أسباب رفض السفاره الفيزا

يعطيكم العافيه ع الموضوع

طيب انا لي سنتين في الجامعه وابي اطلع منها وارح ادرس برا

هذا بأثر علي في السفاره مع ان معدلي مافيه شي ؟؟

اهلين اخواني : شكرا على تفاعلكم مع الموضوع

واشكر جميع الاخوان الذين اتحفونا بارئهم الجميله واللتي قد يستفيد منها الجميع واولهم انا,لذلك اود ان اطرح بعض الاسباب التي قد تؤدي الى منعك اخي المبتعث من الفيزا.
اولا": كثرةالسفر الى البلدان الخارجيه منها ماذكر سالفا ومنها من لم يذكر
ثانيا": عدم الثقه بالنفس كما ذكر الاخوان سابقا وخصوصا اذا كانت الاجوبه متنافيه عن بعضها البعض.لذلك يجب على كل من لديه مقابله ان يتوقع كل الاسئله ويتحرى جميع الاسئله التي سوف يسئل عنها في المقابله"ونصيحتي لاخواني ان يضعوا في عقلهم الباطن ويقتنعوا ان المقابله جدااااا بسيطه ولا تحتاج الى ذلك الخوف الغير مبرر الذي قد يوضع في اذهاننا من قبل اناس ليس لديهم ثقه بانفسهم"
ثالثا" يجب ان يتوافق كل ماتقوله مع i-20 حيث ان ال آي توني يصف جميع المعلومات التي لدى المبتعث

رابعا" : دائما مانلجا في امورنا في الدنيا الى الناس والناس كما تعرفون ليس لديهم حول ولا قوة لذلك اخي من الافضل ان ترفع يديك الى السماء في منتصف الليل وانت قائما تصلي بين يدي الله عزوجل وتسأله ان يسهل عليك كل امر عسير وان يعلمك مالا تعلم كما قال تعالى"ادعوني استجب لكم" .

واخيرا اخي ارجوا ان اكون قد بينت ووضحت بعضا من الاسباب التي قد تحول بينك وبين الفيزا .لذلك ياخي دائما لا تقلق حتى ولو لم تتكمن من الحصول عليها ولاتحزن واعلم ان الخيره فيما اختاره الله.......

ماعليش اخوي حمودي نسيتك ......اتوقع ان الموضوع سهل جدا ولا يحتاج الى تعقيد بالعكس انت طالب جامعي ماشاء الله ولا كن نصيحتي لك انك لاتضيع السنتين اللي درستها حاول اول تعادل بعض الساعات اللي درستها في الجامعه مع الجامعه اللي تبي تدرس فيها علشان تختصرلك الوقت . وبالنسبه للسفاره اتوقع والله اعلم انه امر عااااااااادي جدا ولا فيه اي اشكااااااليه ..........تحياتي

من خلال اللي اشوفه

اهم شي عندهم انهم يعرفون انك مو رايح للهجره لو حسوا بهالشي باي اجابه من الاجابات ممكن تنرفض الفيزا

وشي ثاني اذا كان المعدل منخفض لاني شفت بعض الاخوان انرفضوا لهالسبب

وشي ثالث اذا كانت المواد اللي درستها هنا او تخصصك غير معترف فيها هناك
مثل الدراسات الدينيه
وشفت في احدى المواضيع انرفض لهالسبب

واذا حسوا عدم الجديه بانك تبي تدرس


هذا اللي اشوفه

موفقين

يعطيك العافيه اخوي ؛؛؛

انشالله ربي يسهل الموضوع وانشالله اقدر اعادل المواد

بس المشكله اني ما اعرف كيف اعادل من هنا ولا لما اروح عندهم

وما ادرري هم يعادلون ولا لا ؛؛؛

يعطيك العافيه اخوي

تحيتي لكـ وربي يوفقك ؛؛

والله مادري بالضبط انا اعرف بعض الشباب معهم دبلوم وعادلوا الشهاده من الوزاره.....الله يسهل عليك كل امر عسير.......الاحسن انك تروح للوزاره وتستفسر بنفسك....تحياتي

أهم شي الثقة ولاتكذب عليهم بشي ..لان عندهم خبرة بالنظر للي مو واثق وما يقول الحقيقة ..

واهم من هذا كله توكل على الله (آمن المتوكلون)

ربي ييسر لك ..

اخي العزيز ...

اذا خرجت من الجامعة وقد درست سنتين / اذا كان معك دبلوم تقدم عليه عشان يعادلون لك ساعاته ولا راح يسالك عنه موظف السفاره لانه من ابسط حقوقك انك تكمل دراستك عندهم .

اما اذا كنت دارس سنتين بس ماحصلت فيها دبلوم راح تقدم على شهادتك الثانوية وراح في هذي الحركه يسالك بعد تخرجك من الثانويه في عام كذا الى عام كذا ماذا كنت تفعل ؟

ولك خالص تقديري واحترامي ...

ايضا الرفض بسبب تدني المستوي للمتوسط وليش الضعيف للمحرم
وهو معروف انه بيروح معي

موضوع مهم ورائع و انا كنت انتظر موضوع زي كذا الواحد يستفيد منه . بس السؤال هو انا الحين متخرج السنه الماضيه من 7-2008 الى الحين وش اقولهم