كم يبغالي من مبلغ اجيبه معي على الاقل..؟؟؟؟

شوف انا راح اتكلم من وجهة نظري انت بما انك رايح مع العايله وراح تاثث الشقه وتستاجر شقه انت لازم تاخذ مبلغ احتياط يعني تقريبا بين 5000 دولار الي 10000 دولار بحيث ان لوصار ما صار ما تتوهق لان انت بتساجر شقه وعلى قولتك بتاثث والله يسهل امورك ان شاء الله

ااذا المبلغ الي بتأخذه معك كبير يفضل تسوي نصه شيك ونصه كاش الشيك لا سمح الله لو صار شئ ممكن تبلغ عنه بس الكاش نو واي تروح باي باي
بالتوفيق

تحياتي للجميع

انا من وجهة نظري انصحك في البداية تسجيل جميع الاولويات الي تحتاجها من اول اسبوع لوصولك الاراضي الامريكية

مثال وليس للحصر وانت تسجل الي تحب :
- أيجار الشقة ( التأمين - الكهرباء - الماء - التدفئة - النت )
- أغراض عامة ( شريحة - كروت المواصلات اذا اانت في مدينة كبيرة راح تحتاجها شهريه )
- الأثاث ( تصنف الشقه الي تبغاها غرفه او غرفتين وأيش راح تحتاج من اثاث تقريباً ( السرير ( غرفة النوم ) - غرفة الجلوس ( الصاله ) أدوات المطبخ من قدور وحوستها )
وتقدر تبحث عن شركات كبيرة للأثاث في نفس المدينة او تبحث عن سعوديين ساكنين في نفس المدينة على الاقل يدلك على شركه معروفه فرضا أيكيا أو اي شركه عالمية لانها تكون الجودة كويسه بالاضافه الى السعر المتوسط . ولا تتكلف بالحيل حاول تكون متوسط ولا تبخس بالسعر علشان الجودة تكون ممتازه .
- هل تحتاج الى سيارة أو لا ؟؟ وكم سعر السيارة المتوقع تشتريها .
- والباقي تسجله على روقان بالتشاور مع المدام على الاولويات الي تهتمون فيها من أول ايام وصولكم للاراضي الامريكية


- أنصحك بالبحث عن شخص يكون في المدينة الي انت فيها
وتسأله عن الشركات الخاصة بتوفير أحتياجاتك الاولويه وانت تبحث في النت عن الاسعار المتوقعه

وتسأله بخصوص الشقق الفندقيه راح تكلفك ما يقارب 1500 دولار لمده شهر تقريبا الى 2000

راح تقول كثير بقيمه ايجار شهرين


راح اقولك ادفع 2000 واجلس دور لك شقه انت والمدام على عينك وتعجبك لانك راح تكتب عقد لمده 6 اشهر على الاقل وما تقدر تطلع منها لو ما اعجبتك الا دافع قيمه شهرين على الاقل والتأمين يروح عليك

ركز على نقطه اول شهر او اسبوعين على الشقق الفندقيه راح تفيدك مررررررره


والله يوفقك ونصيحه باالاخير

لا تتوقع ان مصروفك مثل مصروف اي شخص اخر انت احسب ميزانيتك قبل تمشي بالاولويات وزود عليها 2000 دولار للضمااااااان

ولا تنسى انك معاك عائله يعني الوضع غير قابل للمجازفه

الاولويات هي الي تحدد حياتك الاقتصادية كيف تعيشها

وأحب انك تركز دام معاك عائله على التأمين الطبي وشموليته

لان اي زياره للدكتور لا سامح الله في علاج راح تدفع فيها قيمه التأمين بزياره وحده او زيارتين

والله يوفقك ويوصلك سالم

وادري طولت عليك بس حبيت اطرح عليك نظرتي الشخصيه مثل مو انا مفكر اسوي

مشكورين على المشاركة

اتمنى لك التوفيق والنجااااح

وربنا يسهلك ويعين اهلك

شكرا على المداخلات

الله يعين و يسهل
لازم نخد احتياطاتنا فأفضلك خد المبالغ الي انت مجمعها
وربك يسهل ولو زادت حطها احتياط بالبنك