهة نظري الماجستير مو دايم تكون تفكير صحيح خاصة إذا كان الشخص يفكر إقتصاديا لأن كل سنه تروح من عمرك لها ثمن

ثالثا الوظائف ماهي دايم متوفره ومع هذه الإزمه الإقتصاديه كثير من الموظفين إستغنوا عنهم

هذا وصلى الله على نبينا محمد

الحين ثبتت زيادة المكافأة 50% ؟


بالنسبة لك اخوي انصحك انك تآخذ اجازة مفتوحة بدون راتب .. وتطلع مع زوجتك وتشووف وش يصير معك

وانت دام معك زوجتك ان شاء الله بتستانسون ..

بالنسبة لكفاية الراتب او لا ..هذا يعتمد عليك وعلى كريمتك .. لانه يعتمد على الشخص

وكذلك يعتمد على المكان اللي انت رايح له .. فيه اماكن تكون غالية نسبيا واماكن معقولة ..


اتمنى اني افدتك ..

وشكرا

أشكر كل من شاركنا بوجهة نظره .
فمن الناحية المادية ممكن تهون
لكن من ناحية النجاح في الدراسة و التخوف من المستقبل وخاصة انه سوف ادرس انا وزوجتي ماستر
فكثير من الذين ذهبوا الى امريكا للدراسة نصحوني بالذهاب
والمعضله الوحيدة التي ستواجهني هو ما عندي لغة جيدة وتخاطب بالانجليزي وزوجتي اسوء مني .

ما ليك غير الاستخاره
بعدين مادام عندك فرصه انك تاخد اجازه مفتوحه لا تتردد
والله العلم حلو يرفعك و برفع من مستوى معيشة الفرد
و هادي فرصه لا تعوض اذا ضاعت لا تندم انت عندك دخحين الاختيار
فاكثر الاستخاره

مشكور على وجهة نظرك وتوجيهاتك

والله بالنسبه لي انا انصحك انك تاخذ اجازه مفتوحه بدون راتب وتكمل الماجستير

واذا كان على اللغه فهذا شي عادي جدا جدا جدا لانه كل الي راحو كان ما معاهم لغه بس مع الدراسه والممارسه انت بيسير كل شي سهل