استفسار عن شركات الشحن الأمريكية+تعليم السواقة

السلام عليكم ورحمة الله وبركاته

أخواني واخواتي أبغى اسألكم عن
أحسن شركات شحن أمريكية توصل الأغراض للسعودية بدون
ماتنكسر أو تنخرب في الشحن
ايش الأفضل ؟
وكم أسعارها عادةً
يعني لو مثلاً ابغى أشحن فستان زفاف لأختي
كم ممكن يكلفني ؟

وسؤالي الثاني للمبتعثات
كيف لما كنتوا تتعلموا السواقة
أنا أخذت رخصة الإختبار النظري باقي لي العملي
مره أخاف لما أسوق
علمني زوجي فترة بس برضو خايفه
ومعايا 8 شهور حتى وتنتهي مدة الرخصة ..
ايش نصايحكم ليا بخصوص هذا الموضوع
كيف كنتوا تتعلموا ؟
كم المدة اللي احتجتوها حتى وأتقنتوا السواقة
أنا إلى الآن لما أجي أوقف السيارة أخاف
وأخاف من الرويس وقت ماأوقف السيارة
وأخاف من الأماكن المرتفعة يعني مثلاً عندنا منطقة زي
طريق الطايف-الهدا اللي كله منحنيات وإلتواءات
و زوجي يقول لازم أسوق فيها!!
افيدوني يابنات الله يسعدكم بخبراتكم

وشكراً لكم