اخيرا وصل القبول . من معاي في els deland

ارسلت ايميل لواحد درس بالمعهد حصلتة بملتقي طلاب امريكا وكان هذا الرد
(وعليكم السلام ورحمته الله وبركاته حياك الله اخوي محمد
والله المعهد مستواه جدا متدني ماأنصحك فيه للاسباب التالية المعهد صغير جدا وعدد الكلاسات قليل يعني اذا بتبدأ من المستوى الاول
لازم يكون معاك اقل شيء ثلاث طلاب علشان يفتحوا كلاس جديد لك او انك تتضطر انك تبدا من المستوى الثاني
والمدرسين بدون خبرة سابقه
انا اتكلم من واقع تجربة درسة فيها ثلاث اشهر ثم نقلت الى ولاية اخرى
على العموم انا نصيحتى لك انك تبحث عن معهد تابع للجامعة علشان تدخل مباشرة للجامعة بدون توفل
وممكن تسأل شباب الملتقى وراح يفيدونك عن معاهد الجامعات

واتمنى لك التوفيق)

http://www.saudiforum.us/vb/showthread.php?t=22056
وهذا تعليق واحد بالملتقي عن المعهد مع ملاحظة انة عام 2006

يعني نكنسل القبول؟؟؟؟؟؟؟؟؟؟؟؟؟

السلام عليكم ............
انا بقلوكم شي انا الانسان مايقدر يحكم على الشي الا اذا جربة ولا تلتفتون لاي كلام عن مستوى التدريس في المعهد قبل متجربون لان الناس تختلف في افكرها وعقلياتها واجتهادها ......الخ
لوتتذكروا ايام الدراسة في الجامعة كم مرة اختلفنا مع زملأنا في تقيم الدكتور فعلى ذالك قيس الامور
انا من وجهت نظري انكم تنسوا الكلام ذا عشان ماياثر عليكم نفسين كانكم ماسمعتوة لان الانسان اذا حط في عقلوا هذي المحبطات راح تنعكس على تحصيلة العلمي
وتوكل على الله واعلم ان الخيرة في ماختارة الله ولا ترهقوا انفسكم بالتفكير انا بقولكم قصتي ايام الجامعة كانت تنزل الجداول وكان الطلاب يغيروا فية عشان سمعوا عن الدكتور شي ونا عمري ماغيرت جدولي عشان هذي الاسباب والحمد للة توفقت وتخرجت ونا مرتاح نفسين لاني متوكل على الله واعلم انا الخيرة في ماختارة الله لان الانسان في هذة الدنيا مصير لا مخير ......
ومتاسف على الأطالة ........

كلامك صحيح لكن معروف عن معاهد ELS انها زباله بحكم انوا اخوي درس في فرع من فروعها ويقولي هم يبغوا فلوس مايهم التدريس

للاسف معهد هدفه ربحي انا حاليا ادرس بالمعهد هذا وفيه مشكلة بيني وبين المسؤلة فيه بخصوص الليفل............. وعلى الفكرة المعهد انتقل من مدينة ديلاند الى اورلاند المنطقه الموجود فيه منطقه راقية بس للاسف اسعار السكن فيه غاليه ..... وبالنسبة للكلام الي قريته عن المعهد للاخ كان طموح ترى صحيح مئة بالمئة

الله يستر ويعين

شباب انا مسافر على ديلاند,فلوريدا يوم 22/2/2009
خط الرحله جده- واشنطن
2009/2/24
واشنطن-اورلاندو
مافي مطار في ديلاند
كيف اروح على ديلاند؟
اللي يعرف ياليت يفيدني

و انا معاكم في ديلاند .. و دراستي كمان تبدأ 2/3 ..

ايميلي muhannad-(تم حذف الإيميل لأن عرضه مخالف لشروط المنتدى) و جوالي 0503304305 ..

نبغى نتواصل قبل لا نروح يا شباب .. رحلتي يوم 22 فبراير جدة - باريس - واشنطن - أورلاندو بعدها بيومين لام أخلص أمور المحلقية بإذن الله ..

ياخي معقولة انتقل المعهد و لا يقولوا لنا ؟؟؟؟؟

انا راسلت ادارة المعهد كم مرة و لا ذكروا انه انتقل ؟؟

والله للاسف هذا الي صار انا اعرف طلاب راحو لديلاند وتفاجئو ان المعهد انتقل لمدينة ثانية والمعهد ما بلغهم فصارت لهم لخبطة لانهم كانو حاجزين سكن بديلاند لكن انصدمو ان المعهد انتقل بدون ما يبلغهم على العموم المعهد هذا يحتاج الكثير من العمل لتطوير مستواه لان الطلاب فيه قليلين فا ممكن تظطر انك تدرس بمستوى اقل او اعلى من مستواك علشان ما يقدرون يفتحون كلاس لطالب واحد على العموم المعهد والكلام هذا انا متاكد منه لاني ادرس بالمعهد هذا..